2 Timoti 2:10 - ZE'ELEGO PAALEGA

¹⁰ Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

Farefare Ninkaré

¹⁰ Bɛla ĩyã tɩ mam mõrgɛ wĩbra sɛla woo pʋam Nawẽnnɛ nẽrba la tɩ a looge la ĩyã, tɩ ba mẽ yẽ fãarɛ Azezi-krisi ĩyã, dee po yẽ nã'asgɔ n ka ba'asrɩ.

2 Timoti 2:10 ပူးပေါင်းရင်းမြစ်များ

Amatie 24:22

Yinɛ han ka ŋmaaɛ dabeha aŋa la girego bahɛ, nɛra ka bu n wan nyɛ faarɛ. Gee sɛba ti Yinɛ looe la zuo, a wan ŋmaaɛ dabeha aŋa girega girega.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 24:31

Tintanɛ wan ta peebe paŋa paŋa, ti a yi' a suŋereba tum ba ti ba doohe tiŋa wa luga anaahi la za'a lagehɛ sɛba ti a pun looe, ze'ele lugerɛ deyima ta paaɛ lugerɛ deyima.

Aluki 18:7

Gee Yinɛ en tugum kan bo' sɛba ti a mɛŋa looe la en kaahi bɔ'ɔra en bulika la yu'uŋɔ la? A wan yuue mɛ gee suŋɛ ba yoi?

Aluki 22:57

Ti Pita ki'ihɛ yeti, “Pɔka wa, mam ka mi' en.”

Azã 11:52

dagi bamam timpaberɛ la ma'a, gee ba lagehɛ sɛba woo n de Yinɛ kɔma, yiregɛ la wa'am bɔbeyinɛ na.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 17:9

Mam pu'uhi bɔ'ɔra la bamam, Gee mam ka pu'uhi bɔ'ɔra timpaberɛ wa zuo nɛreba. Mam pu'uhi bɔ'ɔra la sɛba ti fum dikɛ bo' mam, ban de fum dinɛ la zuo.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

Aromduma 9:23

Gee ŋwani, a han le iŋɛ bala ti a pa'alɛ a suŋa bo' sɛba en de a zɔ ba nimbu'ɔ la, sɛba ti a pun maahum biŋe a ti a pa'alɛ ba a suŋa kãtɛ la,

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

1 Korẽntɩ 9:22

Sɛba en tari tɔregɔ, mam ni lebege la tɔregɔ daana, ti n ta'am tee tɔregɔ duma la. Mam lebege la sɛla woo bo' nɛra woo ti sadɔseko woo puan, n ta'am faaɛ basɛba.

2 Korẽntɩ 1:6

Tumam han nyɛta namehegɔ, la dela yamam sumbugehum la ya faarɛ zuo. Tu han nyɛta sumbugehum, la dela yamam sumbugehum, sebo ti ya nyɛ doohe yan ma'ɛ ya mɛhi, gee ŋmibera namehegɔ seko ti tumam namehera ku puan la.

2 Korẽntɩ 12:15

Mam wan yuregɛ n lɔgerɔ la pupeelum, gee bahɛ ti ba yuregɛ mam mɛŋa pa'ahɛ bo' ya. Mam han nɔŋɛ ya zo'e ŋwana, yamam dela ya nɔŋɛ mam fii yoi?

2 Korẽntɩ 4:15

Yelemɛŋerɛ, sɛla woo dela yamam zuo, ti zu'uhegɔ la, n pa'aherɛ se'em la paaɛ nɛreba zo'e zo'e, ti pɛka malum zo'e pa'ahɛ ti Yinɛ yu'urɛ nyɛ pɛka.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

Efɛɛzɩ 3:13

Bala zuo, mam pu'uhɛ bɔ'ɔra ya mɛ, ti ya puti'irɛ da kɔ'ɔhɛ mam nameheri se'em ya zuo wa. Ba dela ya sum.

Kolɔsɩ 1:24

Nananawa, mam nyɛɛni mɛ n namehegɔ la puan yamam zuo, mam inganɛ wa puan, bahɛ ya ti n yele de ŋwana yeti, mam ba'aheri la namehegɔ seko en gee Kiresta namehegɔ la puan, a iŋa la en de lageŋɔ la zuo.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

1 Tesaloniki 5:9

Se'ere en sɔi la, Yinɛ ka maahum tu ba'ahegɔ zi'an bahɛ la sunsunyiim puan, gee tu nyɛ faarɛ doohe tu Daana Yezu Kiresta puan,

2 Tesaloniki 2:14

Dina zuo, ti a yi' ya doohe tumam n muulɛ faarɛ yelehum la bo' ya la, ti ya ta'am tara tu Daana Yezu Kiresta suŋa la.

2 Timoti 1:1

Pɔɔl, Kiresta Yezu tuntuna, Yinɛ suboolum puan, doohe nɔbiŋere la en biŋe doohe vom sebo en boi Kiresta Yezu puan la zuo.

2 Timoti 2:1

Nananawa, fum n bia wa, kpe'em mɛ la zu'uhegɔ seko en boi Kiresta Yezu puan la,

2 Timoti 2:3

Lagum nameha wuu fum de Kiresta Yezu pɛntiira suŋa la.

Taitusi 1:1

Mam Pɔɔl en de Yinɛ da'aberɛ, gee dɛna Yezu Kiresta tuntuna, sɛba ti Yinɛ looe la sakerɛ la zuo, la yelemɛŋerɛ mi'ilum sebo en dole Yinɛ zoolum la,

1 Pita 2:10

Ya daa nan ka de a nɛreba, gee nananawa, ya dela Yinɛ nɛreba. Ya daa nan ka to'e nimbɔ'zɔrɛ, gee nananawa, ya to'e nimbɔ'zɔrɛ.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.