Amarkɩ 6:41 - ZE'ELEGO PAALEGA

⁴¹ Ti Yezu dikɛ boroboro banuu la zim i yi' la, gorege bihɛ saazuo, purɛ sum bahɛ dia la zuo gee fige boroboro la, dikɛ bo' a zahereba la yeti, ba to'e tɔrɛ nɛreba la, gee figehe zim i yi' la me bo' ba za'a.

Farefare Ninkaré

⁴¹ Tɩ Azezi dɩkɛ borborɩ banuu, la zũma bayi la gorge bɩsɛ saazuo pʋ'ʋsɛ Nawẽnnɛ, dee fiise borborɩ la bɔ a karẽnbiisi la yetɩ, ba pʋɩ nẽrba la, dee dɩkɛ zũma bayi la fiise bɔ ba wuu.

Amarkɩ 6:41 ပူးပေါင်းရင်းမြစ်များ

Amatie 14:19

Gee bo' nɛrekuuŋɔ la nuurɛ ti ba zi'ire muɔ la zuo, gee nyaa to'e boroboro banuu la zim iyi' la, gorege bihɛ saazuo gee purɛ sum, gee nyaa figehe boroboro la bo' a zahereba la, ti a zahereba la me to'e tɔta nɛrekuuŋɔ la.

Amatie 15:36

Ti a to'e boroboro bayopɔi la la zim la. En bo' fara ba'ahɛ la, a fige boroboro la mɛ bo' a zahereba, ti bamam me dikɛ tɔrɛ nɛrekuuŋɔ la.

Amatie 26:26

Ban boi bini dita la, ti Yezu dikɛ boroboro, bo' purɛ sum. En purɛ sum bahɛ de zuo ba'ahɛ la, a figehe de mɛ, dikɛ bo' zahereba la, yeti, “To'e ya, la ya obe. Mam iŋa n ŋwana.”

Amarkɩ 14:22

Ban boi bini dita la, ti Yezu dikɛ boroboro purɛ sum bahɛ de zuo gee fike de buyi' bo' a zahereba la, gee yele ba yeti, “To'e ya la ya obe, mam iŋa n ŋwana.”

Amarkɩ 6:40

Bala ti nɛreba wa tigehe taaba kɔbega kɔbega, la pihinuu pihinuu zi'ire.

Amarkɩ 6:42

Ti ba to'e tɔrɛ nɛreba la, ti ba za'a di tigɛ,

Amarkɩ 7:34

Gee gorege bihɛ saazuo, gee si'im paaɛ paaɛ gee yele buraa la yeti, “Ɛfata” de vuurɛ dela, “Be'e.”

Amarkɩ 8:19

Mam daa fige boroboro banuu la bo' tuha anuu la, pitɔ tu lɛ ti ya daa doohe va pirɛ, ban daa di tigɛ gee bahɛ sɛla la?” Ti ba yele en yeti, “Pia la tuyi'.”

Aluki 24:30

En ta zi'a la ba ti ba di la, ti a dikɛ boroboro purɛ sum bahɛ de zuo, gee fike dikɛ bo' ba.

Aluki 9:16

Ti Yezu to'e boroboro banuu la zim iyi' la, gorege bihɛ saazuo, gee purɛ sum bahɛ ba zuo, gee gi'ihɛ ba bo' a zahereba la, ti ba tɔrɛ nɛrekuuŋɔ la.

Azã 11:41

Ti nɛreba la bilege kugere la. Ti Yezu gorege tɔ saazuo gee yeti, “N sɔ, mam bo' fum fara, la fum n kelehe mam.

Azã 17:1

Yezu n tɔgɛ yele ana ba'ahɛ la, a gorege tɔ la saazuo, gee yeti, “N Sɔ, saŋa la paaɛ ya. Pɛgɛ fum Dayua wa, ti Dayua la me pɛgɛ hɔ.

Azã 6:11

Ti Yezu to'e boroboro la, bo' Yinɛ fara ba'ahɛ, gee bahɛ ti ba tɔrɛ bo' nɛreba la n zi' la. Gee to'e zim la iŋɛ bala mɛa, ti nɛra woo to'e paaɛ en boti se'em.

Azã 6:23

Ti uurenɔ tuseto ze'ele Tiberiyasi tiŋa wa'am na paaɛ zi'an ti Daana la zaam bo' fara boroboro la zuo gee ti nɛreba la zaam obe la.

Tõoma 27:35

En tɔgɛ ŋwana ba'ahɛ la, gee looe boroboro, bo' Yinɛ fara ba za'a nɛŋan, gee gi'ɛ dɛ pɔhɛ ɔbega.

Aromduma 14:6

Sɛba en looe dabeherɛ se'ere la, iti bala bɔ'ɔra la Daana la, ti sɛba me en diti sɛla woo la me diti na'aha la Daana la, doohe la ba ni bo' Daana la fara gee di la. Ti sɛba me en ka diti sɛla woo la me lɔkeri na'aha la Daana la, la ban ni bo' Yinɛ fara de zuo la.

1 Korẽntɩ 10:31

Bala, ya diti mɛ, ya nyuuri mɛ, bii sɛla woo ti ya ita, iti ya sɛla woo ti Yinɛ yu'urɛ nyɛta pɛka.

Kolɔsɩ 3:17

Gee ti sɛla woo ti ya ita, la dɛna tugum bii tuuma, iti ya sɛla woo Daana Yezu yu'urɛ la puan, bɔ'ɔra Yinɛ en de Sɔ la fara dɔla Yezu puan.