Aluki 2:14 - ZE'ELEGO PAALEGA

¹⁴ “Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Farefare Ninkaré

¹⁴ «Nawẽnnɛ n boe saazuum n soe pẽka, la nẽr-sɛba tɩ a nõŋɛ la tarɩ sũ-mã'asʋm dũnia zuo.»

Aluki 2:14 ပူးပေါင်းရင်းမြစ်များ

Amatie 21:9

Ti nɛrekuuŋɔ sɛba n boi nɛŋa la, la sɛba n boi pooren la vɔɔla gee yɛta yeti, “Hozaana Deviti dayua wa. Sum boi mɛ la se'em n wa'am Daana la yu'urɛ puan na. Hozaana n boi zuin zuin ha.”

Aluki 1:79

Bo wan niiɛ bo' sɛba en zi' lika puan, la sɛba en boi Kum nyɔ̃pɔ̃hega puan. Bo wan niiɛ gu'ura tu nama suma'ahum sore la zuo.”

Aluki 19:38

nyaa yɛta yeti, “Sum boi mɛ la naba la en dikɛ Daana la yu'urɛ wa'am na la. Suma'ahum boi saazuo, Ti na'ahegɔ bɔna saazuin zuin ha.”

Aluki 2:13

Bilam bilam ti suŋereba kekeko en bala en ze'ele saazuo na lagum suŋera ayima la, ti ba pɛgera Yinɛ yeti,

Aluki 2:15

Suŋereba la en bahɛ dunkiima wa gee lebe zom saazuo la, ti dunkiima wa yele taaba yeti, “Bahɛ ya ti tu kiŋɛ Bɛtelehɛm nananawa, la tu ta bihɛ yele dina wa en iŋɛ, ti Daana la lilege pa'alɛ tu wa.”

Aluki 3:22

Ti Fa'a Sia la sige a zuo na, la naanɛ en ani wuu dayene la. Ti kua ze'ele saazuo ha tɔgɛ bahɛ na yeti, “Fum en de mam Dayua ti n nɔŋɛ, mam nini tigɛ mɛ la fum.”

Azã 14:27

Suma'ahum ti mam dikɛ baha ya. Mam mɛŋa suma'ahum ti mam dikɛ bɔ'ɔra ya. Mam ka bo'ori n suma'ahum wa wuu timpaberɛ zuo nɛreba n bo'ori ba suma'ahum se'em la. Da bahɛ ya ti ya suya daana, gee me da bahɛ ya ti dabeem tara ya.

Azã 17:4

Mam pɛgɛ hɔ timpaberɛ wa zuo, la mam ba'ahɛ tuunse'ere ti fum dikɛ bo' mam la.

Azã 3:16

“Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

Tõoma 10:36

Ya mi' yelehum sebo ti a yuum tum bo' Izirale buuri la, muula suma'ahum yelehum Yezu Kiresta puan. Eŋa n de sɛla woo Daana la.

Aromduma 5:1

Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

Efɛɛzɩ 1:6

ti pɛka paaɛ a suŋa zu'uhegɔ la ti a ka'ɛ saarum tu zuo na yoo a dayɔba'arɛ la puan la.

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 2:4

Gee Yinɛ n pirɛ la nimbɔ'zɔrɛ la, la nɔŋerɛ kãtɛ se'ere ti a nɔŋɛ tu la,

Efɛɛzɩ 2:7

Bala ti saŋa la han ta paaɛ, a wan pa'alɛ a zu'uhegɔ la n ka tari makerɛ la, la a sum sebo ti a tara bɔ'ɔra tɔ Kiresta Yezu puan la.

Filipi 2:11

ti zɛleŋa woo puta yeti, Yezu Kiresta en de Daana, ti la dɛna na'ahegɔ bɔ'ɔra Yinɛ en de Sɔ la.

Filipi 2:13

Se'ere en sɔi la, la dela Yinɛ en boi ya puan tuna la ninmu'urɛ, bɔ'ɔra ya paŋa ti ya tana sakera gee tuna bɔ'ɔra a yu'urɛ la.

Kolɔsɩ 1:20

eŋa ti Yinɛ nini tigɛ ti a doohe a puan dikɛ sɛla woo naaɛ taaba bo' a mɛŋa, sɛla woo en boi timpaberɛ wa zuo, bii saazuo, doohe la Yinɛ en iŋɛ suma'ahum doohe la a ziim la pumpuuredɔɔ la zuo la.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

Lilegere 5:13

Ti mam wum ti bunvua woo en boi tinsuŋan, timpaberɛ wa zuo, la tiŋa tiŋa ha, la ateko puan, la sɛla woo en boi ba puan, ti ba za'a yuuna yeti, “ Se'em daana en zi' na'am kuka kãtɛ la zuo la, la Pebila la, sum, la na'ahegɔ, suŋa la kpe'eŋo dɛna fum dinɛ wuuha wuuha.”