Aluki 9:11 - ZE'ELEGO PAALEGA

¹¹ Nɛrekuuŋɔ la n ta baŋɛ bala la, ba ihege mɛ doohe a poore, ti a me to'e ba, gee tɔgɛ Yinɛ sɔ'ɔlum la yɛla pa'alɛ ba, gee tibɛ sɛba woo en boti tibegɔ.

Farefare Ninkaré

¹¹ Tɩ nẽr-kʋʋŋɔ la bãŋɛ ẽn sẽŋɛ zẽ'am na, babsɛ ẽ. Tɩ a to'oge ba, tɔgɛ Nawẽnnɛ so'olʋm yelle bɔ ba, dee botɩ bã'adõma yẽ ĩmã'asʋm.

Aluki 9:11 ပူးပေါင်းရင်းမြစ်များ

Amatie 12:15

Yezu en ta baŋɛ dina wa la, a bahɛ bilam mɛ, ti nɛrekuuŋɔ doohe a poore, ti a tibɛ ba za'a,

Amatie 14:14

Yezu en ze'ele uureŋɔ la puan sige na la, a nyɛ nɛrekuuŋɔ la mɛ, zɔ ba nimbu'ɔ, gee tibɛ sɛba en wa'am na la nɛreba sɛba n bɛ̃'ɛri la.

Amatie 21:31

Kɔma bayi' wa puan, ba ani n tum ba sɔ la puti'irɛ?” Ti ba yeti, “Yia daana la.” Ti Yezu yele ba yeti, “Yelemɛŋerɛ ti en yɛta ya wa, ti kubetɔ'ɔhereba la yalunduma la pun diŋɛ ya nɛŋa mɛ kɛ̃'ɛ̃ra Yinɛ sɔ'ɔlum la puan.

Amatie 21:43

Bala zuo, n yeti ya mɛ wa, ti ba wan ta to'e Yinɛ sɔ'ɔlum ya nu'uhen tee dikɛ bo' nɛresɛba n wan wuna sɔ'ɔlum la wala.

Aluki 1:53

Eŋa en piti sɛba ti kom tara ba, la lɔgesunɔ, gee bahera ti buntateba kina nu'bɛɛla.

Aluki 5:31

Ti Yezu lerege ba yeti, “Sɛba n ka bɛ̃'ɛri, ka eere tiba, gee sɛba n bɛ̃'ɛri.

Aluki 8:1

Dina wa n tole ba'ahɛ la, ti Yezu dɔla tinkãra, la timbibehi puan muula gee tɔgera faarɛ yelehum la, n de Yinɛ sɔ'ɔlum yelehum la. Ti a zahereba pia la bayi' la bɔna la en,

Aluki 8:10

Ti a yele ba yeti, “Han dɛna yamam, ba bo' yamam la bɔkerɛ ti ya mina Yinɛ sɔ'ɔlum la sugelum yɛla, gee basɛba, n tɔgeri la mageha bɔ'ɔra ba, ti ba ‘Bihera gee kan malum nyɛ, ba kɛleha gee kan malum bɔkɛ.’

Aluki 9:10

Ti Yezu tuntuneba la ta lebena, yele en sɛla woo ti ba iŋɛ. Ti Yezu tari ba ma'a ti ba yehe kiŋɛ Bɛtesaada.

Aluki 9:12

Ti yinɛ ta luta, ti a zahereba pia la bayi' la paaɛ a zi'an yele en yeti, “Bahɛ ti nɛrekuuŋɔ wa yiregɛ, la ba kiŋɛ timbibehi wa puan, la kinkɛlehi tihi wa puan ta ɛ ga'aregɔ zi'an, gee ɛ dia di, gee ka'lam dela muɔ puan.”

Aluki 9:2

Gee nyaa tum ba ti ba yehe ta muulɛ Yinɛ sɔ'ɔlum la yɛla, gee tibera bã'ahi.

Azã 4:34

Ti Yezu lerege ba yeti, “Mam dia dela n tuna se'em n tum mam na la sumboolum, la n ba'ahɛ a tuunɛ la.”

Azã 6:37

Sɛla woo ti Sɔ la dikɛ bo' mam, wan wa'am mam zi'an na, ti se'em woo me n wa'an mam zi'an na, mam kan makɛ dige en bahɛ.

Tõoma 28:31

gee muula Yinɛ sɔ'ɔlum la yele, gee pa'ala Yezu Kiresta yele la sukpe'ene, ti sɛla ka gu'ura en.

Aromduma 10:14

Gee nɛreba yeti ba iŋɛ la ŋwani yi' se'em ti ba ka nam en? Gee ba yeti ba iŋɛ la ŋwani nam se'em ti ba ka tabelɛ wum a yele? Gee ba yeti ba iŋɛ la ŋwani wum, se'em han ka muulɛ bo' ba?

Aromduma 10:17

Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

Aromduma 15:3

Se'ere en sɔi la, Kiresta daa ka biheri la a mɛŋa nini tika ma'a yele; Gee wuu lan gulehɛ se'em yeti, “Tuurɛ sɛ'a taaba ti sɛba tuura ya la, sigera la mam zuo.”

2 Timoti 4:2

Muula yelehum la, kɔ'ɔm zɛ'a mɛ kankaŋi, sum saŋa bii be'ero saŋa, tɔgera tɛɛra, tahɛ, kpɛmeha, la pa'alegɔ sugeri zo'e, zo'e.

Hiburuduma 4:16

Bala zuo, bahɛ ya ti tu paaɛ ya Yinɛ na'am kuka la nɛŋan ti zu'uhegɔ bɔna la, la sukpe'ene, la tu ta'am to'e a nimbɔ'zɔrɛ la, nyɛ zu'uhegɔ, ti la suŋɛ tɔ sansɛka woo n nari.