Aluki 17:16 - ZE'ELEGO PAALEGA

¹⁶ Wa'am na paaɛ lu tiŋa Yezu nɛŋan, bo' en fara. A me dela Samariya buuri.

Farefare Ninkaré

¹⁶ sẽŋɛ ka ka dũma dɩkɛ a nẽŋa võglɛ tẽŋa Azezi nẽŋam pʋ'ʋsɛ ẽ. A daan de la Samaari nẽra.

Aluki 17:16 ပူးပေါင်းရင်းမြစ်များ

Amatie 10:5

Yezu zahereba pia la bayi' wa, ti a tum gee kagɛ ba yeti, “Da kiŋɛ ya sɛba en dagi Yuuduma buuri la zi'an zi'an, da kɛ̃ ya Samariyaduma tinsɛka puan.

Amatie 2:11

Ti ban kɛ̃ yire la puan la, ba nyɛ bia la mɛ la ka ma Mɛɛri. Ti ba kpa' duma na'ahɛ ka, gee nyaa yu'uhɛ ba tuulum lɔgerɔ tapɔtɔ yehe salema, tuulum digelum la sɛla en tari nyuuŋo suŋɔ ti ba yi'ira Mɛɛ bo' ka.

Amarkɩ 5:33

Pɔka la, en mi' sɛla iŋɛ a iŋa puan la, yehe na la dabeem, ti a iŋa gbɛ'ɛra, ti a lu Yezu nɛŋan, yele en yelemɛŋerɛ la za'a.

Aluki 17:17

Ŋwana ti Yezu soke yeti, “Ya dagi ni la pia en nyɛ ya tibegɔ? Gee bana bawai' la bɛɛ?

Aluki 5:8

Gee Simɔn Pita n nyɛ ŋwana la, a lu la Yezu nama tiŋa yɛta ti, “Kiŋɛ gee bahɛ mam n Daana, mam dela be'em Daana.”

Azã 4:9

Ti Samariya tiŋa pɔka wa yele en yeti, “Ŋwani ti fum Yuu nɛra zuhera ko'om mam Samariya pɔka wa zi'an?” (Bala ma'a la ti Yuuduma ka kaleni lɔge seko ti Samariyaduma kalum)

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 8:48

Ti Yuuduma la lebehe en yeti, “Tu ka tari la buurɔ la tu yele fum yeti, fum dela Samariya, ti kulekpa'bɛ'a yaga fum zuo la?”

Tõoma 1:8

Gee yamam wan ta to'e paŋa, Fa'a Sia la han ta sige ya zuo na, ti ya dɛna mam aze' nyɛ duma, Yerusalɛm, la Yudiya za'a puan, la Samariya, la timpaberɛ wa luga za'a.”

1 Korẽntɩ 14:25

Yelesɛ'a en sugɛ a suure puan la han niiɛ na, nɛra la wan kpa' duma, lu tiŋa aliko Yinɛ nɛŋan, na'ahɛ en, gee muulɛ yeti, “Yinɛ sirum boi mɛ la ya.”

Lilegere 19:10

Ti mam nyaa lu a nama tiŋa ti n na'ahɛ en, gee a yele mam yeti, “Da iŋɛ bala! Mam dela fum tuntuna tadaana bɔna la hɔ, la fum tansugere la en gurɛ Yezu yelehum muulegɔ kankaŋi la. Na'ahɛ Yinɛ! Se'ere en sɔi la, Yezu yelehum la muulegɔ en de purega sia.”

Lilegere 4:10

Kiinduma pihiyi la banaahi la ni lu la aliko, se'em daana en zi' na'am kuka kãtɛ la zuo la nɛŋan, na'aha eŋa se'em daana en boi wuuha wuuha la. Ba ni vugehe ba muhi la lobe la na'am kuka kãtɛ la nɛŋan, gee yuuna yeti,

Lilegere 5:14

Ti bunvɔɔhi banaahi la yeti, “Taari.” Ti kiinduma la za'a lu tiŋa la na'ahegɔ.