Amatie 10:22 - ZE'ELEGO PAALEGA

²² Nɛra woo wan ta yaaɛ ya mam zuo, gee se'em n ŋmibe ze'ele ta paaɛ ba'ahegɔ n wan nyɛ faarɛ.

Farefare Ninkaré

²² Nẽrba wuu wʋn sise ya mam yʋ'ʋrɛ la ĩyã. La sɛka n ze'ele kãŋkãŋɛ ka paagɛ ba'asgɔ, a wʋn yẽ fãarɛ.

Amatie 10:22 ပူးပေါင်းရင်းမြစ်များ

Amatie 10:39

Se'em woo n zigeri ti a gu' a vom wan bɔregɛ bu bahɛ. Gee se'em woo me n ka gagɛ a vom yele mam zuo wan nyɛ vom.

Amatie 24:13

Gee se'em en ŋmibe ta paaɛ ba'ahegɔ n wan nyɛ faarɛ.

Amatie 24:9

“Ba wan nyɔgɛ ya tihɛ ti ba namehɛ ya, gee ku ya. Tihi wa za'a wan yaaɛ ya mam yu'urɛ wa zuo.

Amatie 5:11

“Sum boi mɛ la yamam, ti nɛreba en tuuri ya, gee namehera ya, yi'ira ya yu'yooro yima yima en dagi yelemɛŋerɛ, mam zuo.

Amarkɩ 13:13

Nɛra woo wan ta yaaɛ ya yan dole mam la zuo. Gee fum se'em n ŋmibe ta paaɛ ba'ahegɔ, wan nyɛ faarɛ.

Aluki 21:17

Nɛreba wan yaaɛ ya za'a mam yu'urɛ wa zuo.

Aluki 21:19

Ya ŋmibega puan ti ya sɛɛhi wan nyɛ faarɛ.

Aluki 6:22

“Sum boi mɛ la ya, nɛreba han yaaɛ ya, ka dikera ya pa'ahɛ nɛreba puan, tuura ya gee Sagena ya yu'ura Asaala Dayua wa zuo,

Aluki 8:15

Gee han dɛna sɛba n lu pu'uhegɔ zi'an la, bamam dela, sɛba n ni wum yelehum la, gurɛ bu kankaŋi la yelemɛŋerɛ, la susunɛ, tara sugeri la ŋmibega ta wam wala.

Azã 17:14

Mam bo' ba fum yelehum la, ti timpaberɛ wa zuo yaaɛ ba, la bamam n dagi timpaberɛ wa zuo dinɛ, wuu mam n dagi timpaberɛ wa zuo dinɛ se'em la.

Azã 7:7

Tiŋa wa zuo ka yaaɛ yamam, gee ba yaaɛ mam mɛ, se'ere n sɔi la mam kɔ'ɔm dɛna la aze'nyɛ daana ti ba tuuma dela be'em.

Tõoma 9:16

Mam mɛŋa wan pa'alɛ en, en de a namehɛ namehɛ kãra sɛ'a mam yu'urɛ wa muulegɔ zuo.”

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

2 Korẽntɩ 4:11

Se'ere en sɔi la, tumam n vɔ wa, saŋa woo tumam ka gagɛ kum Yezu zuo, ti Yezu vom la wan ta'am niiɛ tu ihe wa puan.

Galatɩ 6:9

Bala, da bahɛ ya ti tu taregɛ la tu ita sɛla en de ma'a. Se'ere sɔi la, tu wan ta kɛ̃', kɛ̃'a saŋa la han paaɛ, ti tu ka bahɛ tu ita sɛla en de ma'a la.

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

Hiburuduma 6:11

Tu boti ya ayima ayima woo me pa'alɛ la ninmu'urɛ dinɛ taaba, la ya ta'am nyɛ beere puti'irɛ za'a za'a, ta paaɛ de ba'ahegɔ.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

1 Zã 3:13

Da ze' ya yɛli n suurɔ, la tiŋa wa zuo en yaaɛ ya la.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 2:17

Bahɛ ti se'em woo en tari tuberɛ, a kɛleha Sia la en yeti se'em bɔ'ɔra lageŋɔ la za'a la. Fum se'em woo en nyaŋɛ, n wan bo' en maana dia la basɛba en dikɛ sugɛ la, gee bo' en maanɛ kugepeele, ti kugere wa zuo, ba gulehɛ la a yu'paalɛ iŋɛ de zuo, yu'se'ere ti se'em ka mina, han dagena fum se'em daana en to'e de la ma'a.

Lilegere 2:26

Se'em woo en nyaŋɛ, gee kelum tuna mam tuuma la ta paaɛ ba'ahegɔ, N wan bo' en paŋa ti a biha tihi.

Lilegere 2:3

N me kelum mina ti ya ŋmiberi mɛ la sugeri, gee uhera mam yu'urɛ la zuo, gee me mina ti ya ka taregeri.

Lilegere 2:7

Bahɛ ti se'em woo en tari tuba, a kɛleha Fa'a Sia la en yeti se'em bɔ'ɔra lageŋɔ duma la. Se'em woo en nyaŋɛ, N wan bo' en sore ti a di vom tia la wala la en boi Yinɛ vo'ohego zi'an la.

Lilegere 3:21

Se'em daana woo en nyaŋɛ, n wan bo' a daana zi'an ti a bɔna la mam, n na'am kuka la zuo, wuu mam mɛŋa en nyaŋɛ, gee ta zi'a la n Sɔ a na'am kuka la zuo se'em la.