Amatie 18:10 - ZE'ELEGO PAALEGA

¹⁰ “Bihɛ ya suŋa la ya da bihɛ bumbibehi wa ayima yoo. Mam yeti ya mɛ wa, ti saazuo ha, ba suŋereba saŋa woo kɔ'ɔm nyɛta mam Sɔ en boi saazuo nɛŋa mɛ saŋa woo.

Farefare Ninkaré

¹⁰ Azezi le yele ba yetɩ: «Guuse-ya da pɔ'ɔra kɔm-bãna wã baa ayɩla. Mam yetɩ ya tɩ ba malɛkadõma n boe Nawẽnnɛ yire, boe mam Sɔ Nawẽnnɛ nẽŋam mɛ wakatɛ woo. [

Amatie 18:10 ပူးပေါင်းရင်းမြစ်များ

Amatie 1:20

Gee en ti'ihɛ ku ti a iŋɛ ŋwana wa la, ti Yinɛ suŋera niiɛ a mɛŋa bo' en zaaheŋɔ puan yi' en yeti, “Yosefe, Deviti dayua, da tara dabeem ti dabeem ti fum to'e Mɛɛri ti a dɛna fum pɔga. Se'ere sɔi la, bisɛka puurɛ ti a tara wa, dela Fa'a Sia la paŋa n bahɛ ti la iŋɛ bala.

Amatie 12:20

Muɔ seko en kɔ'ɛ nyure, a kan kikɛ kɔ bahɛ. Bii a pebele bugum n diti bahɛ. Gura ti yelemɛŋerɛ ta sooe.

Amatie 18:14

Bala mɛa ti, la dagena ya Sɔ n boi saazuo ha la puti'irɛ ti bumbibehi wa ayima bɔregɛ.

Amatie 18:6

“Ya se'em han dikɛ pirega lɔkɔ beŋe ti la pirɛ bumbibehi wa ayima en sakɛ bo' mam wa, la wan ana suŋa bo' a daana ti ba dikɛ nɛɛrɛ kugekãtɛ lu' yule a yugela tari en ta za'ɛ bahɛ ko'omen ti a muhi sige tiŋa tiŋa ha.

Amatie 2:13

Baŋereba la n kule la, ti Daana suŋera niiɛ a mɛŋa bo' Yosefe zaaheŋɔ puan yeti, “Ihege tari bia la, la ka ma zɔ loŋe Igipiti ta bɔna bini gura se'em ma'a ti n wan ta yele fum ti fum lebe na. Se'ere n sɔi la, Hɛrɔd maahum mɛ ti a ɛ bia la ku ka.”

Amatie 2:19

Hɛrɔd en ta ki la, ti Yosefe yeti a bihɛ, ti Daana suŋera en bala niiɛ a mɛŋa zaaheŋɔ puan bo' en yeti,

Amatie 24:31

Tintanɛ wan ta peebe paŋa paŋa, ti a yi' a suŋereba tum ba ti ba doohe tiŋa wa luga anaahi la za'a lagehɛ sɛba ti a pun looe, ze'ele lugerɛ deyima ta paaɛ lugerɛ deyima.

Aluki 1:19

Ti suŋera la lerege en yeti, “Mam dela Gaberɛl.” Mam ze' la Yinɛ nɛŋan, gee ti a tum mam na, ti n tari yelesunɛ wa na bo' fum.

Aluki 10:16

“Se'em woo en kelehe ya, kelehe la mam. Se'em woo me en zagehɛ ya, zagehɛ la mam. Ti se'em woo me en zagehɛ mam, zagehɛ la se'em en tum mam na la.”

Aluki 16:22

Ti naha wa ta ki, ti Yinɛ suŋereba wa'am na tari en kiŋɛ Yinɛ yire, ta bɔna Aberaham zi'an. Ti buntata la me ta ki, ti ba pi' en.

Tõoma 10:3

Ti daarɛ deyima wuntɛɛŋa gogo kaareŋa atã bɔba, ti a nyɛ ti lilegere ti de yu'ɛ, bo' en, ti a nyɛ ti Yinɛ Suŋera ayima kini na gee yɛta en yeti, “Koneliyose.”

Tõoma 12:15

Ti ba yele en yeti, “Fum zuo ka tuni. Ti pugela wa sina gee sɛ zɛ'a kankaŋi ti la dela bala.” Ti ba yele en yeti, “Fum ye nyɛ la a suŋera.”

Tõoma 12:23

Ti bilam bilam doohe la Naba wa n ka dikɛ na'ahegɔ wa bo' Yinɛ la zuo, ti Daana Suŋera lobe en la ba'a ti a gã'a ti zunzuya dita en tara tara ti a ta ki.

Tõoma 27:23

Se'ere n sɔi la, zaam yu'uŋɔ, Yinɛ se'ere ti mam dɔla gee na'aha wa suŋera en zaam wa'am na ze'ele mam sakpikɔ,

Tõoma 5:19

Gee yu'uŋɔ, ti Yinɛ suŋera wa'am na yu'ɛ paka deo kulehi la tari ba yehe na, gee yele ba yeti,

Aromduma 14:10

Ŋwani ti fum gakera fum suuɔ? Bii ŋwani ti fum zɛɛna fum suuɔ? Tu za'a wan ze'ele Yinɛ gakerɛ kuka la nɛŋan mɛ.

Aromduma 14:21

La ani suŋa ti tu da di dia, bii nyu daam, bii iŋɛ sɛla en wan bahɛ ti fum suuɔ lu.

Aromduma 15:1

Tumam sɛba n kpe'em tu sakerɛ puan la dela tu ŋmibera la sɛba en tari tɔregɔ ba sakerɛ puan la, gee dagi tu kɔ'ɔm biha tu mɛhi nini tika ma'a.

1 Korẽntɩ 11:22

Benii! Ya ka tari yiya ha dita gee nyuura? Bii ya zeeni la Yinɛ lageŋɔ la, gee diiha sɛba n ka tari la vi? N wan yele ya yeti bo? N pɛgɛ ya yoi? Yele dina wa puan, mam kan pɛgɛ ya.

1 Korẽntɩ 16:11

Bala la, da bahɛ ya ti se'em zeem en. Suŋɛ ya en ti a kiŋɛ a sore la la suma'ahum, ti a ta'am wa'am n zi'an na, se'ere en sɔi la, mam guri en mɛ la suurɔ tuseto la.

1 Korẽntɩ 9:22

Sɛba en tari tɔregɔ, mam ni lebege la tɔregɔ daana, ti n ta'am tee tɔregɔ duma la. Mam lebege la sɛla woo bo' nɛra woo ti sadɔseko woo puan, n ta'am faaɛ basɛba.

2 Korẽntɩ 10:1

Mam mɛŋa Pɔɔl, mam beleni ya mɛ doohe la Kiresta ma'ma' la a uhega la puan, mam se'em n ni sigehe n mɛŋa n han ni zɛ'a ya nɛŋan, gee kpe'em bo' ya n han ni zaaɛ la ya.

2 Korẽntɩ 10:10

Se'ere en sɔi la, ba yeti, “A gɔnɔ tibegɛ mɛ gee kpe'em, gee a han zɛ'a ya nɛŋan, a ka tari paŋa ti a yetɔgum la me ka tara tibehum.”

Galatɩ 6:1

N suurɔ wa, ya han ta baŋɛ ti be'em sebo en nyɔkɛ ya se'em, yamam sɛba en boi Fa'a Sia la paŋa puan la, malum sɛ en ze'ele, gee iŋɛ ya dɛ la sigehe n mɛŋa. Gee bihɛ ya mɛhi suŋa ti yamam me da ta lu pa'ahegɔ be'o puan.

1 Tesaloniki 4:8

Ŋwana zuo, se'em woo en zagehɛ yele ana wa, ka zagehɛ la asaala kpe'eŋo gee Yinɛ, se'em me en bo'ori tu a Fa'a Sia la.

1 Timoti 4:12

Da bahɛ ti nɛra nɛra zeem fum bumbile paalum la zuo, gee tugum dɛna makerɛ bo' sakereba la, fum tugum, fum aŋa, nɔŋerɛ, sakerɛ, la fum filam vom.

Hiburuduma 1:14

Suŋereba la za'a dagi la sabeeo Sia tuuma la puan, ti Yinɛ tuna ba ti ba tuna bɔ'ɔra sɛba en wan ta sooe vaaɛ faarɛ la?

Hiburuduma 9:24

Se'ere ni sɔi la, Kiresta ka kɛ̃ la pu'uhegɔ deo seko ti saaleba nu'uhi mɛ, yeen dɛna yelemɛŋerɛ deo la ti ba tɔgehɛ, gee a kɛ̃ la tinsuŋan mɛŋa puan ha, ti a bɔna Yinɛ nɛŋan nananawa, tumam zuo.

Lilegere 8:2

Ti mam nyɛ ti suŋereba bayopɔi la en ze' Yinɛ nɛŋan la, ti ba bo' ba tintana a yopɔi.