Aluki 22:32 - ZE'ELEGO PAALEGA

³² Gee mam pu'uhɛ bo' fum mɛ ti fum sakerɛ da koŋe. Gee fum, fum han ta ŋmɛregɛ lebe na, kpemehe fum suurɔ wa.”

Farefare Ninkaré

³² La mam pʋ'ʋsɛ Nawẽnnɛ mɛ bɔ fɔ, tɩ fõn bɔ mam sɩra la, fʋ da basɛ. La fʋ sãn wa leme wa dɔla mam, fʋ bɔ fʋ sɔbiisi la bʋraanɛ tɩ ba ze'ele kãŋkãŋɛ.»

Aluki 22:32 ပူးပေါင်းရင်းမြစ်များ

Amatie 18:3

ti a yeti, “N yeti ya la Yelemɛŋerɛ, ti han dagena ya tee mɛ ana wuu kɔma, ya kan malum kɛ̃' saazuo sɔ'ɔlum la puan.

Amatie 26:75

Bilam ti Pita tiɛ Yezu n yele ni yeti. “Gee ti nɔdɔɔ wan kaahɛ la, fum wan ta ki'ihɛ mam butã la.” Bilam ti a yehe ta kele nintam ma'aha.

Amarkɩ 14:72

Sankana ma'a la ti nɔdɔɔ le kaahɛ pa'ahɛ buyi'. Ti Pita tiɛ ti Yezu pun yele en yeti, “Nɔdɔɔ ta kaahɛ pa'aha buyi' la, ti fum pun ki'ihɛ eŋa la butã.” Ti a suure sagum ti a kele.

Amarkɩ 16:7

Gee kiŋɛ ya, la ya ta yele a zahereba la Pita ti a diŋɛ nɛŋa yɛ'ɛha Galilii ha. Bilam ti ya wan ta nyɛ en wuu eŋa daa pun yele ya se'em la.”

Aluki 8:13

Bumbuura se'ehi n lu taŋa zi'an la dela, nɛre sɛba n ni wum yelehum la, to'e bu la nyɛɛma. Gee ba ka ba' nyɛga, ba nam yelehum la la saŋa fii wa, gee makerɛ saŋa, ba ni lu mɛ.

Azã 14:19

La han iŋɛ fiiwa, timpaberɛ wa zuo nɛreba kan le nyɛ mam, gee yamam wan nyɛ mam. Mam vɔi la, yamam me wan vɔna.

Tõoma 3:19

Bala zuo la, tee ya, la ya ŋmɛregɛ ya mɛhi bo' Yinɛ, ti a piiɛ ya be'em woo bahɛ,

Aromduma 8:32

Yinɛ se'ere en daa ka bahɛ a mɛŋa dayua, gee dikɛ ka tihɛ tumam za'a zuo la, a kan doohe a dayua mɛa puan bo' tu sɛla woo ti tu bɔta me yoi?

Aromduma 8:34

Ani en wan ta'am sagum tɔ? La dela Kiresta Yezu en ki, ɛ̃ɛ, se'em ti Yinɛ vo'e en la, ti a bɔna Yinɛ zuɔ nu'o la. Eŋa en sirum de nupu'ŋmɛ'ɛra bɔ'ɔra tumam.

2 Timoti 2:18

sɛba en buregɛ yelemɛŋerɛ pa'alegɔ la puan, yɛta ti ihegere la pun iŋɛ mɛ. Ba dole tulena la basɛba sakerɛ.

Taitusi 1:1

Mam Pɔɔl en de Yinɛ da'aberɛ, gee dɛna Yezu Kiresta tuntuna, sɛba ti Yinɛ looe la sakerɛ la zuo, la yelemɛŋerɛ mi'ilum sebo en dole Yinɛ zoolum la,

Hiburuduma 12:15

Bihɛ ya suŋa, ti ya se'em da koŋe Yinɛ zu'uhegɔ la. Da bahɛ ya ti too nyɛgerɛ yehe ya puan na, tari daaŋɔ wa'am na, ti ya doohe de puan galum nɛreba zo'e zo'e.

Hiburuduma 7:25

Dina zuo la a nyaŋeri mɛ faara, nananawa la saŋa woo sɛba en dole a puan paara Yinɛ la baha, eŋa en vɔi wuuha la zuo, a ŋmɛ'ɛra nupu'ɔ ba zuo la.

1 Pita 1:1

Mam Pita en de Yezu Kiresta tuntuna, en gulehɛ gɔŋɔ wa bɔ'ɔra sɛba en nɔgɛ bɔna zi'an woo, Pɔntusi, Galatia, Kapadosia, Esiya, la Bitiniya tihi puan la.

1 Pita 1:13

Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

1 Zã 2:19

Ba ze'ele la tumam zi'an yehe, gee ba daa dagi tumam. Ba han deni la tumam puan, ba wan yee ni bɔna la tɔ. Gee ban yehe la, ba bahɛ ti la niiɛ ti ba se'em ka de tumam puan.