Amarkɩ 5:30 - ZE'ELEGO PAALEGA

³⁰ Bilam bilam ti Yezu baŋɛ ti paŋa ze'ele a zi'an yehe. Ti a ŋmɛreha a mɛŋa nɛrekuuŋɔ la puan kaara gee sɔkera yeti, “Ani en kalum n fuo wa?”

Farefare Ninkaré

³⁰ La bilam mẽŋa tɩ Azezi bãŋɛ tɩ pãŋa n yese ẽŋa pʋam ẽŋɛ sɛla, tɩ a gelge soke nẽr-kʋʋŋɔ la yetɩ: «Ãn kalʋm mam fuugo?»

Amarkɩ 5:30 ပူးပေါင်းရင်းမြစ်များ

Amarkɩ 5:31

Ti a zahereba la yele en yeti, “Fum mɛŋa la nyɛ nɛrekuuŋɔ wa en mikere za'ara luta fum zuo na se'em, ŋwani ti fum le sɔkera yeti, ani en kalum hɔ?”

Aluki 5:17

Daarɛ deyima ti Yezu pa'ala, ti Farasiiduma, la sɛba n pa'alɛ Moose ze'elego la zi'a bilam bɔba (Ba ze'ele la timbibehi n boi Galilii la Yuda la Yerusalɛm puan na), ti Daana la paŋa bɔna la en, ti a tibera.

Aluki 6:19

Ti nɛrekuuŋɔ la za'a zigera ti ba kalum Yezu zi'an se'ere en sɔi la, se'em woo en kalum en, paŋa en ni ze'ele a puan yehe na tibɛ a daana.

Aluki 8:46

Gee Yezu yeti, “Aayi, nɛra n kalum mam. Mam baŋɛ ti paŋa n ze'ele n puan yehe.”

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.