Amatie 19:27 - ZE'ELEGO PAALEGA

²⁷ Ŋwana ti Pita lerege Yezu yeti, “Bihɛ, tumam bahɛ sɛla woo mɛ gee dɔla la fum. Beni nyuurɔ ti tu wan nyɛ de puan?”

Farefare Ninkaré

²⁷ Tɩ Apɩyɛɛrɩ yele Azezi yetɩ: «Tõma basɛ sɛla woo mɛ, dee dɔla fõn. Bẽm tɩ tõma wʋn yẽ?»

Amatie 19:27 ပူးပေါင်းရင်းမြစ်များ

Amatie 19:26

Ti Yezu bihɛ ba, gee yeti, “Saaleba zi'an la kan ta'am tum. Gee Yinɛ zi'an sɛla woo wan ta'am tum.”

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Amatie 9:9

Yezu en kini la, a nyɛ la buraa ti ba yi'ira Matu, ti a zi'a kuba to'ohego deo puan, ti a yele en yeti, “Dɔla mam” ti a ihege doohe en.

Amarkɩ 10:28

Ti Pita pɔhɛ yɛta en yeti, “Bihɛ, tumam bahɛ tu sɛla woo mɛ gee wa'am na dɔla fum.”

Amarkɩ 2:14

Yezu n kinɛ yɛ'ɛha la, nyɛ Alifeyusi dayua Levi, ti a zi'an kuba to'ohego debila puan, ti a yele en yeti, “Dɔla mam.” Ti a ihege dɔla en.

Aluki 14:33

Bala zuo, ya se'em kan ta'am dɛna mam zahera han dagena ya zagehɛ la sɛla woo.

Aluki 15:29

Ti a me zagehɛ, gee yele a sɔ la yeti, ‘N sɔ, kɛleha. Yuuma kekeko ti mam tuni bɔ'ɔra fum me wuu da'aberɛ la, ka tabelɛ zagehɛ fum nuurɛ. Gee la bala za'a, fum ka tabelɛ bo' mam bubila, ti n me lagehɛ n taaba na ti tu de'em.

Aluki 18:28

Ŋwana ti Pita nyaa yeti, “Bihɛ, tumam bahɛ tu yiya mɛ gee dɔla fum wa.”

Aluki 5:11

Ban tari ba uurenɔ la dooe doone na la, ba bahɛ sɛlawoo mɛ, gee dɔla Yezu.

1 Korẽntɩ 1:29

Ŋwana ti nɛra kan ŋmɛ' nyu'ɔ Yinɛ nɛŋan.

1 Korẽntɩ 4:7

Beni zuo, ani en nyɛ sɛla en boi la tɔka fum puan? Beni ti fum tara gee ka to'e de Yinɛ zi'an? Fum han to'e la Yinɛ zi'an, ŋwani ti fum ŋmɛ'ɛra nyu'ɔ wuu la dagi la bo'olum ti ba dikɛ bo' fum?

Filipi 3:8

Sɛla en gani bala dela, mam bihɛ sɛla woo ti ba dela zaŋa beni zuo, tibehum sebo en gani za'a en boi mam n baŋɛ Yezu Kiresta en de mam Daana la. Eŋa zuo, ti mam bɔregɛ sɛla woo bahɛ, gee biha ba ti ba dɛna sɔgerɔ, ti n ta'am tara Kiresta,