Amarkɩ 16:14 - ZE'ELEGO PAALEGA

¹⁴ Pooren ti a zahereba pia la ayima la ta naaɛ taaba ti ba di. Ti Yezu niiɛ amɛŋa pa'alɛ ba gee nyaa nyɔna ba la ban n ka tari sakerɛ la ba tubegirega la doohe la ban ka sakɛ bo' sɛba n nyɛ ti eŋa vo'e ya gee yele ba la.

Farefare Ninkaré

¹⁴ La bɛla poorʋm, tɩ a karẽnbiisi pia la ayɩla la daan zẽa dita, tɩ Azezi dɩkɛ a mẽŋa pa'alɛ ba. Dee zɛbɛ ba, ban daan ka bɔ sɩra, la ba sũure n kɛ la ĩyã. Se'ere n soe la, ba daan ka sakɛ sɛba n daan yẽ ẽ yetɩ a vo'oge mɛ na yetɔga.

Amarkɩ 16:14 ပူးပေါင်းရင်းမြစ်များ

Amatie 11:20

Ti Yezu pɔhɛ zɛregera tinse'ehi ti a paŋa tuuma tum si puan zo'e, beni zuo ti nɛreba la zagehɛ teere la.

Amatie 17:20

Ti a yele ba yeti, “Ya sakerɛ la en pɔ'ɛ la en sɔi. Yelemɛŋerɛ ti en yɛta ya wa, ti ya han tara sakerɛ ti de zuna la nangembiileho, ya wan yele zoore yeti, ‘Vuuɛ ka'lam,’ ti de sirum vuuɛ, ti sɛla ka bɔna wan kpe'em bo' ya.”

Amatie 28:17

Ba nyɛ en la, ba na'ahɛ en mɛ, gee basɛba bu'uri mɛ.

Amarkɩ 7:18

Ti a yele ba yeti, “Yamam me ka bɔkɛ? Yamam ka mi' ti sɛla en ze'eti yiŋa kɛ̃'ɛ̃ra nɛra puan na kan ta'am galum en?

Aluki 24:11

Gee yeledina wa ani mɛ wuu solene la bo' tuntuneba la, ti ba ka sakɛ bo' ba.

Aluki 24:25

Ti a yele ba yeti, “Ya gerege mɛ, ti ya bɔkerɛ me tɔna ti ya nam sɛla woo ti nɔtɔgeheba la muulɛ ti la wan iŋɛ la.

Azã 20:25

Bala zuo, zahereba bana la en ta yele en yeti, “Tumam nyɛ Daana la mɛ la.” A yele ba yeti, “Han dagena ti mam nyɛ la kpa'ahi yiha la a nu'uhen, la n dikɛ n nu'dibila doohe kpa'ahi la yiha la, gee le dikɛ n nu'dibila sa'abɛ a lugerɛ la ti kanɛ la daa lu' la, Mam kan nam.”

Azã 20:26

Ti la le paaɛ dabeha ayopɔi, ti Yezu zahereba la le lagehɛ yire la puan, ti Tɔmasi bɔna bini. Ti ba yu' yire la kulehi la za'a. La ban yu' kulehi, Yezu wa'am me na, zɛ'a la ba, gee yele ba yeti, “Suma'ahum bɔna la ya.”

Azã 20:27

Gee nyaa yele Tɔmasi yeti, “Dikɛ fum nu'dibila doohe n nu'o wa puan bihɛ, gee tiɛ fum nu'o doohe n lugerɛ wa. Da bu'ura, gee nam.”

Azã 21:1

Yele ana woo n tole la, ti Yezu le niiɛ a mɛŋa pa'alɛ a zahereba la, Tiberiyasi Ateko la nuuren. En niiɛ a mɛŋa se'em n ŋwana.

Azã 21:14

Butã n ŋwana ti Yezu niiɛ a mɛŋa pa'alɛ a zahereba la, en ihige kum puan na la.

Tõoma 1:3

A namehegɔ la pooren, Yezu niiɛ a mɛŋa la vore, yelemɛŋerɛ sadɔtɔ zo'e zo'e puan pa'alɛ a tuntuneba la, niiɛ a mɛŋa pa'alɛ ba dabeha pihinaahi puan, tɔgɛ la ba Yinɛ sɔ'ɔlum la yele.

1 Korẽntɩ 15:5

ti bilam pooren, ti a niiɛ a mɛŋa pa'alɛ Sefase, gee nyaa niiɛ a mɛŋa pa'alɛ pia la bayi' la.

Lilegere 3:19

Mam taheri gee dɔlegera la sɛba ti n nɔŋɛ la tuba. Bala, mu'ɛ ya nini gee tee.