2 Timoti 2:15 - ZE'ELEGO PAALEGA

¹⁵ Kpeŋe fum mɛŋa la fum kaabɛ fum mɛŋa suŋa bo' Yinɛ wuu se'em ti Yinɛ mɛŋa nam la. Tuntuna sɛka en ka de a zɔta valum, pa'ala yelemɛŋerɛ yelehum la tuuntɔɔ.

Farefare Ninkaré

¹⁵ Nargɛ pãŋa dɛna nẽra n paagɛ Nawẽnnɛ yɛm, la fʋ dɛna tõntõnna n ka zotɩ yãnnɛ la a tõoma, dee mõola sɩra kõ-yẽlga la lan masɛ se'em.

2 Timoti 2:15 ပူးပေါင်းရင်းမြစ်များ

Amatie 13:52

Ti a yele ba yeti, “Bala zuo, gɔnmina se'em woo en zamehɛ mina saazuo sɔ'ɔlum wa yɛla ani wuu Yidaana en gbɛ'ɛri lɔgepaala la lɔgekɛgehi a lɔgerɔ puan yɛhera na la.”

Amarkɩ 4:33

A dikɛ la mageha kãra ana tɔgɛ yelehum la bo' nɛreba la. Ban wuni a se'em, ba wum.

Aluki 12:42

Ti Daana la yeti, “Ani n nyaa de yameŋa n tari yɛm, gee mina tuuma, ti ka kpɛ'ɛma dikɛ Da'aba la woo iŋɛ a nu'uhen, ti a bɔ'ɔra ba dia ligeri de saŋa?

Tõoma 2:22

“Yamam sɛba n de Izirale buuri wa, kelehe ya mam n tari se'ere ti n yele wa. Yezu n de Nazareti buraa la, dela buraa n tari tuunɛ ti Yinɛ pun maahum en, gee tum daalehum a puan doohe paŋa, nyalema la daalehum ya tiŋasuka, ti la niiɛ pa'alɛ ya ti Yinɛ n sirum looe en wuu ya mɛhi n mi' se'em la,

Tõoma 20:27

se'ere n sɔi la, mam daa ka zagehɛ ti n yele la ninmu'urɛ, Yinɛ puti'irɛ za'a n de se'ere.

Aromduma 14:18

Se'em woo en tuni dɔla sadɔɔ kuna bɔ'ɔra Kiresta, Yinɛ nini tigɛ la a daana mɛ, ti saaleba me to'e en .

Aromduma 16:10

Pu'uhɛ ya Apeles, se'em tuuma n tigɛ Kiresta nini. Pu'uhɛ ya Aristabulus yire duma la.

Aromduma 6:13

Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

1 Korẽntɩ 2:6

Gee la bala za'a, sɛba en bi'ɛ sakerɛ puan la, ti tari yɛm tɔgera mɛ, gee dagi zina beere yɛm wa puan, bii pahi se'ehi en sɔi zina beere wa biha, gã'a gura sageŋɔ paaɛ si wa.

2 Korẽntɩ 10:18

Se'ere en sɔi la, dagi sɛba en pɛgeri ba mɛhi ti Yinɛ to'e ba, gee sɛba ti Yinɛ mɛŋa pɛgera la.

2 Korẽntɩ 3:6

Yinɛ en de se'em en iŋɛ tumam ti tu dɛna tuntuneba a nɔpu'ulepaalɛ la puan, dagi la pa'alegɔ yoo puan, gee Sia la puan. Se'ere en sɔi la, pa'alegɔ yoo la kuuri mɛ, gee Sia la bo'ori la vom.

2 Korẽntɩ 4:2

Tumam zagehɛ nyanɛ tuunsɛ'a ti se'em sugera la mɛ. Tumam zagehɛ mɛ ti tu kan tuna pã'ahegɔ tuuma bii tu burum Yinɛ yelehum la. Gee tumam kɔ'ɔm tɔgera la yelehum la yelemɛŋerɛ, nɛrawoo nɛŋan la Yinɛ nɛŋan.

2 Korẽntɩ 5:9

Bala, tu bɔna inganɛ wa puan, la tu ka boi inganɛ wa puan, tumam lu' tu suya ti tu tigɛ la a nini.

Galatɩ 1:10

Nananawa, mam nyaa eere la saaleba sakɛ bo' mam yoi? Bii n eere la Yinɛ sakɛ bo' mam? Bii n tugum nyaa zigera ti n pee la saaleba puya? Mam han kelum dole ni la n pɛɛra saaleba puya, mam kan deni Kiresta yameŋa.

Efɛɛzɩ 1:13

Eŋa puan ti yamam me en wum yelemɛŋerɛ yelehum la en de ya faarɛ yelehum la, me daa nam en, ti ba di'e ya la daalehum sebo en de Fa'a Sia la ti Yinɛ biŋe nuurɛ ti a wan bo' la.

1 Tesaloniki 2:4

gee wuu Yinɛ en bihɛ nam tɔ ti a dikɛ faarɛ yelehum wa iŋɛ tu nu'uhen se'em la, bala ti tumam ka tɔgera ti tu pee saaleba suya, gee tu pee Yinɛ suure, se'em en makere tu suya bihɛ la.

1 Tesaloniki 5:14

Tu yeti ya mɛ la ninmu'urɛ tu suurɔ, ti ya ka'ana sɛba en iti bura bura la, la ninmu'urɛ, gee kpɛmeha sɛba puti'ira en kɔ'ɛ la. Suŋeri ya tarenduma, tari ya sugeri bɔ'ɔra ba za'a.

1 Timoti 4:6

Fum han dikɛ pa'ali kuna biŋe suurɔ la nɛŋan, fum wan dɛna Kiresta Yezu tuntuna suŋa, se'em n tigehɛ a mɛŋa la yelehum sebo en bo'ori sakerɛ la, la pa'ali suŋɔ seko ti fum dɔla wa la.

Hiburuduma 4:11

Bala, bahɛ ya ti tu tiregɛ ya suŋa suŋa la tu ta'am kɛ̃ vo'ohego wa puan, ti se'em da bɔna ya puan lu doohe ka nam wuu bamam en yuum ka nam se'em la.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Yemesi 1:18

Doohe a mɛŋa puti'irɛ en de se'em la zuo, a dɔgɛ tu mɛ doohe a yelemɛŋerɛ yelehum la puan, ti tu dɛna wala diina a naaŋɔ la puan.

2 Pita 1:10

Ŋwana zuo, n suurɔ, kɔ'ɔm mu'ɛ ya nini ti ya pa'alɛ, ti Yinɛ en yi' ya gee looe ya. Se'ere en sɔi la, ya han ita yele ana, ya kan malum sɛregɛ.

2 Pita 1:15

N me wan kpeŋe n mɛŋa sadɔɔ seko woo puan, ti n han ta bahɛ timpaberɛ wa zuo, ya wan ta'am tiiha yele ana wa, sansɛka woo puan.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,