Amatie 13:11 - ZE'ELEGO PAALEGA

¹¹ Ti a lerege ba yeti, “Han dɛna yamam, ba bo' yamam mɛ ti ya bɔkera saazuo sɔ'ɔlum la yele sɛ'a en sugɛ, gee ba ka bo' bamam bala.

Farefare Ninkaré

¹¹ Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Amatie 13:11 ပူးပေါင်းရင်းမြစ်များ

Amatie 13:10

Pooren ti a zahereba la wa'am a zi'an na soke en yeti, “Ŋwani ti fum tara mageha tɔgera bɔ'ɔra nɛreba?”

Amatie 16:17

Ti Yezu lerege en yeti, “Sum boi mɛ la hɔ Simɔn, Yona dayua wa. Se'ere en sɔi la, dagi ingɔŋɔ la ziim n lilege dina wa bo' fum, gee mam Sɔ se'em en boi saazuo ha.

Amatie 19:11

Gee Yezu yele ba yeti, “Dagi nɛra woo en wan ta'am to'e pa'ali kuna wa, gee sɛba ma'a ti Yinɛ dikɛ pa'ali kuna bo' ba la.

Amatie 20:23

Ti Yezu yele ba ti, “Ya sirum wan nyaŋɛ nyu mam wula wa puan. Gee ya zi'ire n zuɔ nu'o la n gɔbega nu'o bɔba dagi mam n wan bo' bala. Bilam dela sɛba ti mam Sɔ maahum ka ti ka dɛna ba dinɛ la zi'an.”

Amarkɩ 10:40

gee ya zi'ire mam zuɔ bii mam gɔbega nu'o bɔba, dagi mam n wan bo' ya sore, zɛ'sina dela ban maahum se biŋe sɛba la dinɛ.”

Amarkɩ 4:11

Ti a yele ba yeti, “Yamam ma'a en mi' Yinɛ sɔ'ɔlum la yelesɛ'a en sugɛ, gee sɛba en boi yiŋa la, sɛla woo dole la mageha puan bɔ'ɔra ba.

Aluki 8:10

Ti a yele ba yeti, “Han dɛna yamam, ba bo' yamam la bɔkerɛ ti ya mina Yinɛ sɔ'ɔlum la sugelum yɛla, gee basɛba, n tɔgeri la mageha bɔ'ɔra ba, ti ba ‘Bihera gee kan malum nyɛ, ba kɛleha gee kan malum bɔkɛ.’

Azã 6:65

Bala ti a yele ba yeti, “Ŋwana zuo ti mam yele ya yeti, se'em kan ta'am wa'am mam zi'an na, han dagena mam Sɔ n bo' sore.”

Azã 7:17

Se'em woo n maahum ti a tum Yinɛ sumboolum, wan baŋɛ nyaa pa'alegɔ kuna wa ze'ele la Yinɛ zi'an na bii, mam tɔgeri la n mɛŋa puti'irɛ.

Tõoma 16:14

Ti pɔka bɔna ba puan kɛleha tɔ, ti ka yu'urɛ yi'ira Lidiya, dɛna pɔka dɛna Yin-zɔta, yehe Tayatira na, kɔɔha fumɔlɔ. Ti Daana la yu'ɛ ka suure ti ka kɛleha Pɔɔl en yeti sɛla la suŋa suŋa.

Aromduma 11:25

Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa.

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

1 Korẽntɩ 13:2

N me han tara purega bo'olum paŋa, bɔkera sɛla en sugɛ, gee tara sɛlawoo mi'ilum, tara sakerɛ woo wan ta'am vɔ zɔya, gee ka tara nɔŋerɛ, n dagi sɛsɛla.

1 Korẽntɩ 15:51

Kelehe ya, n wan yele ya sɛla en sugɛ. Yelemɛŋerɛ tu za'a kan ki, gee tu za'a wan ta tee,

1 Korẽntɩ 2:14

Sɛba ti Sia la ka bɔna la ba la, ka to'ore Yinɛ Sia bo'olum la, se'ere en sɔi la, ba ka tari vuurɛ bo' ba, ti ba me kan ta'am bɔkɛ ba, se'ere en sɔi la, ba dela Sia puan yɛla.

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

1 Korẽntɩ 4:1

Bala, yeen dikɛ ya tu ŋwana, ti tu dela Kiresta yamehi, tu dela sɛba en biheri Yinɛ sugelum yɛla la.

1 Korẽntɩ 4:7

Beni zuo, ani en nyɛ sɛla en boi la tɔka fum puan? Beni ti fum tara gee ka to'e de Yinɛ zi'an? Fum han to'e la Yinɛ zi'an, ŋwani ti fum ŋmɛ'ɛra nyu'ɔ wuu la dagi la bo'olum ti ba dikɛ bo' fum?

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 5:32

Yele dina wa dela yelekãtɛ se'ere n sugɛ ti mam dikɛ dɛ makera Kiresta la Lageŋɔ la.

Efɛɛzɩ 6:19

Pu'uheri ya bo'ori ya mam mɛ, ti n han ni yeti n tɔgɛ, Yinɛ bo' mam yelehum, ti n tɔgɛ la sukpe'ene ti nɛreba baŋɛ sugelum yele se'ere n boi faarɛ yelehum wa puan,

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

1 Timoti 3:9

ba gurɛ sakerɛ yelehum la en gaŋɛ asaala bɔkerɛ la kankaŋi, la putɛ'sunɛ.

Yemesi 1:5

Ya se'em han pɔ̃hegɛ yɛm, a suhɛ Yinɛ, se'em en bo'ori yabi yabi gee ka fabela la, gee a wan bo' fum.

1 Zã 2:20

Gee Fa'a Daana la en sɔi yamam, ti ya za'a mina dina wa.

1 Zã 2:27

Han dɛna yamam, bi'ihegɔ seko ti ya to'e a zi'an la, boi ya puan mɛ, bala, ya ka eere nɛra ti a pa'alɛ ya. Gee a bi'ihegɔ la en pa'ali ya sɛla woo la, ti la me dɛna sira gee dagena pumpɔreŋɔ, wuu a bi'ihegɔ la en pun pa'alɛ ya se'em la, boni ya a puan.