Amatie 21:31 - ZE'ELEGO PAALEGA

³¹ Kɔma bayi' wa puan, ba ani n tum ba sɔ la puti'irɛ?” Ti ba yeti, “Yia daana la.” Ti Yezu yele ba yeti, “Yelemɛŋerɛ ti en yɛta ya wa, ti kubetɔ'ɔhereba la yalunduma la pun diŋɛ ya nɛŋa mɛ kɛ̃'ɛ̃ra Yinɛ sɔ'ɔlum la puan.

Farefare Ninkaré

³¹ Bãma bayi, ãne n ẽŋɛ a sɔ la n boorɩ se'em na?» Tɩ ba lerge yetɩ: «Pɔspɔsɩ dãana la.» Tɩ Azezi yele ba yetɩ: «Mam yetɩ ya la sɩra sɩra, tɩ lampo-tɔ'ɔsrɩba, la pɔg-yalsɩ dõma wʋn dẽŋɛ ya nẽŋa kẽ Nawẽnnɛ so'olʋm pʋam.

Amatie 21:31 ပူးပေါင်းရင်းမြစ်များ

Amatie 12:50

Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”

Amatie 18:3

ti a yeti, “N yeti ya la Yelemɛŋerɛ, ti han dagena ya tee mɛ ana wuu kɔma, ya kan malum kɛ̃' saazuo sɔ'ɔlum la puan.

Amatie 20:16

Bala, sɛba n tole nɛŋa wan ta yee pooren, ti sɛba n yee pooren wan ta wa'am na tole nɛŋa.”

Amatie 21:30

Ti sɔ la kiŋɛ yibega la zi'an ta yele en bala mɛa, ti a lerege en yeti, “N daana, n wan kiŋɛ.’ Gee pooren tee a puti'irɛ ka kiŋɛ.

Amatie 5:18

Mam yeti ya la yelemɛŋerɛ wa, ti han dagena ti saazuo la timpaberɛ n tole, gulehɛgɔ pika yɛla la puan kan makɛ saalum, han dagena a za'a wa'am na tum mɛ.

Amatie 5:46

Yamam han nɔŋɛ sɛba en nɔŋɛ ya ma'a, beni yɔɔrɛ ti ya wan to'e? Sɛba en to'ohe kuba pun ka ita la bala?

Amatie 6:5

“Ya ni han yeti ya pu'uhɛ, da ni ani ya wuu birekɔgenduma la. Bama nɔŋɛ la ba ni dooe zɛ'a saazuo zamehegɔ yiya la puan, la sadɔtɔ kãra zi'ihi woo puan, pu'uha ti nɛreba nyɛ ba. N yeti ya la yelemɛŋerɛ wa, ti ba pun to'e ba yɔɔrɛ mɛ.

Amatie 7:21

“Dagi se'em woo en yeen yi'ira mam ‘N Daana, N Daana,’ n wan kɛ̃ saazuo sɔ'ɔlum la puan, gee se'em n tuni mam Sɔ n boi saazuo ha la sumboolum.

Amatie 9:9

Yezu en kini la, a nyɛ la buraa ti ba yi'ira Matu, ti a zi'a kuba to'ohego deo puan, ti a yele en yeti, “Dɔla mam” ti a ihege doohe en.

Aluki 15:10

Bala mɛa ti n yɛta ya wa, Ti nyɛɛma kãtɛ n ni bɔna Yinɛ suŋereba tiŋasuka, be'em daana ayima han ni tee a puti'irɛ.”

Aluki 19:22

Ti Zuodaana wa yele da'aberɛ wa yeti, ‘N wan gakɛ hɔ la fum mɛŋa nuurɛ yetɔgum wa. Yameputua wa. Fum mi', fum pun mina ti mam dela nɛra wurebere, digeha sɛla ti n ka biŋe, gee kɛ̃'ɛ̃ra zi'an ti n ka burɛ?

Aluki 7:29

(Ti sɛba woo n wum yelehum wa la, ta ta' la sɛba n to'ohe kuba la, baŋɛ Yinɛ buurɔ la mɛ, beni zuo, bamam n daa sakɛ to'e Yɔn ko'om sua la.

Azã 3:3

Ti Yezu lerege en yeti, “Yelemɛŋerɛ yelemɛŋerɛ ti n yɛta fum wa, nɛra ka boi wan bɔna Yinɛ sɔ'ɔlum la puan han dagena ba dɔgɛ en la saazuo na.”

Azã 3:5

Ti Yezu lebehe en yeti, “Yelemɛŋerɛ yelemɛŋerɛ ti n yɛta hɔ wa, ti nɛra ka boi wan kɛ̃ Yinɛ sɔ'ɔlum la puan, han dagena ba malum dɔgɛ en mɛ doohe ko'om, la Sia la puan.

Tõoma 17:30

Saŋa daa boi ti Yinɛ daa ka dikɛ saaleba yɛmka'alum ti la dɛna daaŋɔ. Gee nananawa, a bo' nɛrawoo n boi ze'sɛka woo la nuurɛ ti ba tee,

Aromduma 3:19

Tumam mi' ti ze'elego la n yeti sɛla woo la, yeti bɔ'ɔra la sɛba n dole ku la, ti nɛra da ta tara n ka baŋɛ mɛ, tiŋa wa za'a wan ta yele ban daa iŋɛ sɛla la sɛla.

Aromduma 5:20

Gee ze'elego wa'am na ti ku bahɛ ti tuure kekeko en malum niiɛ pa'aha , gee zi'an ti tuure malum niira pa'aha la, zu'uhegɔ me malum niira pa'aha gana la bala,

2 Pita 3:9

Daana la ka gu'uni a nɔbiŋere la, wuu sɛba en ti'ihɛ gu'uŋɔ se'em la, gee a di'ihe la suure la ya, ka bɔta ti se'em bahɛ yoo, gee ya za'a wa'am na tee.