Aluki 24:27 - ZE'ELEGO PAALEGA

²⁷ Gee nyaa pɔhɛ Moose, doohe nɔtɔgeheba la woo puan pa'alɛ ba eŋa yele en de se'em bɔna gulehegɔ la puan.

Farefare Ninkaré

²⁷ Tɩ a yãŋa pa'alɛ ba bõn-sɛba wuu n gʋlsɛ tɔgra ẽŋa yelle Nawẽnnɛ gõnnɔ la pʋam, a pɔsɛ pa'alɛ la Amoyisi, la Nawẽnnɛ nõtɔ'ɔsrɩba la wuu n gʋlsɛ la võorɛ n de se'em.

Aluki 24:27 ပူးပေါင်းရင်းမြစ်များ

Amarkɩ 4:34

A ka tɔgeri se'ere bɔ'ɔra ba han dagena mageha puan. Gee a ni pa'alɛ la a zahereba la ma'a makerɛ woo vuurɛ en de se'em.

Aluki 24:25

Ti a yele ba yeti, “Ya gerege mɛ, ti ya bɔkerɛ me tɔna ti ya nam sɛla woo ti nɔtɔgeheba la muulɛ ti la wan iŋɛ la.

Aluki 24:44

Ti a yele ba yeti, Mam yelehum n ŋwana ti n daa tɔgɛ bo' ya, mam daa nan boi la ya la, yeti, “Sɛla woo ti ba gulehɛ doohe mam yu'urɛ puan, Moose nɔze'elego la, la nɔtɔgeheba la, la yuuma puan la za'a dela la wa'am na tum.”

Azã 1:45

Ti Filipi nyɛ Nataniyɛl, yele en yeti, “Tumam nyɛ se'em ti Moose tɔgɛ a yele pa'alegɔ gɔŋɔ la la nɔtɔgeheba gulehɛ a yele yeti, a dela Yezu, dɛna Yosefe dayua yehe Nazareti na la.”

Azã 12:41

Azaaya n yele dina wa la dela a yuum nyɛ la na'ahegɔ seko n de Yezu dinɛ, bala ti a tɔgɛ a yele la.

Azã 5:37

Mam Sɔ se'em n tum mam na la mɛŋa pun tɔgɛ mam yele mɛ. Yamam ka tabelɛ wum a kua bii ya nyɛ a naanɛ,

Azã 5:39

“Ya viiheri pa'alegɔ gɔnɔ la puan la daare woo, se'ere n sɔi la ya ti'ihɛ ti vom kamba'ahɛ yɛla n boi bini, gee gɔnɔ tuna mɛa n bala tɔgera mam yele la.

Tõoma 10:43

Nɔtɔgeheba la woo yuum yele la eŋa yele ti, se'em woo n nam en, a be'em wan saalum Yezu yu'urɛ la zuo.”

Tõoma 3:18

Ŋwana puan ti Yinɛ nɔtɔgeheba la en yuum purɛ yeti, a Kiresta la wan namehɛ la wa'am asira na.

Tõoma 3:22

Moose yuum yeti, ‘Ya Daana Yinɛ la a mɛŋa wan yehe nɛra ya mɛŋa puan, ti a dɛna a nɔtɔgeha wuu mam wa. Kelehe ya sɛlawoo ti a wan yele ya.

Tõoma 3:24

Nɔtɔgeheba wa woo n zo'e se'em la, ze'ele Samuwɛle saŋa ta paaɛ sɛba n wa'am a pooren na la woo yuum purɛ dabeha wa yele mɛ.

Tõoma 7:37

Moose kana n bala yuum yele Izirale buuri wa yeti, ‘Yinɛ wan looe a nɔtɔgeha ya mɛŋa buuri wa puan bo' ya wuu en looe mam se'em la.’

Tõoma 8:35

Ti Filipi ya'ɛ a nuurɛ pɔhɛ la gulehegɔ kuŋɔ mɛa puan, muulɛ Yezu faarɛ yelehum la bo' en.

Lilegere 19:10

Ti mam nyaa lu a nama tiŋa ti n na'ahɛ en, gee a yele mam yeti, “Da iŋɛ bala! Mam dela fum tuntuna tadaana bɔna la hɔ, la fum tansugere la en gurɛ Yezu yelehum muulegɔ kankaŋi la. Na'ahɛ Yinɛ! Se'ere en sɔi la, Yezu yelehum la muulegɔ en de purega sia.”