Aluki 1:32 - ZE'ELEGO PAALEGA

³² Ka yeti ka ta dɛna la nɛre kãtɛ, ti ba yi'ira en Gani za'a Yinɛ wa Dayua. Daana la en de Yinɛ la, wan dikɛ ka sɔyaaba Deviti na'amkuka la bo' en.

Farefare Ninkaré

³² A wʋn dɛna la nẽr-keko. La ba wʋn wi'ira ẽ tɩ, Nawẽnnɛ n gãnnɩ wuu Bia. La Zuudãana Nawẽnnɛ wʋn bɔ ẽ a yaaba Adavidi na'am,

Aluki 1:32 ပူးပေါင်းရင်းမြစ်များ

Amatie 1:1

Gulehegɔ wa dela tuuhum en de Yezu Kiresta en Deviti dayua, Aberaham dayua la.

Amatie 12:42

Tiŋanuurɛ pɔgenaba la, gakerɛ daarɛ wan ta ihege la zina beere nɛreba wa tɔgɛ lubɛ ba. Se'ere en sɔi la, a yuum ze'ele la zi'an en zaaɛ wa'am na ti a kelehe Solomɔn yɛm la. Nyaa Bihɛ ya, se'em en gani Solomɔn n ŋwana.

Amatie 28:18

Ti Yezu paaɛ ba na, yele ba yeti, “Paŋa za'a en boi saazuo ha, la timpaberɛ wa zuo dikɛ bo' la mam.

Amatie 3:11

“Mam sɔɔri ya mɛ la ko'om wa, ti la pa'alɛ ti ya tee ya puti'ira ya be'em puan. Gee se'em en bi'ihɛ gani mam boi mam pooren kina na. Mam pun ka seke ti n zãla a tagera. Eŋa wan sɔ ya mɛ la Fa'a Sia la, la bugum.

Amarkɩ 14:61

Ti Yezu sina, ka yɛta se'ere. Ti malema nɛŋadaana la le soke n yeti, “Fum en de Kiresta la? Fum en de sum za'a daana Dayua la?”

Amarkɩ 5:7

Gee kaahɛ supi yeti, “Yezu, gaŋɛ za'a daana Dayua wa, fum tara la deni la mam? N dikɛ la Yinɛ bɛlena fum, ti fum da sagum mam.”

Aluki 1:15

se'ere en sɔi la, ka yeti ka dɛna la nɛre kãtɛ, Daana la zi'an. Ka da makɛ nyu daam bii sɛla en kpe'em. Ba ta dɔgera ka la, ti ka pun pirɛ mɛ la Fa'a Sia la.

Aluki 1:35

Ti Suŋera la yele en yeti, “Fa'a Sia la wan sige fum zuo, ti Gani Za'a Daana paŋa pi' fum. Bala zuo, bia la ti fum yeti fum dɔgɛ la wan dɛna la Fa'a. Ba wan yi'ira ka la Yinɛ Dayua.

Aluki 1:76

Gee fum bia wa, fum yu'urɛ wan yi'ira la Gaŋɛ Za'a Daana la Nɔtɔgeha. Se'ere en sɔi la, fum en wan diŋɛ Daana la nɛŋa maalɛ a sɔya la biŋe en,

Aluki 3:16

Ti Yɔn lerege ba za'a yeti, “Mam sɔɔri ya mɛ la ko'om wa, gee se'em en kpe'em gana mam kini na, mam ka nari n pun lorege a tagera mi'a. Eŋa wan sɔ ya mɛ la Fa'a Sia, la bugum.

Aluki 6:35

Gee nɔŋɛ ya dinduma, iti ya sum, gee bɔ'ɔra, gee da ti'ihɛ ya ti ya lebehe to'e sɛla. Ya yɔɔrɛ wan dɛna yɔkãtɛ, gee ti ya dɛna Gaŋɛ za'a Yinɛ wa kɔma. Se'ere en sɔi la, Yinɛ iti sum bɔ'ɔra sɛba en ka nane sɛla la putɔpa mɛ.

Azã 12:34

Ti nɛrekuuŋɔ la lebehe en yeti‘, “Tumam wum nɔze'elego gɔŋɔ la puan ti la yeti, Kiresta la wan bɔna la wuuha kan ki. Wani ti fum yɛta yeti, Ba wan ta zɛkɛ asaala dayua la saazuo? Ani n de asaala dayua wa?”

Azã 6:69

Tumam nam mɛ, gee mina ti fum en de FA'A Daana ze'ele Yinɛ.”

Tõoma 16:17

Pugela wa n dole Pɔɔl la tumam la, ka ni ta kaahɛ mɛ bahɛ na yeti, “Nɛrebana wa dela Gaŋɛ za'a Yinɛ la Yamehi, muula faarɛ sore la bɔ'ɔra ya.”

Tõoma 2:30

Se'em ma'a ti a dina nɔtɔgeha la, ti a pun mina mɛ ti Yinɛ pɔ mɛ la pɔtɛ ti a wan bahɛ ti a yaaŋa kayima ta wa'am na sooe zi'ire na'am kuka la zuo.

Tõoma 2:36

Bala zuo la, Izirale yire za'a, mina ya suŋa ti Yinɛ n iŋɛ en ti a dɛna Daana la Kiresta. Yezu sɛka ti ya kpa' la.

Tõoma 7:48

Gee Gaŋɛ Za'a Daana wa ka ki'ire yiya ti saaleba nu'uhi mɛ puan, wuu nɔtɔgeha la n yele se'em la.

Aromduma 1:4

Doohe tuuntɔɔ sia puan, ba looe en mɛ ti a dɛna Yinɛ dayua, la paŋa, doohe en ihege a kum puan la, Ena daana dela Yezu Kiresta, tu Daana la.

Lilegere 3:7

“Suŋera se'em en boi Filadelefiya tiŋa lageŋɔ la puan la ti n guleha bɔ'ɔra. Yetɔgebuna ze'ele la Fa'a daana la, se'em en de yelemɛŋerɛ daana la, zi'an na. Se'em en tari Deviti yire kparehega la, Se'em en yu'ɛ ti se'em ka bɔna yu'ura la, Se'em en yu' ti se'em ka bɔna wan yu'ɛ la.