Amarkɩ 8:38 - ZE'ELEGO PAALEGA

³⁸ Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Farefare Ninkaré

³⁸ Nẽr-sɛka n zoe yãnnɛ mam ĩyã, la mam yetɔga la ĩyã, zamãana ẽna wã n ka dolɩ Nawẽnnɛ la sɩra, dee dɛna tõon-be'ero dõma wã tẽŋasʋka, Nẽrsaala Dayʋa la mẽ wʋn zoe yãnnɛ na ẽ, wakat-sɛka tɩ a wʋn leme wa'am la a Sɔ Nawẽnnɛ na'am pãŋa, la a malɛkadõma la.»

Amarkɩ 8:38 ပူးပေါင်းရင်းမြစ်များ

Amatie 12:39

Gee Yezu lebehe ba yeti, “Be'em la baga kaabegɔ buuri saŋa en eere daalehum, gee daalehum ka boi wan bo' ba, han dagena nɔtɔgeha Yona daalehum la.

Amatie 13:41

Asaala dayua la wan ta tum a suŋereba na, ti ba doohe a sɔ'ɔlum la puan lagehɛ sɛla woo en baheri ti nɛreba tuna be'em, la tuumbe'ero duma la za'a yehe a sɔ'ɔlum la puan,

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 16:28

Yelemɛŋerɛ ti n yɛta ya wa, ti basɛba boi yan ze' wa puan kan lem kum, gee wan nyɛ Asaala Dayua la kinɛ a sɔ'ɔlum la puan na.”

Amatie 16:4

Be'em la tuunfi'iha buuri saŋa en eere daalehum. Gee daalehum ka boi en wan bo' ba han dagena Yona daalehum la ma'a.” Ti a bahɛ ba gee kiŋɛ.

Amatie 24:30

Bala ma'a ti Asaala Dayua daalehum wan niiɛ saazuo wa ha, ti timpaberɛ wa zuo buuri za'a, wan kɛla, gee ti ba nini nyɛ ‘Ti Asaala Dayua wa bɔna saazuo sagbama’ puan kina na la pankãtɛ la suŋa.

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amatie 26:64

Ti Yezu lerege en yeti, “Fum yele la bala wa. Gee n yeti fum mɛ wa, Ti hankana yɛ'a ha, fum wan ta nyɛ Asaala Dayua la, ti a zi'a paŋa zuɔ nu'o ze'ele saazuo sagbama wa puan kina na.”

Amatie 8:20

Yezu lebehe en yeti, “Piini tari yogero mɛ kɛ̃'ɛ̃ra, ti niihe tara tugerɔ me kɛ̃'ɛ̃ra, gee Asaala Dayua wa ka tari zi'an ti a wan dikɛ a zuo kugelɛ.”

Amarkɩ 13:26

Bala ma'a la, nɛreba nyaa wan nyɛ ti Asaala Dayua la boi la sagbama puan kina na la paŋa en ka tari makerɛ la suŋa.

Amarkɩ 14:62

Yezu yeti, “Mam en bala, gee ‘ya wan nyɛ Asaala Dayua la ti a zi'a paŋadaana la zuɔ nu'o bɔna saazuo sagbama puan kina na.’ ”

Amarkɩ 8:37

Nɛra wan sirum dikɛ la bem tee a vom?

Aluki 19:26

‘N yeti ya mɛ wa, ti se'em woo en tari la, ba wan bo' en kekeko pa'ahɛ, gee se'em en pun ka tara sɛla la, sɛla fii wa ti a tara la, ba wan to'e la a zi'an.

Aluki 9:26

Se'em en tari vi la mam, la n yelehum wa la, eŋa ti Asaala Dayua wa wan ta tara vi la en, n han ta lɛbera na la n suŋa la puan la, Sɔ suŋa puan la, la Fa'a suŋereba suŋa la.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:51

Gee yele en yeti, “N yeti fum la yelemɛŋerɛ wa, ti fum nini wan ta nyɛ ti saazuo ha yu'ɛ, ti Yinɛ suŋereba sigera mam Asaala Dayua wa zi'an na, gee lɛbera zɔna.”

Azã 12:34

Ti nɛrekuuŋɔ la lebehe en yeti‘, “Tumam wum nɔze'elego gɔŋɔ la puan ti la yeti, Kiresta la wan bɔna la wuuha kan ki. Wani ti fum yɛta yeti, Ba wan ta zɛkɛ asaala dayua la saazuo? Ani n de asaala dayua wa?”

Azã 5:27

gee me kelum bo' Dayua wa paŋa ti a gakɛ, se'ere n sɔi la, a dela Asaala Dayua.

Tõoma 10:22

Ti ba lerege yeti, “Koneliyose n de pɛntiireba kɔbega nɛŋadaana, dɛna nɛre tuuntɔɔ, dɛna Yinɛ zɔta la, ti Yuuduma la za'a yi'ira en yu'sunɛ la, ti Fa'a Suŋera pa'alɛ en ti a tum yi' fum ti fum wa'am a yire na ti a wum fum tari se'ere ti fum yele.”

Tõoma 5:41

Ban baheri kiinduma la zi'an la, ba puurɛ pee mɛ ti bamam me ti ba diihe ba vi Yezu yu'urɛ la zuo.

Aromduma 1:16

Vi ka tari mam la faarɛ yelehum wa. Beni zuo, bu dela Yinɛ faarɛ paŋa, bo' se'em woo en tari sakerɛ, Yuuduma yia, gee nyaa bɔ'ɔra Girikiduma.

Galatɩ 6:14

Mam da makɛ ŋmɛ' n nyu'ɔ yele se'ere puan, han dagena tu Daana Yezu Kiresta pumpuuredɔɔ la zuo ma'a, yele se'ere zuo ti ba kpa' timpaberɛ wa labelɛ mam, gee kpa' mam labelɛ timpaberɛ wa la.

1 Tesaloniki 2:19

Beni en de tumam beere puti'irɛ, bii nyɛɛma, bii nyu'ɔ ŋmɛ'a muŋa tu Daana Yezu nɛŋan, a lɛbega daarɛ na la? La dagi la yamam?

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

2 Timoti 1:16

Daana la wan zɔ Onesiforuse yire duma za'a nimbu'ɔ, beni zuo, a dela se'em en baheri ti mam puti'irɛ gã'a tiŋa, ti vi ka tara en la mam bãhi wa.

2 Timoti 1:8

Bala zuo da tara valum la tu Daana yɛla la muulegɔ, bii mam se'em en boi paka deen a zuo la, gee naaɛ la mam, namehɛ faarɛ yelehum wa zuo, dɛla Yinɛ paŋa la,

Hiburuduma 11:16

Gee nananawa lan de se'em la dela, ba suure kɛ̃ mɛ la tinsɛka en gani bala, tinsɛka en ze'eti saazuo na la. Bala zuo, Yinɛ ka tari vi la ba yi'ira en ba Yinɛ. Yelemɛŋerɛ, a sirum maahum la tiŋa biŋe ba.

Hiburuduma 11:26

A yuum nam ya ti Kiresta zuo a wan to'e kɛhega la namehegɔ, ti la dɛna tarega kãtɛ bo' en, nyana Igipiti tarega la, se'ere en sɔi la, a yuum biheri la yɔɔri kãtɛ la en boi nɛŋa ha la.

Hiburuduma 13:13

Bahɛ ya ti tu kiŋɛ ya a zi'an tiiheŋɔ la yiŋa la ha, la tu ta lagum di nyanɛ se'ere ti a ŋmibe de puan la.

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

1 Zã 2:23

Se'em woo en zagehɛ Dayua la, kan tara Sɔ la. Se'em woo en sakɛ bo' Dayua la tari Sɔ la me mɛ.

1 Zã 2:28

Gee Nananawa n kɔmbibehi wa, boni ya a puan, ti a han ta niiɛ na, tu wan tara inkpeŋere ti vi ka tara tɔ a nɛŋan, a han ta wa'am na.

Lilegere 14:10

ba me wan nyu Yinɛ sunsunyiim daam la en ka'ɛ iŋɛ Yinɛ sunsunyiim wula puan, ti sɛla ka gɛregɛ bɔ la. Ba wan nyɛ namehegɔ bugum puan, la tahi bugum puan, Fa'a suŋereba la nɛŋan, la Pebila la nɛŋan.