2 Timoti 4:8 - ZE'ELEGO PAALEGA

⁸ Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Farefare Ninkaré

⁸ Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

2 Timoti 4:8 ပူးပေါင်းရင်းမြစ်များ

Amatie 24:36

“Gee han dɛna dabeherɛ la, la saŋa la, nɛra nɛra ka mi', Suŋereba en boi saazuo ka mi', [bii dayua la diimen diimen gulehɛgɔ tuseto ka tari ka'lam], gee Sɔ la ma'a en mi'.

Amatie 7:22

De daarɛ, nɛreba zo'e zo'e wan yele mam yeti, ‘N Daana, N Daana, dagi fum yu'urɛ ti tumam daa tara muula yelefum la, gee sa'aha kulekpa'bɛ'ɛhi, gee tuna tuunkãra yima yima la la fum yu'urɛ puan?’

Aluki 10:12

N yeti ya mɛ wa, ti dabeherɛ la daarɛ, la wan ana ma'ma' bo' Sodom nyana tihi sina taaba.

Aromduma 2:5

Gee fum sukãberɛ la, la fum n ka malum tɛɛra lagehɛ la sunsunyiim pagela fum zuo, gura sunsunyiim dabeherɛ la ti Yinɛ tuuntɔɔ gakerɛ la wan niiɛ fum zuo na.

Aromduma 8:23

Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

1 Korẽntɩ 2:9

Gee wuu lan gulehɛ se'em yeti, “Sɛla ti niho ka tabelɛ nyɛ, bii tuberɛ wum, bii asaala suure tabelɛ bɔkɛ dɛ, Sɛla ti Yinɛ maahum biŋe sɛba en nɔŋɛ en la” —

1 Korẽntɩ 3:13

mɛta woo tuunɛ wan ta niiɛ na, se'ere en sɔi la, dabeherɛ la daarɛ wan niiɛ dɛ na, beni zuo, bugum en wan ta bahɛ ti de niiɛ na, bugum la wan magehɛ tuunse'ere taaba ti nɛra woo tum la bihɛ.

1 Korẽntɩ 9:25

Zɔteba kpemehere ba mɛhi la ba tana ba mɛhi tara sɛla woo puan. Ba iti dina wa ti ba to'e la muŋa sɛka en ta' Sagena, gee tumam dela muŋa sɛka en ka ta' sageni.

2 Korẽntɩ 5:2

Se'ere en sɔi la, tu tiŋa zuo sugerɛ wa ti tu bɔna de puan tu uheri mɛ la ninmu'urɛ, kɔ'ɔm boti ni ti tu yɛ ni tu saazuo fuo la.

Filipi 3:11

wuu ma beere puti'irɛ en de n ti Yinɛ wan ta ihege mam kum puan la.

Kolɔsɩ 1:5

beere putɛ'se'ere en boi saazuo gura ya la zuo. Ya pun tabelɛ wum beere putɛ' dina wa yele mɛ, gee baŋɛ wum yelemɛŋerɛ yelehum en de faarɛ yelehum la,

1 Tesaloniki 1:10

gee gura a Dayua la en wan ze'ele saazuo na la, se'em ti a ihege en kum puan la. Yezu, se'em en faaɛ tɔ Yinɛ sunsunyiim sebo en kini na la.

1 Tesaloniki 5:4

Gee yamam n suurɔ, ya ka boi lika puan, ti de daarɛ la ta iŋɛ ya pakerɛ wuu nageyiga la.

2 Tesaloniki 2:8

Bala ma'a ti se'em daana en ka kihi yele wa nyaa wan niiɛ a mɛŋa na, se'em ti Daana Yezu wan sagum en la a nuurɛ sabeeo, diihe en vi doohe a lɛbega la puan na.

1 Timoti 6:19

Ŋwana ti ba wan ka'aha lɔgeseto en wan bo' ba beere ɛ̃berɛ sunɛ la biŋera saazuo ha, la ba beere tara vom sebo en sirum de vom la.

2 Timoti 1:10

gee de nyaa niiɛ mɛ na, doohe tu Faara Kiresta Yezu niirɛ na la puan, se'em en wa'am na sagum kum paŋa, gee tari vom la sɛla en ka kiiri, ti la niiɛ peelumen na, doohe faarɛ yelehum la puan.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

2 Timoti 1:18

Daana la bahɛ ti a ta nyɛ nimbɔ'zɔrɛ Daana la zi'an de daarɛ. Fum me mi' en tum zo'e se'em Ɛfisu puan.

2 Timoti 2:5

Gee mina en zoti puan, nɛra ka boi zɔta dita mi'a gee ka zɔ doohe zua ze'elego la.

2 Timoti 4:1

Yinɛ, la Kiresta Yezu nɛŋan, se'em en wan gakɛ vɔpa la ki'induma la, la a lɛbega na, la a sɔ'ɔlum la zuo, n kageri fum mɛ la ninmu'urɛ.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 12:11

Tube dɔlegerɛ woo tɔi mɛ, gee la nyani nyɛlum en wan bɔna saŋa fii wa. Ba'ahegɔ za'a, tube-dɔlegerɛ la ni tari la suma'ahum wala sɛ'a en de tuuntɔɔ vom bɔ'ɔra sɛba ti tube-dɔlegerɛ bi'ihɛ ba la.

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

1 Pita 1:4

A yi ya mɛ ti ya to'e lɔgerɔ seto en ka sageni, ka galum, ka kuregera, en maahum biŋe saazuo ha gura ya.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 19:11

Ti mam nyɛ ti tinsuŋan yu'ɛ, ti mam yeti n bihɛ, ti yepɛɛlega en ze bini! Ti se'em en ba' bɔ la yu'urɛ yi'ira Sakerɛ la Yelemɛŋerɛ, a tari la tuntɔɔnɛ gakera nɛreba, gee zabera.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 22:20

Se'em daana en nyɛ yele ana wa la yeti, “Yelemɛŋerɛ, n kini la kalam kalam na.” Taari, wa'am na Daana Yezu.

Lilegere 4:10

Kiinduma pihiyi la banaahi la ni lu la aliko, se'em daana en zi' na'am kuka kãtɛ la zuo la nɛŋan, na'aha eŋa se'em daana en boi wuuha wuuha la. Ba ni vugehe ba muhi la lobe la na'am kuka kãtɛ la nɛŋan, gee yuuna yeti,

Lilegere 4:4

Ti sɛla en ze' kaaɛ na'am kuka kãtɛ wa mum, dela na'am kugehi pihiyi' la sinaahi, ti sɛba en zi' na'am kugehi sina wa zuto dɛna kiinduma pihiyi' la banaahi en bagɛ la na'am fupɛɛla, ti salema muhi vuga ba zuto.