Aluki 6:20 - ZE'ELEGO PAALEGA

²⁰ Ti Yezu gorege bihɛ a zahereba la gee yeti, Sum boi mɛ la yamam sɛba n nameheri wa, Se'ere en sɔi la Yinɛ sɔ'ɔlum la dela ya dinɛ.

Farefare Ninkaré

²⁰ Tɩ Azezi gorge bɩsɛ a karẽnbiisi la yetɩ: «Yãma sɛba n de nasdõma la tarɩ zu-yẽlga, se'ere n soe la, Nawẽnnɛ so'olʋm de la ya bõnɔ.

Aluki 6:20 ပူးပေါင်းရင်းမြစ်များ

Amatie 11:5

fɔɔhi nini pigehɛ mɛ, ti kɔɔrenɔ kina, ti kunkɔma nyɛ tibegɔ, ti wahi wuna, ti kum ihege, ti naheduma wum faarɛ yelefum la.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 5:1

Yezu n nyɛ nɛrekuuŋɔ la, a zom la zoore zuo, en ta zi'ire ba'ahɛ la, ti a zahereba la paaɛ a zi'an.

Aluki 12:32

“Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Aluki 13:28

Bilam ti ya wan ta kaaha, gee ɔbera nyɛna, ya han ta nyɛ ti Aberaham, Aziki la Yakɔbe la Yinɛ nɔtɔgeheba la za'a ti ba boi Yinɛ sɔ'ɔlum la puan, gee ti ba lobe yamam mɛhi la bahɛ yiŋa ha.

Aluki 14:15

Saama la ayima n lagum bɔna dia la puan la n wum ŋwana la, ti a yele Yezu yeti, “Sum wan bɔna la sɛba n wan ta bɔna Yinɛ sɔ'ɔlum la puan dita la!”

Aluki 16:25

Gee Aberaham yele en yeti, ‘N bia, tɛra ti fum yuum boi vom puan tiŋa zuo la, fum yuum nyɛ fum sum mɛ za'a, gee ti Lazarus me bɔna mɛlehegɔ puan. Gee nananawa, a boi la sum zi'an ka'lam, gee ti fum me bɔna mɛlehegɔ puan.

Aluki 4:18

“Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

2 Korẽntɩ 6:10

Tu ani wuu tu suya n sagum la, gee tu nyɛɛni mɛ saŋa woo. Tu ani mɛ wuu naheduma la, gee me iŋɛ nɛreba zo'e zo'e ti ba dɛna buntateba, tu ani wuu tu ka tari la sɛla la, gee me tara sɛla woo.

2 Korẽntɩ 8:2

La, ban daa pun nyɛ namehegɔ kãra, nyɛ nɔŋɔ pɛɛlega la, ba nyɛɛma kãtɛ la ti ba tara la bahɛ ti ba bo' mɛ zo'e zo'e

2 Korẽntɩ 8:9

Se'ere en sɔi la, yamam mi' pupeelum bo'olum sebo ti tu Daana Yezu Kiresta bo' doohe la en pun dɛna buntata la, gee yamam zuo ti a lebege naha, ti a nɔŋɔ la puan yamam wan dɛna buntateba.

1 Tesaloniki 1:6

Ti yamam me tɔgehɛ tumam, la tu Daana la, se'ere en sɔi la, la yan pun nyɛta namehegɔ la, ya to'e yelehum la mɛ la nyɛɛma sɛ'a ti Fa'a Sia bo' la mɛ.

2 Tesaloniki 1:5

Ŋwana en de daalehum bo' Yinɛ tuuntɔɔ gakerɛ la, a maahum ti a bahɛ ti ya nara mɛ la Yinɛ sɔ'ɔlum la, ti ya me namehera bu zuo la.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.