2 Tesaloniki 3:2 - ZE'ELEGO PAALEGA

² gee ti tumam me piiɛ putɔpa, la nɛre ŋmɛlema duma nu'uhen. Se'ere en sɔi la, dagi nɛra woo en tari sakerɛ.

Farefare Ninkaré

² Ken sose-ya ẽ tɩ a fãagɛ tɔ la nẽr-wẽensɩ, la nẽr-bɛ'ɛsɩ, se'ere n soe la, la dagɩ nẽrba wuu n sakɛ Nawẽnnɛ kõ-yẽlga la.

2 Tesaloniki 3:2 ပူးပေါင်းရင်းမြစ်များ

Amatie 17:17

Ti Yezu lerege yeti, “Yamam akatare sakerɛ, la ŋmɛlema buuri wa, mam yeti n bɔna la ya yuue la ŋwani? Mam yeti n ŋmibe la ya ta paaɛ la ŋwani? Tari ya en wa'am ka'lam na bo' mam.”

Amatie 23:23

Yele boi ya zuo, yamam gɔnmi'ineba la Farasiiduma wa, birekɔgenduma wa. Se'ere en sɔi la, ya bo'ori ya pia pia bo'olum pun ta ta' la ziirɔ ti ya yɔ' ti ya dugɛ, la ya zɛsaala za'a, la yele-pigehi pigehi gee tum bahɛ yelekãra sɛ'a en boi nɔze'elego puan dɛna buurɔ, nimbɔ'zɔrɛ la sakerɛ. Yele ana en de ni ya ita gee da bahɛ yele pigehi la me.

Aluki 18:8

N yele ya ti, Yinɛ kan gu'um, a wan kabelɛ bo' ba buurɔ. Gee la bala za'a, Asaala Dayua wa han ta wa'am na, a wan nyɛ sakerɛ duma tiŋa wa zuo?”

Tõoma 13:45

Gee Yuuduma la n nyɛ nɛrekuuŋɔ la, nyuure n kɛ̃ ba, ti ba pɔhɛ tuura, gee zɛregera Pɔɔl n tɔgɛ se'em la.

Tõoma 13:50

Gee Yuuduma la doohe mɛ dɔrɛ pɔge se'ehi en kaabɛ si mɛhi bo' pu'uhegɔ la, mina si nɛŋa si poore la, la buraahi se'ehi n de zuto duma tiŋa la puan la, ti ba gbirege Pɔɔl la Banabase, sa'ɛ ba yehe tiŋa la puan.

Tõoma 14:2

Gee Yuuduma sɛba n ka nam yelehum la dɔrɛ sɛba n dagi Yuda buuri la, tu'ule ba puti'ira la suurɔ la.

Tõoma 17:5

Gee nyuure n kɛ̃ Yuuduma la basɛba, ti ba me nyɛ nɛreyaalehi sise'ehi n boi da'a, ti ba pa' ba poore, ti ba nyaa lagehɛ taaba bahɛ ti gbiregeri kãtɛ sige tiŋa la puan. Ban eere Pɔɔl la Silase ti ba tari ba na ze'ele nɛrekuuŋɔ tiŋasuka la, ba kiŋɛ ta zabɛ mɛ la Yason yire.

Tõoma 25:27

Se'ere n sɔi la, la ka tari vuurɛ ti fum dikɛ nɛra n boi paka deen ta'aha zi'an gee ka pa'alɛ a tuure n de se'ere.”

Tõoma 28:24

Ti basɛba sakɛ doohe la Pɔɔl n yele se'em la, gee basɛba me zagehɛ ti bamam kan nam.

Aromduma 10:16

Gee dagi nɛra woo en nam bo' faarɛ yelehum la. Se'ere en sɔi la, Azaaya yeti, “Daana, ani en nam tu yelehum wa?”

Aromduma 15:31

ti n piiɛ sɛba en ka nam Yudiya puan la nu'uhen, gee ti n tuunɛ Yerusalɛm puan la me, nɛresunduma la wan to'e bu.

1 Korẽntɩ 15:32

La han yeen dɛna la mam puti'irɛ boi la nɛresaala vom wa ma'a puan zuo, ti mam ta zabera la nɛreba en ani wuu muuen duhi Ɛfisu, beni nyuurɔ ti n wan nyɛ ni de puan? La han dɛna ti sɛba n ki la ka vo'ore, “Yi bahɛ ya ti tu dita gee nyuura, se'ere n sɔi la, beere ŋwana ma'a ti tu ki ya.”

1 Tesaloniki 2:18

Se'ere en sɔi la, tu ba' boti ni ti tu wa'am ya zi'an me na. Yelemɛŋerɛ, mam Pɔɔl kɔ'ɔm boti ni n lebe ya zi'an mɛ na yɛ'ɛha, gee Sagena la en gu' tu sore la.

2 Timoti 4:17

Gee Daana la en ze'ele la mam, gee bo' mam paŋa, ti doohe mam puan, yelehum la wan muulɛ suŋa, ti sɛba en dagi Yuuduma la wan wam dɛ. Bala ti a faaɛ mam gbigenɛ nuuren la.