Aluki 12:32 - ZE'ELEGO PAALEGA

³² “Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Farefare Ninkaré

³² «M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm.

Aluki 12:32 ပူးပေါင်းရင်းမြစ်များ

Amatie 14:27

Gee bilam bilam ti Yezu tɔgɛ bo' ba yeti, “Da bahɛ ya ti ya paleŋa ɛgera, la dela mam, da tari ya dabeem.”

Amatie 20:16

Bala, sɛba n tole nɛŋa wan ta yee pooren, ti sɛba n yee pooren wan ta wa'am na tole nɛŋa.”

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 7:15

“Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha.

Aluki 10:21

Sankaŋa mɛa puan, ti Yezu nyɛɛna Fa'a Sia la puan yeti, “N pu'uhɛ ya n Sɔ, saazuo la tiŋa Daana, la fum en sugɛ yele ana wa yɛm la mi'ilum duma, gee tugum lilege a bo' kɔmbilɛɛhi wa. La dela sira n Sɔ, fum zu'uhegɔ la fum sumboolum n de se'em n bala.

Azã 18:36

Ti Yezu lerege en yeti, “Mam sɔ'ɔlum la ka boi timpaberɛ wa zuo. Mam sɔ'ɔlum han boi ni timpaberɛ wa zuo, mam dɔleba wan zaberɛ ni ti Yuuduma wa kan nyɔkɛ ni mam na bo' fum. Gee yelemɛŋerɛ la dela mam sɔ'ɔlum la ka boi timpaberɛ wa zuo.”

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

Tõoma 20:29

Mam mi' ti mam han tole ba'ahɛ, sahi n obere wan wa'am na lagum ya, kan bahɛ piihi la.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

Filipi 2:13

Se'ere en sɔi la, la dela Yinɛ en boi ya puan tuna la ninmu'urɛ, bɔ'ɔra ya paŋa ti ya tana sakera gee tuna bɔ'ɔra a yu'urɛ la.

2 Tesaloniki 1:11

Lan paaɛ ŋwana beene la, tu pu'uheri saŋa woo mɛ bɔ'ɔra ya, suhera ti Yinɛ wan bahɛ ti ya nara la a yi'a la ti a yi' la. A wan doohe a paŋa la puan bahɛ ti ya putɛ'suma la ya sakerɛ tum,

2 Tesaloniki 1:5

Ŋwana en de daalehum bo' Yinɛ tuuntɔɔ gakerɛ la, a maahum ti a bahɛ ti ya nara mɛ la Yinɛ sɔ'ɔlum la, ti ya me namehera bu zuo la.

Hiburuduma 12:28

Bala zuo, tumam en yeti tu to'e sɔ'ɔlum sebo en ka miini la zuo, bahɛ ya ti tu bo' ya Yinɛ fara, doohe la na'ahegɔ kaabegɔ seko taaba en tigɛ nini, ti duma kpa'a, la dabeem bɔna bini.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

2 Pita 1:11

Bala, ya han ita ŋwana, ya kɛ̃'a tu Daana, la tu Faara Yezu Kiresta sɔ'ɔlum la en ka tari ba'ahegɔ la puan, wan yu'ɛ yɔlaam bo' ya.

Lilegere 1:6

gee iŋɛ tɔ ti tu dɛna sɔ'ɔlum, gee dɛna malema duma, tuna bɔ'ɔra a Yinɛ la Sɔ la, eŋa ti na'ahegɔ la kpe'eŋo dɛna a dinɛ wuuha wuuha. Taari.

Lilegere 22:5

Ti yu'uŋɔ kan le bɔna. Nɛreba kan le bɔta bugum bii butolela, bii wuntɛɛŋa. Daana Yinɛ la en wan dɛna ba niihum, ti ba dɛna naduma wuuha ka tara ba'ahegɔ.