2 Timoti 4:10 - ZE'ELEGO PAALEGA

¹⁰ se'ere en sɔi la, Demase en nɔŋɛ zina beere tiŋa wa la, bahɛ mam gee kiŋɛ la Tɛsalonika tiŋa. Gee Kiresensi kiŋɛ Galatia, ti Taitusi me kiŋɛ Dalematiya tiŋa.

Farefare Ninkaré

¹⁰ Se'ere n soe la, Ademasɩ basɛ mam mɛ dee sẽŋɛ Tesaloniki, ẽn nõŋɛ dũnia wã bõn-yooro la ĩyã. La Akresãnsɩ sẽŋɛ la Galatɩ, tɩ Atiti mẽ sẽŋɛ Dalmatɩ,

2 Timoti 4:10 ပူးပေါင်းရင်းမြစ်များ

Amatie 12:32

Se'em woo en tɔgɛ se'ere pɔ'ɛ Asaala Dayua wa, wan nyɛ sugeri dia, gee se'em woo en tɔgɛ se'ere pɔ'ɛ Fa'a Sia la kan malum nyɛ sugeri dia, zina bii beere.

Amatie 26:56

Gee yele ana za'a tum ti, nɔtɔgeheba gulehɛgɔ la n wa'am yelemɛŋerɛ na.” Bilam ti a zahereba la za'a bahɛ en gee zɔ.

Aluki 14:33

Bala zuo, ya se'em kan ta'am dɛna mam zahera han dagena ya zagehɛ la sɛla woo.

Aluki 16:13

Yameŋa ka boi wan ta'am tuna bɔ'ɔra kpɛ'ɛnduma bayi'. Yameŋa la wan ba'ahum yaaɛ ayima, gee nɔŋɛ ayima, bii a kaabɛ a mɛŋa bo' ayima, gee bahɛ ayima. Fum kan ta'am tuna bɔ'ɔra Yinɛ, gee tuna bɔ'ɔra ligeri.”

Aluki 17:32

Tɛri ya Lɔti pɔga la.

Tõoma 13:13

Ti Pɔɔl la a tuntuna tadaana wa zom uureŋɔ Pafose wa'am na paaɛ Piga en boi Pamfiliya puan. Gee Yɔn bahɛ ba mɛ gee lebe Yerusalɛm,

Tõoma 15:38

Gee Pɔɔl ku a puti'irɛ mɛ ti ba kan bahɛ ti se'em n tabelɛ zagehɛ ba Pamfiliya gee ka doohe ba kiŋɛ tuni la doohe ba.

Tõoma 16:6

Ti ba doohe Firigiya la Galatia sɔ'ɔlum la puan za'a kaaɛ, doohe la Fa'a Sia la n ka bo' ba sore ti ba muulɛ yelehum la Esiya tiŋa puan la zuo.

Tõoma 17:1

Pɔɔl la Silase n wa'am na gaŋɛ Amfipolisi la Apolonia tihi tole la, ba wa'am na paaɛ la Tɛsalonika, zi'an ti Yuuduma zamehegɔ yire bɔna bini.

Tõoma 17:11

Yuuduma bana to'e ba gana Yuuduma sɛba n boi Tɛsalonika puan la mɛ, se'ere n sɔi la, ba to'e yelehum la ti ba muulɛ bo' ba la mɛ la ninmu'urɛ, gee viihɛ gulehegɔ la puan daarɛ woo ti ba bihɛ nyaa yɛla la ani la bala bini.

Tõoma 17:13

Gee Yuuduma sɛba n boi Tɛsalonika la n ta wum ti Pɔɔl le muulɛ yelehum la me, ba ɛ Beroya tiŋa puan mɛ, ti ba ihege wa'am bilam me na, ti ba gbirege gee tu'ule nɛrekuuŋɔ la.

Tõoma 18:23

En kɛ̃ bilam yuue fii wa la, a bahɛ bilam mɛ gee dɔla kaara tihi la n boi Galatia la Firigiya sɔ'ɔlum puan la, kpɛmeha zahereba la za'a en boi bini la.

2 Korẽntɩ 2:13

gee mam puti'irɛ daa ka gã'arɛ, se'ere n sɔi la, n ka nyɛ n suuɔ Taitusi bini. Bala ti mam keehe ba, gee kiŋɛ Masedoniya.

2 Korẽntɩ 7:6

Gee Yinɛ, se'em n bugelɛ se'em suure n sagum la, bugelɛ tu suya mɛ la Taitusi paaɛ na.

2 Korẽntɩ 8:16

Gee fara bo'ori la Yinɛ, se'em n kalum Taitusi suure, ti a nini mu'ɛ la ya wuu mam mɛŋa nini en mu'ɛ la ya se'em la.

2 Korẽntɩ 8:23

Han dɛna Taitusi, eŋa dela mam zɔ la mam tuntuna tadaana ya tuuma la puan, gee han dɛna tu suurɔ seto en dole la, bamam dela lageŋɔ la bitunehi, ti Kiresta nyɛta pɛka.

2 Korẽntɩ 8:6

ti tu ta'am tɔgɛ la Taitusi yeti, wuu eŋa n pun pɔhɛ la, a kɔ'ɔm ba'ahɛ pupeelum bo'olum tuunɛ wa ti ya dikɛ wa.

Galatɩ 1:2

la lageŋɔ nɛreba la za'a en boi la mam ka'lam la en guleheri bɔ'ɔra yamam Galatia timpaberɛ Lageŋɔ la za'a na.

Filipi 2:21

Se'ere en sɔi la, bana la za'a eere la ba mɛhi ma'a sum yele, dagi Yezu Kiresta yelehum la sum yele.

1 Timoti 6:10

Se'ere en sɔi la, ligeri nɔŋerɛ en de be'em woo nyɛgerɛ, ti ban mu'ɛ nini ti ba tara la zuo, basɛba zagehɛ sakerɛ la mɛ, lu' ba mɛhi la wuŋerɛ zo'e zo'e.

1 Timoti 6:17

Han dɛna zina beere buntateba wa, ka'am ba ti ba da pa'ala ba mɛhi, bii ba dikɛ ba puti'irɛ delum sɛla en kan bɔna wuuha, gee ba tugum dɛla Yinɛ, se'em en bo'ori tu sɛla woo zo'e zo'e ti tu dita la pupeelum.

2 Timoti 1:15

Fum mi' ti sɛba woo en boi Esiya tiŋa la zagehɛ mam mɛ, bamam basɛba dela, Figeluse la Hɛmogenese.

2 Timoti 4:16

Mam wa kiŋɛ yia ti n tɔgɛ n nuurɛ la, nɛra daa ka ze'ele ti a suŋɛ mam, gee ba za'a zagehɛ mam mɛ. Yinɛ bahɛ ba taalɛ bo' ba.

Taitusi 1:4

Mam en guleheri bɔ'ɔra fum Taitusi en de mam sunɔŋerɛ dayua, sakerɛ se'ere ti tu lagum dɔla la puan. Zu'uhegɔ la suma'ahum en ze'ele Yinɛ en de Sɔ la, la Kiresta Yezu en de tu Faara la bɔna la ya.

Afilmõ 1:24

bala mɛa ti Maki, Aristakuse, Demase la Luki, n tuntuna tadaanduma la me pu'uhi fum na.

2 Pita 2:15

Ba bahɛ tuuntɔɔ sore la mɛ gee tuuna, dɔla Balaam, Boso dayua la sore la, se'em en nɔŋɛ be'em yɔɔrɛ,