Aluki 9:26 - ZE'ELEGO PAALEGA

²⁶ Se'em en tari vi la mam, la n yelehum wa la, eŋa ti Asaala Dayua wa wan ta tara vi la en, n han ta lɛbera na la n suŋa la puan la, Sɔ suŋa puan la, la Fa'a suŋereba suŋa la.

Farefare Ninkaré

²⁶ Nẽr-sɛka n zoe yãnnɛ mam ĩyã, la mam yetɔga la ĩyã, mam n de Nẽrsaala Dayʋa la mẽ wʋn zoe yãnnɛ la ẽ wakat-sɛka tɩ mam wʋn leme wa'am la m na'am pãŋa, la Nawẽnnɛ, la a malɛkadõma na'am pãŋa la.

Aluki 9:26 ပူးပေါင်းရင်းမြစ်များ

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amatie 26:64

Ti Yezu lerege en yeti, “Fum yele la bala wa. Gee n yeti fum mɛ wa, Ti hankana yɛ'a ha, fum wan ta nyɛ Asaala Dayua la, ti a zi'a paŋa zuɔ nu'o ze'ele saazuo sagbama wa puan kina na.”

Amarkɩ 8:38

Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Azã 12:43

Se'ere n sɔi la, ba ba' nɔŋɛ la asaala pɛka, gana pɛka sɛka n ze'eti Yinɛ zi'an na.

Azã 5:44

Ya yeti ya iŋɛ la wani nam mam. Ya han tɔ'ɔha taaba na'ahegɔ, gee ka ɛɛra la ninmu'urɛ, na'ahegɔ seko n ze'eti se'em ma'a n de Yinɛ la zi'an na la?

Tõoma 10:22

Ti ba lerege yeti, “Koneliyose n de pɛntiireba kɔbega nɛŋadaana, dɛna nɛre tuuntɔɔ, dɛna Yinɛ zɔta la, ti Yuuduma la za'a yi'ira en yu'sunɛ la, ti Fa'a Suŋera pa'alɛ en ti a tum yi' fum ti fum wa'am a yire na ti a wum fum tari se'ere ti fum yele.”

Aromduma 1:16

Vi ka tari mam la faarɛ yelehum wa. Beni zuo, bu dela Yinɛ faarɛ paŋa, bo' se'em woo en tari sakerɛ, Yuuduma yia, gee nyaa bɔ'ɔra Girikiduma.

2 Korẽntɩ 12:10

Bala zuo la, mam nini tigɛ ya la tɔregɔ, tuurɛ, wuŋerɛ, mɛlehegɔ, la nɔyalegerɛ Kiresta zuo. Se'ere en sɔi la, sansɛka woo ti tɔregɔ kɛ̃ mam, mam ni nyɛ la paŋa.

Galatɩ 6:14

Mam da makɛ ŋmɛ' n nyu'ɔ yele se'ere puan, han dagena tu Daana Yezu Kiresta pumpuuredɔɔ la zuo ma'a, yele se'ere zuo ti ba kpa' timpaberɛ wa labelɛ mam, gee kpa' mam labelɛ timpaberɛ wa la.

1 Timoti 5:21

Yinɛ nɛŋan, la Kiresta Yezu nɛŋan, la suŋereba sɛba ti ba looe la nɛŋan, n ka'ani fum mɛ la ninmu'urɛ ti fum to'e yele ana wa za'a, da kɛ̃'ɛ̃ra se'em, ti lugehego da bɔna bini.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

2 Timoti 2:12

Tu han ŋmibe, tu me wan di na'am la en, Tu han zagehɛ en, a mɛ wan zagehɛ tɔ,

Hiburuduma 11:26

A yuum nam ya ti Kiresta zuo a wan to'e kɛhega la namehegɔ, ti la dɛna tarega kãtɛ bo' en, nyana Igipiti tarega la, se'ere en sɔi la, a yuum biheri la yɔɔri kãtɛ la en boi nɛŋa ha la.

Hiburuduma 13:13

Bahɛ ya ti tu kiŋɛ ya a zi'an tiiheŋɔ la yiŋa la ha, la tu ta lagum di nyanɛ se'ere ti a ŋmibe de puan la.

Azudi 1:14

Bana en bala ti Enɔki en de Adam buuri saŋa buyopɔi puan la yuum purɛ ba yele yeti, “Bihɛ ya, Daana la kini mɛ na la a tuulum nɛreba tuha pia,

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 20:11

Ti mam nyɛ ti na'am kuka kãtɛ pɛɛlega en ze', ti se'em en zi' ka zuo la, timpaberɛ wa la saazuo wa mɛlum mɛ a nɛŋan ti zi'an ka bɔna bo' ba.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 3:5

Ya han nyaŋɛ, ba me wan bagɛ ya la fupɛɛla, ti n kan saalum ya yu'ura vom gɔŋɔ la puan bahɛ. N wan purɛ ya yu'urɛ n Sɔ nɛŋan, la a suŋereba nɛŋan.