Aluki 10:22 - ZE'ELEGO PAALEGA

²² Mam Sɔ dikɛ sɛla woo iŋɛ la mam nu'uhen. Se'em ka mi' Dayua la en de se'em han dagena Sɔ la ma'a, bii se'em mina Sɔ la en de se'em, han dagena Dayua la ma'a, la sɛba ti Dayua la mɛŋa looe ba ti a niiɛ Sɔ la pa'alɛ ba la.”

Farefare Ninkaré

²² «Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Aluki 10:22 ပူးပေါင်းရင်းမြစ်များ

Amatie 11:25

Sankana puan, ti Yezu tɔgɛ yeti, “Mam bo' n Sɔ saazuo la tiŋa za'a Daana, fara fara se'ere zuo, fum dikɛ yele ana sugɛ yɛm la mi'ilum duma mɛ, gee tugum lilege a bo' kɔmbilɛɛhi.

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 28:18

Ti Yezu paaɛ ba na, yele ba yeti, “Paŋa za'a en boi saazuo ha, la timpaberɛ wa zuo dikɛ bo' la mam.

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 10:15

wuu Sɔ la n mi' mam ti mam me mina Sɔ la se'em la. Mam dikɛ n vom mɛ biŋe bo' n piihi la.

Azã 13:3

Ti Yezu n pun mina ti a Sɔ dikɛ sɛla woo iŋɛ la eŋa Yezu nu'uhen, gee me mina ti eŋa ze'ele la Yinɛ zi'an na, gee me lɛbera la Yinɛ zi'an la,

Azã 17:10

Mam bunɔ za'a dela fum bunɔ. ti fum bunɔ dɛna mam bunɔ. Bama puan ti mam nyɛ pɛka.

Azã 17:2

Fum n bo' mam kpe'eŋo ti n sɔna asaala woo, la n dikɛ vomkanba'ahɛ bo' sɛba woo ti fum dikɛ bo' mam la.

Azã 17:26

Mam tɔgɛ fum yu'urɛ la yele pa'alɛ ba, gee wan kelum tɔgɛ de yele pa'alɛ ba, ti nɔŋerɛ se'ere ti fum nɔŋɛ mam la wan bɔna ba puan, ti mam me bɔna la ba.”

Azã 17:5

Bala nananawa n Sɔ, bahɛ ti n nyɛ pɛka fum nɛŋan. Pɛka sɛka ti n daa pun tara fum nɛŋan gee ti timpaberɛ wa baŋɛ naam la.

Azã 3:35

Sɔ la nɔŋɛ dayua la mɛ, gee dikɛ sɛla woo iŋɛ a nu'uhen.

1 Korẽntɩ 15:24

Gee ti ba'ahegɔ la nyaa wa'am na, Kiresta han ta dikɛ sɔ'ɔlum la bo' Yinɛ en de Sɔ la, bala ma'a ti a pun sagum bihereba woo, la kpe'eŋo woo, la paŋa woo en zaberɛ la Yinɛ mɛ.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Efɛɛzɩ 1:21

ti a gana bihereba za'a, kpe'eŋo la pahi za'a, la na'am woo n boi, gee gana yu'ura woo en tabelɛ sigɛ, dagi la zina buuri saŋa wa puan ma'a, gee buuri saŋa se'ehi woo en kini na la.

Hiburuduma 2:8

dikɛ sɛla woo biŋe a nama tiŋa.” Yinɛ en dikɛ sɛla woo biŋe a nama tiŋa la, a ka gee sɛla bahɛ ti la ka bɔna a nu'uhen. Gee lan de se'em la dela, tu nan ka nyɛ ti sɛla woo bɔna a nu'uhen,

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

2 Zã 1:9

Se'em woo en ka dole Kiresta pa'alegɔ la gee zɔɛ ku, ka tari Yinɛ a puan. Se'em woo en dole pa'alegɔ la, gee bɔna ku puan, tari Sɔ la mɛ, la Dayua la mɛ a puan.