Aluki 16:15 - ZE'ELEGO PAALEGA

¹⁵ Ti Yezu yele ba yeti, “Ya dela nɛreba en bo'ori ya mɛhi buurɔ nɛreba nɛŋan, gee Yinɛ mi' ya suya puan en ani se'em mɛ. Sɛla en de tuulum lɔkɔ nɛreba nɛŋan, fi'ɛ mɛ Yinɛ nɛŋan.

Farefare Ninkaré

¹⁵ Tɩ Azezi yele ba yetɩ: «Yãma pa'alɩ ya mẽŋa nẽrba nẽŋam wʋ ya de la nẽr-sõma. La Nawẽnnɛ mi ya pʋtẽ'era n ãn se'em mɛ. Bõn-sɛka tɩ nẽrsaalba pẽgrɩ la, de la bõn-dẽgrɔ Nawẽnnɛ zẽ'am.

Aluki 16:15 ပူးပေါင်းရင်းမြစ်များ

Amatie 23:5

Ba tuni ba tuuma za'a ti nɛreba n nyɛ ba Se'ere en sɔi la ba pɛ la pa'alegɔ la tiihegɔ funini kãra, gee pɛ sãba wogerɔ yule ba futo la tiŋa.

Amatie 6:16

“Ya han luta nuurɛ, da ni zuŋe ya nɛhi wuu birekɔgenduma la, se'ere en sɔi la, ba ni zuŋe ba nɛhi la bala ti ba pa'alɛ la nɛreba ti bamam luti la nuurɛ. Yelemɛŋerɛ ti n yɛta ya wa, ba pun to'e ba yɔɔrɛ mɛ.

Amatie 6:2

“Bala zuo, ya han ni bɔ'ɔra bo'olum, da ŋmɛ' ya luŋa wuu birekɔgenduma la en iti se'em ba zamehegɔ yiya la sadɔtɔ zuto ti nɛreba pɛgɛ ba la. Yelemɛŋerɛ ti n yɛta ya wa, bamam pun to'e ba yɔɔrɛ mɛ.

Amatie 6:5

“Ya ni han yeti ya pu'uhɛ, da ni ani ya wuu birekɔgenduma la. Bama nɔŋɛ la ba ni dooe zɛ'a saazuo zamehegɔ yiya la puan, la sadɔtɔ kãra zi'ihi woo puan, pu'uha ti nɛreba nyɛ ba. N yeti ya la yelemɛŋerɛ wa, ti ba pun to'e ba yɔɔrɛ mɛ.

Aluki 10:29

Gee buraa wa en boti ka nyɛ buurɔ la, ti ka soke yeti, “Ti ani n nyaa de n mabia?”

Aluki 11:39

Ti Daana la yele en yeti, “Yamam Farasiiduma peere la laa, bii wanɛ la poore, gee ti ya puan ha pirɛ la nyika la putoo.

Aluki 18:11

Ti Farasii la dooe zɛ'a, gee pu'uha yeti, ‘Yinɛ, mam bo' fum fara, la mam en ka ani wuu nɛreba basɛba, fãareba, nɛreŋmɛlema, bii sɛba en tuni kabohi, pun ta paaɛ kuba tɔ'ɔha wa.

Aluki 18:14

N yele ya yeti, burakana en wan kule yire la buurɔ gee dagi yia daana la. Se'ere en sɔi la, sɛba woo en zɛkeri ba mɛhi, ba wan sigehe ba tiŋa. Gee sɛba woo en sigehe ba mɛhi, ba wan zɛkɛ ba.”

Aluki 18:21

Ti buraa wa lebehe yeti, “Mam dole yele ana za'a mɛ n bumbile paalemen na.”

Aluki 18:9

Ti Yezu le makɛ makerɛ dina wa bo' sɛba en nam ba mɛhi ti bamam dela tuuntɔɔ duma, gee zɛɛna basɛba la.

Aluki 20:20

Ti ba lebe pooren ta ana bããlam, gee tum viihereba en ani wuu ba dela nɛresuma a zi'an na, ti ba ta'am bɛ̃rɛ en doohe a nuurɛ yetɔgum puan, ti ba ta'am nyɔkɛ en ta bo' yele gakereba la timbihega kpɛ'ɛnduma la.

Aluki 20:47

Ba saari la pokɔpa yiya. Ban boti nɛreba nyɛta ba la zuo, ba pu'uhi la pu'uhi wogero. Ba wan ta to'e sageŋɔ kãtɛ en gani za'a.”

Azã 2:25

dagi se'em en wan yele en se'em yele. A mi' sɛla en boi nɛra woo puan mɛ.

Azã 21:17

Ti Yezu le yele en butã puan yeti, “Simɔn,Yɔn dayua wa, fum nɔŋɛ mam?” Ti Pita suure sagum, se'ere zuo, Yezu n yele en butã puan yeti, “Fum nɔŋɛ mam?” Ti a yele Yezu yeti, “N Daana, fum mi' sɛla woo, fum mi' ti n nɔŋɛ hɔ.” Ti Yezu yele en yeti, “Bihera n piihi wa.

Tõoma 1:18

(Buraa kana wa daa dikɛ a tuumbe'o ligeri la da' la zi'an, gee lu a liko tahɛ a tiŋasuka ti a puuren lɔgerɔ za'a ɔlegɛ yehe na.

Tõoma 1:24

Gee nyaa pu'uhɛ yeti, “Daana, fum mi' nɛrawoo suure puan. Pa'alɛ tɔ buraahi siyi wa, ba se'em ti fum looe,

Tõoma 15:8

Gee Yinɛ se'em n mi' asaala suuren la, pa'alɛ yeti ba nari mɛ doohe la n bo' ba a Fa'a Sia la, wuu en yuum bo' tumam se'em la.

Aromduma 3:20

Nɛra ka boi wan ta to'e buurɔ Yinɛ nɛŋan doohe la yele sɛ'a en boi ze'elego la puan, se'ere en sɔi la, ze'elego la puan ti be'em puti'irɛ bɔna.

Aromduma 8:27

Ti Yinɛ en biheri suure puan la, mi' sɛla en boi Fa'a Sia la puti'iren mɛ, se'ere en sɔi la, Fa'a Sia la sooe ŋmɛ'ɛra la nupu'ɔ bɔ'ɔra nɛresunduma la, dɔla Yinɛ sumboolum.

1 Korẽntɩ 4:5

Bala, da gakɛ ya gee ti saŋa la nyaa paaɛ, gee ti Kiresta nyaa wa'am na, eŋa se'em daana en wan bahɛ ti sɛlawoo en sugɛ lika puan nananawa niiɛ peelumen, gee lilege suure puan yɛla la. Bilam ti nɛrawoo nyaa wan to'e a pɛka Yinɛ zi'an.

1 Pita 3:4

gee tugum bahɛ ya ti ya nunɔm la bɔna ya puan, ya ana ma'ma, gee tara bããlam sia vom la en de sunsɛka en ka tari ba'ahegɔ, tara tuulum kãtɛ Yinɛ nɛŋan la.

1 Pita 5:5

Bala mɛa, ti yamam bumbile paalehi la me dɛna ya nana ya kiinduma la puan. Ya za'a yɛ sigehe mɛŋa ti a dɛna ya fuo, ya bɔŋa la taaba. Se'ere en sɔi la, “Yinɛ zagehɛ zɛkɛ n mɛŋa daana mɛ, gee bɔ'ɔra sigehe n mɛŋa daana zu'uhegɔ.”

Lilegere 2:23

N wan damɛ a kɔma, ku ba, ti mam lageŋɔ la woo baŋɛ, ti mam en de se'em en mi' puti'ira la suya puan, gee wan bo' nɛra woo a tuuma yɔɔrɛ en nari se'em.