Amarkɩ 9:25 - ZE'ELEGO PAALEGA

²⁵ Yezu en nyɛ ti nɛrekuuŋɔ la zoti na la, ti a tahɛ Kulekpa'bɛ'a la yeti, “Fum Kulekpa'bɛ'a wa n bahɛ ti bia wa ka tɔgera gee me ka wuna wa, mam yeti fum ti fum yehe a puan gee da le malum kɛ̃' en yɛ'ɛha!”

Farefare Ninkaré

²⁵ La Azezi daan yẽ tɩ nẽr-kʋʋŋɔ n zotɩ sẽna a zẽ'am, tɩ a tãsɛ kʋlkã'arga la yetɩ: «Kʋlkã'arga n botɩ nẽra dɛna muko la waŋa, mam yetɩ fʋ yese dee basɛ ẽ, da le doose ẽ.»

Amarkɩ 9:25 ပူးပေါင်းရင်းမြစ်များ

Amatie 12:22

Ti ba tari buraa ti kulekpa'bɛ'a dɔla ka, ti ka dɛna fua la gɔɔŋɔ wa'am Yezu zi'an na ti a tibɛ ka, ti buraa wa en de gɔŋɔ wa tana tɔgera gee nyɛta.

Amatie 17:18

Ti Yezu tahɛ kulekpa'bɛ'a la, ti ka yehe a puan, ti bia la nyɛ ka tibegɔ bilam bilam.

Amarkɩ 9:15

Nɛrekuuŋɔ la n nyɛ en la, la iŋɛ ba la pakerɛ, ti ba zɔ tu'uhɛ en, pu'uhɛ en.

Amarkɩ 9:24

Bilam bilam ti bia la sɔ la kaahɛ buki yeti, “N sakɛ ya, suŋɛ mam en bu'uri wa.”

Amarkɩ 9:26

Ti Kulekpa'bɛ'a la kaahɛ supi gee zɛkɛ bia la fɔbɛ timpaberɛ, gee nyaa yehe, gee ti bia la gã'a wuu kum la, ti nɛreba la zo'e zo'e yeti, “Bia la ki mɛ.”

Aluki 11:14

Yezu wa bɔna bini sa'ara la gɔɔnɛ kulekpa'bɛ'a nɛra zi'an, ti kulekpa'bɛ'a la en yehe la, ti nɛra la en de gɔɔŋɔ la tɔgɛ, ti la iŋɛ nɛrekuuŋɔ la pakerɛ paaɛ paaɛ.

Aluki 4:35

Ti Yezu tahɛ en yeti, “Go'e suram gee yehe a puan na.” Ti sɛfi'iha la fɔbɛ buraa wa tiŋa nɛreba la nɛŋan, gee nyaa yehe na, gee ka pɔgelum buraa la.

Aluki 4:41

Ti kulekpa'bɛ'ɛhi me zɛ'ɛta ba zo'e zo'e puan yɛhera na gee tahera yeti, “Fum n de Yinɛ Dayua la.” Gee ti a ni tahɛ ba, ka bahera ti ba tɔgera, se'ere n sɔi la kulekpa'bɛ'ɛhi la mi' ti Yezu n de Kiresta la.

Aluki 8:29

Se'ere en sɔi la, Yezu pun tahɛ kulekpa'bɛ'a la mɛ yeti, a tole yehe buraa la puan. (Saŋa zo'e zo'e ti kulekpa'bɛ'a wa ni zom buraa wa, ti nɛreba ni gurɛ ka, ba' ka nu'uhi la nama la bãhi, gee ka wan kɔ' ba za'a bahɛ, gee ti kulekpa'bɛ'a wa tari en ta bahɛ muuen ha.)

Aluki 9:42

En tari bia la kina na la, ti kulekpa'bɛ'a la fɔbɛ bia la tiŋa ti ka lige. Gee Yezu tahɛ sɛfi'iha la mɛ, gee tibɛ bia la, dikɛ ka bo' ka sɔ la.

Tõoma 16:18

A iti ŋwana wa la dabeha zo'e zo'e. Ti a itegɔ la ba' nyiie Pɔɔl susuya, ti a ŋmɛregɛ yele kulekpa'bɛ'a la yeti, “Yezu Kiresta yu'urɛ la puan ti n bo' fum nuurɛ yɛta fum tole yehe a puan na.” Ti sankaŋa mɛa puan la, ti sɛbɛ'a yehe pugela la puan.

Azudi 1:9

Gee Yinɛ suŋereba nɛŋadaana Maikɛl en yuum ta zigera la Sagena la, ŋmɛ'ɛra nɔkpe'ene la en Moose iŋa zuo la, a yuum ka tu' en, bii sagum a yu'urɛ, gee a yuum yele en yeti, “Daana en tahɛ hɔ la.”