Amatie 24:14 - ZE'ELEGO PAALEGA

¹⁴ Saazuo sɔ'ɔlum faarɛ yelefum wa wan muulɛ paaɛ timpaberɛ wa zi'an woo, ti la dɛna aze' nyɛ daana bɔ'ɔra tihi za'a, gee ti ba'ahegɔ la baŋɛ wa'am na.

Farefare Ninkaré

¹⁴ Nawẽnnɛ so'olʋm kõ-yẽlga wʋn mõolɛ dũnia wuu mɛ, tɩ buuri wuu wõm, dee tɩ dũnia ba'asgɔ yãŋa paagɛ.

Amatie 24:14 ပူးပေါင်းရင်းမြစ်များ

Amatie 10:7

Yan kini la, muuli ya faarɛ yelefum wa yeti, ‘Yinɛ sɔ'ɔlum la lɛm ya mɛ na.’

Amatie 18:19

Le yɛ'ɛha, yelemɛŋerɛ ti en yɛta ya wa, ya bayi' han ku nuurɛ tiŋa wa zuo doohe la sɛla woo ti ya soke bɔta, mam Sɔ n boi saazuo la wan tum dɛ bo' ya.

Amatie 24:3

Daarɛ deyima ti Yezu ta zi'a Olive Zoore zuo, ti a zahereba la wa'am a zi'an ba ma'a na, yele en yeti, “Yele tu, saŋa kani ti dina wa wan iŋɛ, la daalehum buni n wan pa'alɛ fum lɛbega na, la ba'ahegɔ saŋa la?”

Amatie 24:6

Ya wan wuna zaba yɛla la zaba yelebibehi. Gee da bahɛ ya ti ya paleŋa ɛgera, se'ere en sɔi la, yele ana woo wan ita, gee dagi ba'ahegɔ saŋa la n bala.

Amatie 4:23

Ti Yezu dɔla Galilii za'a pa'ala nɛreba zamehegɔ yiya puan, gee muula Yinɛ sɔ'ɔlum faarɛ yɛla, gee tibera teem la bã'ahi se'ehi woo en tari nɛreba la.

Amatie 9:35

Ti Yezu dɔla tinkãra la timbibehi za'a pa'ala ba zamehegɔ yiya la puan, muula Yinɛ sɔ'ɔlum faarɛ yelefum la, gee tibera bã'ahi la teem yima yima.

Amarkɩ 13:10

Gee faarɛ yelehum wa wan diŋɛ nɛŋa muulɛ paaɛ tihi woo.

Aluki 2:1

Dabeha aŋa puan la, ti Kaiza Agastus bo' nuurɛ ti ba gulehɛ Arome sɔ'ɔlum nɛreba za'a yu'ura.

Aluki 24:47

ti a yu'urɛ puan ti ba wan muula teere en bo'ori , la be'em sugeri dia, pɔhera Yerusalɛm, la tihi za'a puan.

Aluki 4:5

Ti Sagena la tari en zom zi'an, ta ze'ele bilam pa'alɛ en sɔ'ɔlum la woo en boi timpaberɛ wa zuo la za'a bilam bilam.

Tõoma 1:2

ta paaɛ daan se'ere daarɛ ti a zom saazuo la. Gee ti a zom saazuo la, a daa bo' la pa'alegɔ Fa'a Sia la puan, bo' a tuntuneba la ti a mɛŋa looe la.

Tõoma 11:28

Ti ba puan ayima yu'urɛ n yi'ira Agabuse, ti Sia la bo' en paŋa ti a vaaɛ ihege ze'ele purɛ yeti, kompɛɛlega wan sige timpaberɛ zuo zi'an woo. Ti la sirum wa'am na iŋɛ bala Kulodeyose Kaiza saŋa puan.

Tõoma 17:31

Se'ere n sɔi la, a looe la dabeherɛ biŋe, ti daan dinɛ daarɛ ti a wan gakɛ nɛrawoo n boi timpaberɛ wa zuo tuuntɔɔ. A wan doohe la buraa kayima ti a mɛŋa looe la, doohe eŋa puan ti putɛ'kɔ'ɔrɛ bɔna, eŋa n ihege en kum puan la.”

Tõoma 17:6

Ban ka nyɛ Pɔɔl la Silase bini la, ti ba vɛ' Yason la sakereba basɛba wa'am tiŋa la kpɛ'ɛnduma nɛŋan na, gee vɔɔla yeti, “Nɛreba wa en dole tuleha timpaberɛ wa kpabera la, nyaa paaɛ ka'lam me na,

Tõoma 19:27

Ŋwana wa tari la nyɔ̃pɔ̃hega kina na, dagi la tu tuuma wa ma'a n wan bahɛ yoo, gee tinganɛ kãtɛ Atemis en de bage kãtɛ zɔŋɔ la wan lebege kɛhega lɔkɔ, ti ba faaɛ a pansɛka ti a tara ta'am lagehɛ Esiya tiŋa wa, la timpaberɛ wa za'a ti ba kina na'aha en la.”

Tõoma 20:25

“Nananawa, mam mi' ti yamam sɛba woo ti n tari ya doohe muula Yinɛ sɔ'ɔlum wa yɛla la, ya ayima kan le nyɛ mam la ya niho.

Aromduma 10:18

Gee mam sokere dela, Ba ka wum? Yelemɛŋerɛ, ba wum ya. Se'ere en sɔi la, la gulehɛ gɔŋɔ la puan yeti, “Ba kua yehe paaɛ timpaberɛ wa zi'an woo mɛ, ti ba yelehum la paaɛ timpaberɛ wa luga za'a.”

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:6

n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

Hiburuduma 1:6

Le yɛ'ɛha, Yinɛ en yeti a ta bahɛ ti a dayɔkiima wa wa'am tiŋa wa zuo na la, a tɔgɛ bala yeti, “ Bahɛ ti Yinɛ suŋereba la za'a na'aha dayua wa.”

Hiburuduma 2:5

Lan de se'em la dela,Yinɛ ka dikɛ tinsɛka en ye' na, ti tu tɔgera ka yele wa, iŋɛ suŋereba la nu'uhen.

Lilegere 14:6

Ti mam nyɛ ti suŋera ayima ɛgeri sagbama wa zuo, tara faarɛ yelehum la en ka tari ba'ahegɔ la, ti a muulɛ bo' sɛba en vɔi timpaberɛ wa zuo, tiŋa woo, buuri woo, la tugum woo, la nɛreba woo.

Lilegere 16:14

Bana wa dela kulekpa'bɛ'ɛhi se'ehi en tuna kirehi, kina timpaberɛ wa zuo na'kãreba nɛŋan, ti ba lagehɛ ba gura zaberɛ, dabeherɛ kãtɛ la en de Gani Za'a Yinɛ dabeherɛ la puan.

Lilegere 3:10

Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.