Amarkɩ 2:17 - ZE'ELEGO PAALEGA

¹⁷ Yezu n wum ŋwana la, ti a yele ba yeti, “Sɛba ka n bɛ̃'ɛri ka eere tiba, han dagena sɛba n bɛ̃'ɛri. Mam ka wa'am na ti n yi' la tuuntɔɔ duma, gee be'em duma.”

Farefare Ninkaré

¹⁷ Tɩ Azezi wõm bɛla, yele ba yetɩ: «Sɛba n tarɩ ĩmã'asʋm ka eerɩ tɩba, sɛba n bẽ'erɩ n eerɩ tɩba. Mam ka wa'am tɩ m wi sɛba dõma n yetɩ bãma masɛ mɛ na, mam wa'am na tõon-be'ero dõma ĩyã.»

Amarkɩ 2:17 ပူးပေါင်းရင်းမြစ်များ

Amatie 18:10

“Bihɛ ya suŋa la ya da bihɛ bumbibehi wa ayima yoo. Mam yeti ya mɛ wa, ti saazuo ha, ba suŋereba saŋa woo kɔ'ɔm nyɛta mam Sɔ en boi saazuo nɛŋa mɛ saŋa woo.

Aluki 15:10

Bala mɛa ti n yɛta ya wa, Ti nyɛɛma kãtɛ n ni bɔna Yinɛ suŋereba tiŋasuka, be'em daana ayima han ni tee a puti'irɛ.”

Aluki 15:29

Ti a me zagehɛ, gee yele a sɔ la yeti, ‘N sɔ, kɛleha. Yuuma kekeko ti mam tuni bɔ'ɔra fum me wuu da'aberɛ la, ka tabelɛ zagehɛ fum nuurɛ. Gee la bala za'a, fum ka tabelɛ bo' mam bubila, ti n me lagehɛ n taaba na ti tu de'em.

Aluki 15:7

Bala mɛa ti n yɛta ya wa, ti nyɛɛma kãtɛ en ni bɔna saazuo ha, be'em daana ayima han tee a puti'irɛ, nyana tuuntɔɔ duma pihiwai' la bawai' en pun tee gee ka le bɔta teere.

Aluki 16:15

Ti Yezu yele ba yeti, “Ya dela nɛreba en bo'ori ya mɛhi buurɔ nɛreba nɛŋan, gee Yinɛ mi' ya suya puan en ani se'em mɛ. Sɛla en de tuulum lɔkɔ nɛreba nɛŋan, fi'ɛ mɛ Yinɛ nɛŋan.

Aluki 19:10

Se'ere en sɔi la, mam Asaala Dayua wa wa'am na ti n yehe ɛ mɛ, la n faaɛ sɛba en bɔregɛ la bahɛ.”

Azã 9:34

Ti ba lerege en yeti, “Fum ti ba dɔgɛ hɔ kɔ'ɔm bahɛ be'em zo'e zo'e puan na wa en zigeri ti fum pa'alɛ tumam?” Gee nyaa sa'ɛ buraa la ti ka kiŋɛ.

Azã 9:40

Ti Farasii duma basɛba zɛ'a lɛm en, wum en yele se'em la, yele en yeti , “Tumam ka fɔ, bii fum ti'ihɛ tu fɔ mɛ?”

Tõoma 20:21

gee yɛta Yuuduma la, la Girikiduma ti ba tee ba suya lebe Yinɛ zi'an, gee sakɛ bo' Yezu

Tõoma 26:20

gee n daa yele de bo' la sɛba n boi Damasekuse puan yia, gee nyaa tagelɛ Yerusalɛm, nyaa tagela Yudiya kɔrɔmkɔrɔm, nyaa dikɛ sɛba n dagi Yuda buuri la me, ti bamam me tee la ba ŋmɛregɛ lebe Yinɛ zi'an, la ba tuna tuunsɛ'a n pa'alɛ ti ba tee ya.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.