Amatie 13:22 - ZE'ELEGO PAALEGA

²² Han dɛna sɛba en zɔgɛ gu'uhi puan la, eŋa dela se'em en wum yelefum la, gee ti tiŋa wa zuo yɛla nyɛlum la tarega pa'ahɛ la ni gu' yelefum la ti bu ka ta'am wam sɛla.

Farefare Ninkaré

²² La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Amatie 13:22 ပူးပေါင်းရင်းမြစ်များ

Amatie 12:32

Se'em woo en tɔgɛ se'ere pɔ'ɛ Asaala Dayua wa, wan nyɛ sugeri dia, gee se'em woo en tɔgɛ se'ere pɔ'ɛ Fa'a Sia la kan malum nyɛ sugeri dia, zina bii beere.

Amatie 13:39

dima la en burɛ mɔyileŋo la dela Sagena la, ti buŋa la me dɛna timpaberɛ wa ba'ahegɔ saŋa, ti buneba la dɛna Yinɛ suŋereba.

Amatie 13:40

Wuu mɔyileŋo la ti ba lagehɛ nyɔ' se'em la bugum la, la wan ta ana la bala tiŋa wa ba'ahegɔ saŋa.

Amatie 13:7

Ti Bumbuura la basɛba zɔgɛ gu'uhi puan, ti gu'uhi la zo'e na kpãrɛ ba.

Aluki 12:15

Gee nyaa yele a zahereba la yeti, “Tara ya mɛhi suŋa. Gu' ya mɛhi suŋa ti nyika sɛka da kɛ̃ ya. Se'ere en sɔi la, nɛra vom dagi la lɔgerɔ la tarega zo'e zo'e.”

Aluki 12:21

Bala n wan iŋɛ sɛba woo n ka'aheri lɔgerɔ biŋera ba mɛhi, gee tugum dagena buntateba Yinɛ nɛŋan la.”

Aluki 21:34

“Gurɛ ya ya mɛhi suŋa, han dagena bala ya suya wan tibegɛ la nyɛlumkãra la buka la vom wa puti'ira ti daandina wa la ta wa'am na di'e ya wuu bɛregɔ.

Aluki 8:14

Han dɛna sɛba en lu gu'uhi zi'an la, bamam dela, sɛba en wum yelehum la, gee ban kini la, tiŋa wa zuo vom yɛla, la tarega, la nyɛlum, n ni kpãrɛ ba, ti ba wala la ka bi'ira.

Tõoma 8:18

Gee Simɔn n ta nyɛ ti tuntuneba la dikɛ la ba nu'uhi pagelɛ ti Fa'a Sia la sige nɛreba zuo la, a tiɛ la nu'o ti a bo' tuntuneba la ligeri,

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

1 Korẽntɩ 1:20

Yɛm daana la bɛɛ? Gɔnmina la bɛɛ? Sankana nɔkpe'en ŋmɛ'ɛra la bɛɛ? Yinɛ ka iŋɛ ti tiŋa wa zuo yɛm la dɛna la gɔɔnɛ?

1 Korẽntɩ 2:6

Gee la bala za'a, sɛba en bi'ɛ sakerɛ puan la, ti tari yɛm tɔgera mɛ, gee dagi zina beere yɛm wa puan, bii pahi se'ehi en sɔi zina beere wa biha, gã'a gura sageŋɔ paaɛ si wa.

1 Korẽntɩ 2:8

Se'em ka boi sankana na'duma wa puan bɔkɛ yele ana wa; Ba han bɔkɛ ni mɛ, ba kan kpa' ni Tibehum Za'a Daana la.

1 Korẽntɩ 3:18

Da pã'ahɛ ya mɛhi. Ya han ti'ihɛ ti yamam en de yɛm duma buuri sankana wa puan, ya tugum lebege geto, la ya ta'am nyɛ yɛm.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

1 Timoti 6:17

Han dɛna zina beere buntateba wa, ka'am ba ti ba da pa'ala ba mɛhi, bii ba dikɛ ba puti'irɛ delum sɛla en kan bɔna wuuha, gee ba tugum dɛla Yinɛ, se'em en bo'ori tu sɛla woo zo'e zo'e ti tu dita la pupeelum.

2 Timoti 4:10

se'ere en sɔi la, Demase en nɔŋɛ zina beere tiŋa wa la, bahɛ mam gee kiŋɛ la Tɛsalonika tiŋa. Gee Kiresensi kiŋɛ Galatia, ti Taitusi me kiŋɛ Dalematiya tiŋa.