Amarkɩ 1:24 - ZE'ELEGO PAALEGA

²⁴ kaahɛ bahena yeti, “Fum tari la bem la tu, Yezu en yehe Nazareti na wa? Fum wa'am na ti fum sagum tu mɛ? Mam mi' fum n de se'em mɛ. Fum dela Fa'a Daana, ze'ele Yinɛ zi'an na.”

Farefare Ninkaré

²⁴ «Azezi n de Nazarɛtɩ nẽra, fõn bẽm yelle n boe la tõma? Fõn wa'am tɩ fʋ sã'am na tõma? Mam mi fõn de sɛka. Fõn de la pʋpeelem dãana n ze'ele Nawẽnnɛ zẽ'am.»

Amarkɩ 1:24 ပူးပေါင်းရင်းမြစ်များ

Amatie 2:23

A ta kɛ̃'ɛ̃ra la tiŋa ti ba yi'ira Nazareti, ti la bahɛ ti nɔtɔgeheba n tɔgɛ se'ere biŋe la wa'am sira na, “Tu wan yi'ira en ti Nazaareŋa.”

Amatie 8:29

Bilam bilam ti ba pɔhɛ nyabera yeti, “Beni ti fum tari la tɔ Yinɛ dayua wa? Fum yeti fum pɔgelum tu mɛ gee ti saŋa la mɛŋa mɛŋa la nan ka paaɛ?”

Amarkɩ 1:23

Bala ma'a la ti zamehegɔ yire la puan, buraa en boi bini tara Kulekpa'bɛ'a,

Amarkɩ 1:25

Ti Yezu tahɛ en yeti, ŋmɛkɛ fum nuurɛ la, gee tole yehe!

Amarkɩ 10:47

En wum ti Yezu en yehe Nazareti na n ye' tɔla la, ti a pɔhɛ nyabera yeti, “Yezu, Deviti Dayua wa, zɔ n nimbu'ɔ!”

Amarkɩ 14:67

Eŋa n nyɛ ti Pita ɔɔhi bugum la, ti a bihɛ Pita zii gee yeti, “Fum me daa lagum bɔna mɛ la Yezu en de Nazareti nɛra la.”

Amarkɩ 16:6

Ti budibele paalega wa yele ba yeti, “Da zoti ya dabeem, mam mi' ti ya eere la Yezu n de Nazareti buraa la ti ba daa kpa' pumpuuredɔɔ la zuo la. A vo'e mɛ, a ka boi ka'lam. Bihɛ ya, ban daa dikɛ a iŋa la gã'arɛ zi'an ŋwana.

Amarkɩ 5:7

Gee kaahɛ supi yeti, “Yezu, gaŋɛ za'a daana Dayua wa, fum tara la deni la mam? N dikɛ la Yinɛ bɛlena fum, ti fum da sagum mam.”

Aluki 1:35

Ti Suŋera la yele en yeti, “Fa'a Sia la wan sige fum zuo, ti Gani Za'a Daana paŋa pi' fum. Bala zuo, bia la ti fum yeti fum dɔgɛ la wan dɛna la Fa'a. Ba wan yi'ira ka la Yinɛ Dayua.

Aluki 24:19

Ti a soke ba yeti, “Beni yɛla?” Ti ba lerege en yeti, “Yezu en yehe Nazareti na la, dɛna nɔtɔgeha, pirɛ la paŋa, la yelehum la Yinɛ la nɛreba woo nɛŋan la,

Aluki 4:34

“Bahɛ tu bããlam, beni tu fum tara la tɔ, Nazareti buraa Yezu wa? Fum wa'am na ti fum sagum tu mɛ? Mam mi' fum n de se'em, fum dela Yinɛ Fa'a nɛra.”

Aluki 8:28

En nyɛ Yezu la, a lu mɛ a nɛŋan, gee kaahɛ la kɔkɛ'ɛŋa yeti, “Fum tari la bem la mam Yezu? Gaŋɛ Za'a Yinɛ Dayua wa? N beleni fum mɛ, da mugehe mam.”

Aluki 8:37

Ti nɛre sɛba woo n kaaɛ Gerasene la, n lagehɛ na la, ba za'a yele Yezu yeti, a bahɛ ba tiŋa la. Se'ere en sɔi la, dabeem kãtɛ n kɛ̃ ba. Bala ti Yezu lebe zom uureŋɔ lebe.

Azã 6:69

Tumam nam mɛ, gee mina ti fum en de FA'A Daana ze'ele Yinɛ.”

Tõoma 2:27

Se'ere n sɔi la, fum Yinɛ kan zagehɛ n Sia bo' ki'intiŋa, bii fum bahɛ ti fum Fa'a daana wa wuu'ɛ.

Tõoma 24:5

Tumam n nyɛ buraa wa, yelemɛŋerɛ, a dela nɛrebe'o n de nyɔ̃pɔ̃hega bo' tiŋa wa. A dela se'em n baheri ti gbiregeri sigera Yuda buuri wa n boi timpaberɛ wa zuo zi'an woo, dɛna lageŋɔ seko ti ba yi'ira ba Nazarenduma la nɛŋadaana.

Tõoma 3:14

Yamam zagehɛ la Fa'a la tuuntɔɔ daana la gee tugum soke ti ba bo' ya nɛrekuura,

Tõoma 4:27

Se'ere n sɔi la, tinkãtɛ wa puan, Hɛrɔd la Pɔntiyɔsi Palete ta ta' la sɛba n dagi Yuuduma la, la sɛba en de Izirale nɛreba la lagehɛ la taaba ti ba zabɛ la fum Fa'a yameŋa Yezu, se'em ti fum bi'ihɛ en;

Yemesi 2:19

Ya nam ti Yinɛ dela ayima. Ya mɔ ya. Kulekpa'bɛ'ɛhi me pun nam la bala, gee gbi'ira.

1 Zã 2:20

Gee Fa'a Daana la en sɔi yamam, ti ya za'a mina dina wa.

Lilegere 3:7

“Suŋera se'em en boi Filadelefiya tiŋa lageŋɔ la puan la ti n guleha bɔ'ɔra. Yetɔgebuna ze'ele la Fa'a daana la, se'em en de yelemɛŋerɛ daana la, zi'an na. Se'em en tari Deviti yire kparehega la, Se'em en yu'ɛ ti se'em ka bɔna yu'ura la, Se'em en yu' ti se'em ka bɔna wan yu'ɛ la.