2 Tesaloniki 2:9 - ZE'ELEGO PAALEGA

⁹ Se'em daana en ka kihi yele la kini na niiɛ mɛ Sagena la tuuma puan, se'em en tari pahi woo, kirehi, la pumpɔreŋɔ nyalema tuuma,

Farefare Ninkaré

⁹ La sãn dɛna tõon-be'ero dãana la n wʋn wa'am na, a wʋn tara la Asũtãana pãŋa ɩta bõn-yãlma la yel-kɩrsɩ, la yɛla buuri zozo'e n de pã'asgɔ.

2 Tesaloniki 2:9 ပူးပေါင်းရင်းမြစ်များ

Amatie 12:22

Ti ba tari buraa ti kulekpa'bɛ'a dɔla ka, ti ka dɛna fua la gɔɔŋɔ wa'am Yezu zi'an na ti a tibɛ ka, ti buraa wa en de gɔŋɔ wa tana tɔgera gee nyɛta.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 4:10

Ti Yezu lebehe en yeti, “Fɔregɛ mam zi'an ha, Sagena wa! Se'ere en sɔi la, la gulehɛ yeti, ‘Na'aha Daana la en de fum Yinɛ la, ma'a, gee tuna bɔ'ɔra eŋa ma'a.’ ”

Amarkɩ 13:22

Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Aluki 11:25

Kulekpa'bɛ'a wa han lebena nyɛ ti yire la maalɛ mɛ gã'a filam.

Azã 4:48

Ti Yezu yele en yeti, “Han dagena ti ya nyɛ la daalehum la nyalema, ya kan malum nam.”

Azã 8:41

Yamam kɔ'ɔm sirum ita la tuunsɛ'a ti ya sɔ la ita la.” Ti ba yele en yeti, “Tumam dagi kɔm-yooro, Tumam sɔ dela ayima, Yinɛ wa.”

Azã 8:44

Ya kɔ'ɔm ze'ele la ya sɔ Sagena la zi'an na, gee me looe ti ya tum ya sɔ tuunfi'iha sumboolum la. A dela nɛre kuura pi'ileŋo puan na, ka bɔta yelemɛŋerɛ, se'ere n sɔi la, yelemɛŋerɛ ka boi a puan. A han parum, a tɔgeri dɔla la a naanɛ n bala, se'ere n sɔi la, a dela pumparema, gee dɛna pumpɔreŋɔ woo sɔ.

Tõoma 13:10

gee yele en yeti, “Sagena dayua wa, fum se'em n zaberɛ la tuuntɔɔ vom wa. Fum pirɛ mɛ la pa'ahegɔ la ŋmɛlema ma'a. Fum kan bahɛ fum dole ŋmɛlena Daana tuuntɔɔ sɔya wa?

2 Korẽntɩ 11:14

La dagi pakerɛ, Sagena la mɛŋa iŋɛ a mɛŋa la bala ti eŋa dela yelemɛŋerɛ suŋera.

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

2 Timoti 3:8

Wuu Yenesi la Yamberese en yuum ka sakɛ bo' Moose se'em la, bala ti nɛrebana wa en tari putɛ'be'o la sakerɛ se'ere en dagi yelemɛŋerɛ wa, me ka sakɛ bo' yelemɛŋerɛ la.

Yemesi 3:15

Yɛm buna taaba ka ze'ele saazuo na, gee bu dela timpaberɛ wa zuo, ka dɛna sia puan, gee kulekpa'bɛ'ɛhi yɛm.

Lilegere 12:17

Ti bunsɛla la suure nyiie la pɔka la, ti a lebe, ta kɔ' zaberɛ la pɔka la kɔma basɛba la, sɛba en dole Yinɛ nuurɛ, gee tari Yezu yɛla la.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 18:23

Butolela bugum niihum, kan le niiɛ fum puan, ti pɔge dita kua, la sire-ɛla kua kan le bɔna fum puan. Se'ere en sɔi la, fum leebeduma la en daa de tiŋa wa zuo nɛrekãreba, ti fum dikɛ fum nini la pã'ahɛ tihi wa za'a.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 9:11

Ba tari la naba ti a biha ba, suŋera se'em en tari tiŋa tiŋa boko kãtɛ la kparehega la. A yu'urɛ Hiburu puan dela Abadon. Giriki puan a yu'urɛ dela Apoliyon.