Amatie 24:37 - ZE'ELEGO PAALEGA

³⁷ Wuu Nowa dabeha la puan n yuum ani se'em la, bala mɛa ti Asaala Dayua la kinɛ na wan ana.

Farefare Ninkaré

³⁷ Nẽrsaala Dayʋa la lemŋo, la wʋn ãna wʋ Anoe wakatɛ n yʋʋn ãn se'em na.

Amatie 24:37 ပူးပေါင်းရင်းမြစ်များ

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 24:27

Se'ere en sɔi la, wuu saa n ni nyakɛ dapɔya bɔba ti la niiɛ paaɛ zanɔya bɔba se'em la, bala mɛa ti Asaala Dayua lɛbega na la wan ta ana.

Amatie 24:3

Daarɛ deyima ti Yezu ta zi'a Olive Zoore zuo, ti a zahereba la wa'am a zi'an ba ma'a na, yele en yeti, “Yele tu, saŋa kani ti dina wa wan iŋɛ, la daalehum buni n wan pa'alɛ fum lɛbega na, la ba'ahegɔ saŋa la?”

Amatie 24:30

Bala ma'a ti Asaala Dayua daalehum wan niiɛ saazuo wa ha, ti timpaberɛ wa zuo buuri za'a, wan kɛla, gee ti ba nini nyɛ ‘Ti Asaala Dayua wa bɔna saazuo sagbama’ puan kina na la pankãtɛ la suŋa.

Amatie 24:39

Ba yuum ka mi' sɛla n yeti la iŋɛ, ta paaɛ se'em ma'a ti ko'om la wa'am na di piiɛ ba za'a kiŋɛ. Bala mɛa ti Asaala Dayua lɛbega na ta ana.

Hiburuduma 11:7

Sakerɛ zuo ti Nowa, Yinɛ kagɛ en doohe yele sɛ'a en wan wa'am na, ti Nowa nam yetɔgum la ninmu'urɛ, gee kpa' daka kãtɛ la ti a faaɛ a yire. Yele dina ti Nowa yuum dikɛ gakɛ timpaberɛ wa, gee nyaa sooe vaaɛ tuntɔɔnɛ en dole sakerɛ puan la.

2 Pita 2:5

Yinɛ yuum han ka bahɛ diimen diimen saŋa la, la eŋa en yuum pun faaɛ Nowa, se'em en muulɛ tuuntɔɔ vom yele la, la nɛreba bayopɔi basɛba la, gee yuum bahɛ ti ko'om di sankaŋa be'em buuri la.

2 Pita 3:6

ko'bumɔ mɛa en yuum di timpaberɛ wa, ti ka za'a sagum la.