Amatie 24:11 - ZE'ELEGO PAALEGA

¹¹ Ti nɔtɔgeheba pumparenduma zo'e zo'e wan wa'am na pa'ahɛ nɛreba zo'e zo'e ti ba.

Farefare Ninkaré

¹¹ La nẽrba zozo'e wʋn isge parɩm yetɩ bãma de la Nawẽnnɛ nõtɔ'ɔsrɩba pã'asɛ nẽrba zozo'e tɩ ba tuuge.

Amatie 24:11 ပူးပေါင်းရင်းမြစ်များ

Amatie 24:12

Ŋmɛlema n wan pa'aha la zuo, nɛreba zo'e zo'e nɔŋerɛ wan ma'ɛ.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 24:5

Se'ere en sɔi la, nɛreba zo'e zo'e wan wa'am na dikɛ mam yu'urɛ yɛta ti, ‘Mam n de Kiresta la.’ Ba wan bahɛ ti nɛrekuuŋɔ bɔregɛ.

Amatie 7:15

“Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha.

Amarkɩ 13:22

Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Tõoma 20:30

Basɛba wan pun yehe yamam mɛŋa puan gɛ̃ta yelemɛŋerɛ la, ti ba ta'am pã'ahɛ zahereba la basɛba ti ba doohe ba poore.

1 Timoti 4:1

Nananawa, Fa'a Sia la yele ti la niiɛ mɛ, ti ba'ahegɔ saŋa la, sɛba wan zagehɛ ba Kiresta kɔma sakerɛ la, doohe la ban kelehe pã'ahegɔ sɛɛhi, la kulekpa'bɛ'ɛhi pa'alegɔ,

2 Pita 2:1

Gee nɔtɔgeheba pumparenduma en yuum ihege na bɔna nɛreba la puan, wuu pumparenduma pa'aleba en wan bɔna ya puan se'em la, sɛba en wan li'ihɛ tari sageŋɔ puti'ira wa'am ya puan na. Ba wan pun ta zagehɛ ba Daana se'em en da' ba la, tari sageŋɔ wa'am ba mɛhi zuo na kalam.

1 Zã 2:18

N kɔma wa, la dela ba'ahegɔ saŋa. Yan pun wum ti Kiresta dima daana la kini na la, bala mɛa ti nananawa, Kiresta dima duma zo'e zo'e wa'am na. Ŋwana puan ti tu baŋɛ ti la dela ba'ahegɔ saŋa la.

1 Zã 2:26

N gulehɛ yele ana wa bɔ'ɔra ya la sɛba en wan pã'ahɛ ya la zuo.

1 Zã 4:1

Sunɔŋerɛ duma wa, da nam ya sia woo, gee magehɛ sɛɛhi la bihera nyaa, ba ze'ele Yinɛ zi'an na, se'ere en sɔi la, nɔtɔgehe pumparenduma zo'e zo'e en kɛ̃ tiŋa wa zuo.

Azudi 1:4

Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.