Amatie 14:14 - ZE'ELEGO PAALEGA

¹⁴ Yezu en ze'ele uureŋɔ la puan sige na la, a nyɛ nɛrekuuŋɔ la mɛ, zɔ ba nimbu'ɔ, gee tibɛ sɛba en wa'am na la nɛreba sɛba n bɛ̃'ɛri la.

Farefare Ninkaré

¹⁴ Tɩ Azezi paagɛ ze'ele õorŋɔ la zuo sige, yẽ nẽr-kʋʋŋɔ la, tɩ ba ninbãalga yõkɛ ẽ, tɩ a botɩ ba bã'adõma yẽ ĩmã'asʋm.

Amatie 14:14 ပူးပေါင်းရင်းမြစ်များ

Amatie 14:15

Yinɛ en ta luta la, ti a zahereba la paaɛ a zi'an yele en yeti, “Ka'lam dela muɔ puan, gee ti yinɛ me luta, bahɛ nɛrekuuŋɔ wa ti ba yiregɛ kiŋɛ timbibehi puan la ba ta'am da' dia bo' ba mɛhi.”

Amatie 4:23

Ti Yezu dɔla Galilii za'a pa'ala nɛreba zamehegɔ yiya puan, gee muula Yinɛ sɔ'ɔlum faarɛ yɛla, gee tibera teem la bã'ahi se'ehi woo en tari nɛreba la.

Amatie 9:36

En nyɛ nɛrekuuŋɔ la, ba nimbu'ɔ en nyɔkɛ en. Se'ere en sɔi la, ba ba' bɔna daaŋɔ puan, yiregɛ wuu piihi en ka tari daana la.

Amarkɩ 6:34

Yezu n ta paaɛ ko'om la nuuren la, a nyɛ nɛrekuuŋɔ la mɛ, ti nimbu'ɔ nyɔkɛ en. Se'ere en sɔi la, ba ani wuu piihi n ka tari dunkiina la. Ti a pɔhɛ pa'ala ba yɛla zo'e zo'e.

Amarkɩ 9:22

Kulekpa'bɛ'a wa ni ta'am zɛ en mɛ lobe bugum bii ko'om puan, zigera a sagum en. Gee fum han wan nyaŋɛ iŋɛ sɛla, zɔ tu nimbu'ɔ gee suŋɛ tɔ.”

Aluki 19:41

Yezu en ta pɔra na nyɛ Yerusalɛm tiŋa la, a kele mɛ ka zuo,

Aluki 7:13

Daana la n nyɛ en la, a zɔ la a nimbu'ɔ, gee yele en yeti, “Da kɛla.”

Hiburuduma 2:17

Bala zuo,Yezu dela a lebege ana wuu a suurɔ la sɛla woo puan, la a dɛna nimbɔ'zɔta, la sakerɛ malema kiima, Yinɛ tuuma la puan, la a kaabera be'em duuhego kaabegɔ bɔ'ɔra nɛreba la.

Hiburuduma 4:15

Se'ere en sɔi la, tu ka tari la malema kiima sɛka en ka zoti tu tɔregɔ nimbu'ɔ, gee tu tari la se'em en nyɛ mageha sadɔseko woo puan wuu tumam la, gee a ka tum be'em.

Hiburuduma 5:2

A dela nɛre ma'ma', ana bããlam gee maala ba yɛmka'alum, la ban kini buta la, eŋa mɛŋa en boi tɔregɔ nu'uhen la zuo.