Amatie 2:13 - ZE'ELEGO PAALEGA

¹³ Baŋereba la n kule la, ti Daana suŋera niiɛ a mɛŋa bo' Yosefe zaaheŋɔ puan yeti, “Ihege tari bia la, la ka ma zɔ loŋe Igipiti ta bɔna bini gura se'em ma'a ti n wan ta yele fum ti fum lebe na. Se'ere n sɔi la, Hɛrɔd maahum mɛ ti a ɛ bia la ku ka.”

Farefare Ninkaré

¹³ Bãŋrɩba la n fõrgɛ la, tɩ Nawẽnnɛ malɛka puke a mẽŋa pa'alɛ Azozɛfʋ zãasŋɔ pʋam, yele ẽ yetɩ: «Isge tarɩ bia la, la a ma la zoe sẽŋɛ Ezipti ka bɔna bilam halɩ tɩ m le wa yele fʋ se'ere. Se'ere n soe la, naba A'erɔdɩ wʋn ɛɛra bia la mɛ tɩ a kʋ.»

Amatie 2:13 ပူးပေါင်းရင်းမြစ်များ

Amatie 1:20

Gee en ti'ihɛ ku ti a iŋɛ ŋwana wa la, ti Yinɛ suŋera niiɛ a mɛŋa bo' en zaaheŋɔ puan yi' en yeti, “Yosefe, Deviti dayua, da tara dabeem ti dabeem ti fum to'e Mɛɛri ti a dɛna fum pɔga. Se'ere sɔi la, bisɛka puurɛ ti a tara wa, dela Fa'a Sia la paŋa n bahɛ ti la iŋɛ bala.

Amatie 10:23

Ba han mɛleha ya tiŋa kayima puan, zɔ ya loŋe tiŋa kayima. N yeti ya la yelemɛŋerɛ wa, ti ya kan ta'am lomehe Izirale tihi wa ba'ahɛ gee ti Asaala Dayua wa lebena.

Amatie 2:12

Yinɛ n ka'am ba zaaheŋɔ puan la ninmu'urɛ yeti, ba da lebe Naba Hɛrɔd zi'an la zuo, ban lebere ba mɛŋa tiŋa la, ba tee la sore deyima.

Amatie 2:14

Ti Yosefe ihege, tari bia la, la ka ma zɔ loŋe Igipiti yu'uŋɔ,

Amatie 2:16

Hɛrɔd n ta baŋɛ ti baŋereba la pã'ahɛ en mɛ la, a ukɛ mɛ kankaŋi, gee bo' nuurɛ ti ba doohe kɔrum bibudibeto sɛba woo n boi Bɛtelehɛm la ka kɔrɔmkɔrɔm za'a, kɔmsɛba n de yuuma ayi' bii sɛba n pun ka paaɛ bala, doohe la hansɛka ti a wum ti baŋereba duma la tɔgɛ bo' en la.

Amatie 2:22

Gee Yosefe en ta baŋɛ ti Akelaus en sooe a sɔ Hɛrɔd na'arɛ dɛna Naba Yudiya puan la, dabeem en kɛ̃ en ti a ka bɔta ti a lebe. Gee Yinɛ en ka'am en ninmu'urɛ zaaheŋɔ puan la, a ihege mɛ kiŋɛ Galilii.

Tõoma 10:22

Ti ba lerege yeti, “Koneliyose n de pɛntiireba kɔbega nɛŋadaana, dɛna nɛre tuuntɔɔ, dɛna Yinɛ zɔta la, ti Yuuduma la za'a yi'ira en yu'sunɛ la, ti Fa'a Suŋera pa'alɛ en ti a tum yi' fum ti fum wa'am a yire na ti a wum fum tari se'ere ti fum yele.”

Tõoma 10:7

Suŋera la n tɔgɛ bo' en ba'ahɛ gee kiŋɛ la, a yi' la a yire la yamehi siyi, la pɛntiira suŋɔ se'em kpe'eŋo en zuni la sɛba en biheri en daare woo la,

Tõoma 12:11

Bilam ti Pita yɛm nyaa lebena, ti a yeti, “Nananawa Mam mi' ti yelemɛŋerɛ Daana n tum a Suŋera ti a wa'am na faaɛ mam Hɛrɔd nu'uhen, la Yuuduma wa woo n ti'ihɛ ni ti yele se'ere paaɛ ni mam la.”

Tõoma 12:7

Ba yeti ba bihɛ ti Daana suŋera n bala paka deo la puan, ti bugum niiɛ bini piim. Ti a paaɛ ŋmɛ' Pita lugerɛ yele en yeti, “Ihege kalam.” En tɔgɛ bala la, ti bãhi la n ba' Pita nu'uhi la zɔgɛ tiŋa.

Tõoma 16:36

Ti gura la to'e sɔɔleŋa la ta yele Pɔɔl yeti, “Yelegakereba la tum na yeti, tu bahɛ ti ya kiŋɛ. Bala zuo la, ya ta'am yehe nananawa la inma'ahum.”

Tõoma 5:19

Gee yu'uŋɔ, ti Yinɛ suŋera wa'am na yu'ɛ paka deo kulehi la tari ba yehe na, gee yele ba yeti,

Tõoma 7:19

tara yɛm kirega dugera tu buuri wa, pɛregɛ tu yaabeduma ti ba han ni dɔgɛ bia, ba bahɛ ka ti ka ta ki.

Lilegere 12:14

Gee ba bo' pɔka wa la tugeho kãtɛ kelumpagehi siyi, ti ka ɛkɛ piiɛ bunsɛla la, kɛ̃ muuen ha, ta bɔna zi'an ti ka wan bɔna ti ba biha en suŋa suŋa ta paaɛ saŋa, la sahi la saŋa girego.

Lilegere 12:4

Ti a zuurɛ ve'e ŋmarebibehi buyina puregerɛ butã puan saazuo ha bahɛ timpaberɛ wa zuo na. Ti bunsɛla wa nyaa zɛ'a pɔka wa en boi bini ti ka dɔgɛ wa nɛŋan, ti a obe bia la, ka han kɔ'ɔm lu na.

Lilegere 12:6

Gee ti pɔka la zɔ kɛ̃ muuen ha, ta nyɛ zi'an ti Yinɛ pun maahum biŋe ka, ti ka bɔna bilam ti ba biha ka suŋa suŋa ta paaɛ dabeha tuhere, la dabeha kɔbehi siyi, la dabeha pihiyoobe.