Aluki 8:31 - ZE'ELEGO PAALEGA

³¹ Ti ba belum Yezu ti a da sa'ɛ ba bahɛ lika boko la puan.

Farefare Ninkaré

³¹ Tɩ kʋlkã'arsɩ la sose Azezi yetɩ, a da botɩ ba sẽŋɛ bug-tẽŋa bog-ko'ogo la pʋam.

Aluki 8:31 ပူးပေါင်းရင်းမြစ်များ

Amatie 25:41

Gee nyaa wan yele sɛba n boi a gɔbega nu'o bɔba la yeti, ‘Yamam sɛba ti n nɔpɔrɛ bɔna ya zuo wa, fɔregɛ ya mam zi'an ta kɛ̃ bugum sebo n dita ka kiŋera, ti ba maahum biŋe Sagena la, la a suŋereba la.

Aluki 8:28

En nyɛ Yezu la, a lu mɛ a nɛŋan, gee kaahɛ la kɔkɛ'ɛŋa yeti, “Fum tari la bem la mam Yezu? Gaŋɛ Za'a Yinɛ Dayua wa? N beleni fum mɛ, da mugehe mam.”

Aluki 8:32

Bala ma'a ti zoore la tilen ha, kurikuri zo'e zo'e n ze' bini ɔbera. Ti kulekpa'bɛ'ɛhi la belum Yezu ti a bo' ba sore ti ba kɛ̃ kurikuri la puan. Ti Yezu bo' ba sore.

Aromduma 10:7

Bii ani en wan sige tiŋa tiŋa ha?” (De vuurɛ dela ta vo'e Kiresta kum puan na)?

Lilegere 11:7

Ba han purɛ ba yelehum la ba'ahɛ, bunsilemasio la en ze'ele tiŋa tiŋa yoko la puan dooe na la, wan kɔ' zaberɛ la ba, nyaŋɛ ba, ku ba,

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 9:11

Ba tari la naba ti a biha ba, suŋera se'em en tari tiŋa tiŋa boko kãtɛ la kparehega la. A yu'urɛ Hiburu puan dela Abadon. Giriki puan a yu'urɛ dela Apoliyon.