Aluki 7:16 - ZE'ELEGO PAALEGA

¹⁶ Ti dabeem kɛ̃ nɛra woo, ti ba dikɛ pɛka bo' Yinɛ yeti, “Yinɛ nɔtɔgeha kãtɛ n boi la tɔ.” Gee le yeti, “Yinɛ n kaaɛ a nɛreba wa bihɛ!”

Farefare Ninkaré

¹⁶ Tɩ dabeem kẽ ba wuu, tɩ ba pẽgra Nawẽnnɛ yetɩ: «Nawẽnnɛ nõtɔ'ɔs-kãtɛ n wa'am tõma zẽ'am.» Dee le yetɩ: «Nawẽnnɛ n wa'am tɩ a sõŋɛ a nẽrba.»

Aluki 7:16 ပူးပေါင်းရင်းမြစ်များ

Amatie 15:31

Ti la iŋɛ nɛrekuuŋɔ la pakerɛ paaɛ paaɛ, la ban nyɛ gɔɔnɔ en tɔgeri, ti kɔɔrenɔ kina, ti wɔbehi kina, ti fɔɔhi nyɛta. Ti ba pɛgɛra Izirale Yinɛ la.

Amatie 21:11

Ti nɛrekuuŋɔ la en dole en la yeti, “Ena n de Yezu, dɛna nɔtɔgeha yehe Nazareti n boi Galilii puan la.”

Amatie 28:8

Bala ti ba bahɛ yɔɔ la zi'an kalam la dabeem, la pupeelum kãtɛ, zɔ ta yele a zahereba la.

Amatie 9:8

Nɛrekuuŋɔ la en nyɛ ŋwana la, dabeem en sãɛ ba, ti ba pɛgɛra Yinɛ, se'em en dikɛ paŋa kana taaba bo' saaleba.

Aluki 1:65

Ti dabeem kɛ̃ sɛba woo en lɛm ba la, ti ba tɔgera yele ana woo zoore zuo tiŋa la en boi Yuda puan la za'a.

Aluki 1:68

“Sum dɛna Izirale Daana en de Yinɛ la dinɛ, Se'ere en sɔi la, a zɔ a nɛreba la nimbu'ɔ mɛ, gee yɔ to'e ba.

Aluki 19:44

Ba wan wɔ̃regɛ fum za'a sige tiŋa, sagum fum la fum kɔma biŋe fum puan. Ba kan gee kugere deyina dɔgelɛ de tadaana zuo. Se'ere en sɔi la, fum daa ka baŋɛ Yinɛ limehego saŋa.”

Aluki 2:20

Ti dunkiima wa lɛbera, gee na'aha gee pɛgera Yinɛ, la sɛla ti ba wum gee nyɛ, wuu suŋereba la en yele ba se'em la.

Aluki 24:19

Ti a soke ba yeti, “Beni yɛla?” Ti ba lerege en yeti, “Yezu en yehe Nazareti na la, dɛna nɔtɔgeha, pirɛ la paŋa, la yelehum la Yinɛ la nɛreba woo nɛŋan la,

Aluki 5:26

Ti la pakɛ nɛra woo paaɛ paaɛ, ti ba pɛgera Yinɛ, gee ti dabeem kɛ̃ ba, ti ba yɛta yeti, “Tu nyɛ yɛla en boi a tɔka zina.”

Aluki 5:8

Gee Simɔn Pita n nyɛ ŋwana la, a lu la Yezu nama tiŋa yɛta ti, “Kiŋɛ gee bahɛ mam n Daana, mam dela be'em Daana.”

Aluki 7:15

Ti budibela wa n ki la, ihege zi'ire, pɔhɛ tɔgera, ti Yezu dikɛ en bo' a ma la.

Aluki 7:39

Farasii sɛka n yi' Yezu wa'am a yire na la n nyɛ ŋwana la, a yele a mɛŋa yeti, “Buraa wa han deni nɔtɔgeha, a wan baŋɛ ni pɔka wa n de se'em, la en de pɔgesɛka taaba kalena en wa. A wan baŋɛ ni ti ka dela be'em daana.”

Aluki 8:37

Ti nɛre sɛba woo n kaaɛ Gerasene la, n lagehɛ na la, ba za'a yele Yezu yeti, a bahɛ ba tiŋa la. Se'ere en sɔi la, dabeem kãtɛ n kɛ̃ ba. Bala ti Yezu lebe zom uureŋɔ lebe.

Aluki 9:19

Ti ba lerege en yeti, “Sɛba yeti fum dela Yɔn ko'sɔɔra la, ti sɛba me yeti fum dela Elia ti basɛba me yeti fum dela diimen diimen ha nɔtɔgeheba la ayima en vo'e a kum puan na.”

Azã 1:21

Ti ba soke en yeti, “Gee fum nyaa dela ani? Fum dela Elia?” Ti a lerege ba yeti, “Aayi mam dagi.” “Gee fum dela nɔtɔgeha?” Ti a yeti, “Aayi.”

Azã 1:25

Bala ti ba le soke Yɔn yeti, “Gee beni ti fum sɔɔra nɛreba wa ko'om gee dagena Kiresta la, bii Elia, bii nɔtɔgeha?”

Azã 4:19

Ti pɔka wa yele en yeti, “Naa, mam bihɛ ti fum dela nɔtɔgeha.

Azã 6:14

Nɛreba la n nyɛ daalehum kana wa ti Yezu tum la, ti ba pi'ilum yɛta yeti, “Ena n sirum de nɔtɔgeha se'em n wan wa'am timpaberɛ wa zuo na la.”

Azã 9:17

Ti Farasii duma wa le soke fua wa yeti, “Fum ti'ihɛ ti buraa wa dela beni? Fum nini ti a pikɛ.” Ti buraa la yele ba yeti, “A dela nɔtɔgeha.”

Tõoma 5:5

Ananiya n wum yetɔgebuna wa la, a kɔ'ɔm lu mɛ ki. Ti dabeem kãtɛ sãɛ sɛba woo me n wum la.

Tõoma 7:37

Moose kana n bala yuum yele Izirale buuri wa yeti, ‘Yinɛ wan looe a nɔtɔgeha ya mɛŋa buuri wa puan bo' ya wuu en looe mam se'em la.’

Galatɩ 1:24

Ti ba pɛgɛ Yinɛ mam zuo.