Amarkɩ 9:32 - ZE'ELEGO PAALEGA

³² Gee a zahereba la ka bɔkɛ pa'alegɔ kuna wa vuurɛ gee ti dabeem me tara ba la ba soke en.

Farefare Ninkaré

³² Tɩ ba daan ka bãŋɛ yetɔga la võorɛ, dee zɔta ka soke ẽ.

Amarkɩ 9:32 ပူးပေါင်းရင်းမြစ်များ

Amarkɩ 16:14

Pooren ti a zahereba pia la ayima la ta naaɛ taaba ti ba di. Ti Yezu niiɛ amɛŋa pa'alɛ ba gee nyaa nyɔna ba la ban n ka tari sakerɛ la ba tubegirega la doohe la ban ka sakɛ bo' sɛba n nyɛ ti eŋa vo'e ya gee yele ba la.

Amarkɩ 7:18

Ti a yele ba yeti, “Yamam me ka bɔkɛ? Yamam ka mi' ti sɛla en ze'eti yiŋa kɛ̃'ɛ̃ra nɛra puan na kan ta'am galum en?

Amarkɩ 8:33

Ti Yezu ŋmɛregɛ bihɛ a zahereba la gee tahɛ Pita yeti, “Lebe pooren ha Sagena wa. Fum puti'irɛ ka boi Yinɛ yɛla puan gee di boi la asaala yɛla puan.”

Amarkɩ 9:10

Bala ti ba tara yele wa ba ma'a, ba suya puan gee nyaa ti'iha a vo'e a kum la puan vuurɛ en de sɛla.

Aluki 18:34

Gee Yezu zahereba la pun ka bɔkɛ sɛla sɛla yetɔgebuna wa puan. Yelemɛŋerɛ, en yele ba sɛla la sugɛ mɛ bo' ba, ti ba ka gurɛ sɛla ti a yele la.

Aluki 2:50

Gee a dɔgereba la ka bɔkɛ en yele ba sɛla la vuurɛ.

Aluki 24:45

Ti a nyaa yu'ɛ ba puti'irɛ ti ba bɔkɛ gɔnɔ la yɛla.

Aluki 9:45

Gee a zahereba la ka bɔkɛ yetɔgebuna wa vuurɛ. Bo vuurɛ la sugɛ mɛ bo' ba, ti ba kan bɔkɛ dɛ. Gee ti dabeem tari ba, la ba soke Yezu a yetɔgum la vuurɛ.

Azã 12:16

Yezu zahereba la ka bɔkɛ yele ana wa yia yia ha la, gee Yezu n da ta to'e a suŋa ba'ahɛ la, ti ba nyaa tiɛ ti yele ana wa woo gulehɛ bɔna gɔŋɔ la puan mɛ doohe Yezu puan, ti ba dikɛ a za'a iŋɛ en.

Azã 16:19

Yezu baŋɛ mɛ ti, ba boti ba soke en la se'ere, bala ti a yele ba yeti, “Ya sɔheri mɛ la taaba, de vuurɛ n de se'em, la mam yeti, ‘La han iŋɛ fiiwa, ya kan le nyɛ mam, gee la han iŋɛ fiiwa, ya wan le nyɛ mam la?’

Azã 4:27

Bilam, ti a zahereba la n bala paara na, ti la iŋɛ ba pakerɛ la en tɔgeri la pɔka, gee ba se'em ka lakɛ nuurɛ soke Pɔka wa nyaa “Beni ti fum bɔta?” Bii ba soke Yezu nyaa “Beni ti fum tɔgera la en?”