2 Tesaloniki 1:8 - ZE'ELEGO PAALEGA

⁸ Kina na la bugum en diti zigi zigi, lɛregera sɛba en ka mi' Yinɛ, la sɛba en ka nam Daana Yezu faarɛ yelehum la.

Farefare Ninkaré

⁸ la bug-zɩlɩsɩ wa sɩbgɛ sɛba n zagsɛ Nawẽnnɛ dee ka sakɛ tɩ Zuudãana Azezi kõ-yẽlga la.

2 Tesaloniki 1:8 ပူးပေါင်းရင်းမြစ်များ

Amatie 25:41

Gee nyaa wan yele sɛba n boi a gɔbega nu'o bɔba la yeti, ‘Yamam sɛba ti n nɔpɔrɛ bɔna ya zuo wa, fɔregɛ ya mam zi'an ta kɛ̃ bugum sebo n dita ka kiŋera, ti ba maahum biŋe Sagena la, la a suŋereba la.

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Azã 3:19

Gakerɛ en de se'em en ŋwana. Niihum wa'am timpaberɛ wa zuo na, gee nɛreba nɔŋɛ la lika gana niihum la, beni zuo, ba tuni la be'em.

Azã 8:19

Ti ba soke en yeti, “Fum Sɔ wa bɛɛ?” Ti Yezu lerege ba yeti, “Ya pun ka mina mam, benti mam Sɔ la. Ya han mini mam, ya wan mini mam Sɔ la me.”

Tõoma 6:7

Ti Yinɛ yelehum la kɔ'ɔm yiregera, ti zahereba la kãlɛ malum pa'ahera Yerusalɛm puan, ti malema duma la zo'e zo'e to'e sakerɛ la.

Aromduma 1:28

Ban pun kelum ka bihɛ nyɛ ti la nari ba baŋɛ Yinɛ la, ti Yinɛ dikɛ ba bo' putɛ'ŋmɛlema dikɛ ba bo' yele yaalehi se'ehi en dagi ba tuna ma'a.

Aromduma 1:5

Se'em puan ti tumam to'e zu'uhegɔ, la tuntuneba yɔ'ɔ, ti tu bahɛ ti timpaberɛ wa nɛreba za'a me nam, gee tara sakerɛ a yu'urɛ la puan.

Aromduma 10:16

Gee dagi nɛra woo en nam bo' faarɛ yelehum la. Se'ere en sɔi la, Azaaya yeti, “Daana, ani en nam tu yelehum wa?”

Aromduma 15:18

Se'ere en sɔi la, mam kan makɛ ti n tɔgɛ sɛla, han dagena Kiresta en ba'ahɛ tuunsɛ'a doohe mam puan, nyaŋɛ sɛba en dagi Yuda buuri ti ba nam Yinɛ, doohe mam tugum bii tuunse'ere woo puan,

Aromduma 16:26

gee nananawa, de nyaa niiɛ na, doohe nɔtɔgeheba en gulehɛ se'em la, de niiɛ bo' sɛba woo en dagi Yuda buuri la, Yinɛ en boi wuuha wa n bo' a nuurɛ se'em, ti a bahɛ ti nɛra woo nam gee sakɛ la.

Aromduma 6:16

Ya ka mi' ti ya han dikɛ ya mɛhi bo' se'em ti ya wan nana en, ya dela se'em ti ya nana la da'aberɛ? La dɛna be'em en tari ya yɛ'a kum puan, bii la dɛna naŋa en tari ya yɛ'a tuuntɔɔ vom puan.

1 Korẽntɩ 15:34

Sigehe ya mɛhi, gee nyɛ putɛ'sunɛ, la ya da le tum be'em. Se'ere en sɔi la, nɛreba basɛba ka mi' Yinɛ. N yeti dɛna wa ti la dɛna la vi bo' ya.

2 Korẽntɩ 10:5

Tu sageni nɔkpɛ'ɛma mɛ la pirega lɔgeseko woo n zaberɛ la Yinɛ mi'ilum la, gee nyɔgera putɛ'sɛ'a woo n boi ti ba nana Kiresta.

Galatɩ 3:1

Yamam Galatia gɔɔnɔ wa! Ani n yuum ya? Bihɛ ya, dagi ya ninin, la nɛrekuuŋɔ la nini ti ba daa kpa' Yezu Kiresta la?

Galatɩ 4:8

Wunse'eren ha la, yan daa nan ka mi' Yinɛ la, ya yuum dela da'aba bo' nɛreba en dagi yina.

1 Tesaloniki 4:5

Dagi la ya tara kunkoma'ahum wuu sɛba en dagi Yuuduma en ka mi' Yinɛ la.

Hiburuduma 10:27

gee sɛla en wan wa'am na dela dabeem gakerɛ, la sunsunyiim bugum la en wan di dinduma la.

Hiburuduma 10:30

Se'ere en sɔi la, tu mi se'em Daana en yeti, “Leregere dela mam dinɛ, N wan lebehe yɔ la.” Gee le yeti,“Daana la wan gakɛ a nɛreba” la.

Hiburuduma 11:8

Sakerɛ zuo ti Aberaham nam en yuum yi' en ti a nɔgɛ kiŋɛ zi'an ti a wan ta sooe ti ka dɛna a sɔ'ɔlum la. A yuum sirum ihege yɛ'a mɛ, gee ka mina en ye' zi'an la.

Hiburuduma 12:29

Yelemɛŋerɛ, tu Yinɛ la dela bugum sebo en diti kãbera.

Hiburuduma 2:3

ŋwani ti tu wan ta'am piiɛ, tu han zagehɛ faarɛ kãtɛ dina wa? Tu wum bu yele yia la Daana la mɛŋa zi'an, ti sɛba en wum bu a mɛŋa nuuren la me yele tu ti bu dela bala,

Hiburuduma 5:9

Ti en doohe ŋwana woo puan tole la, a nyaa bi'ɛ kahegɛ mɛ, a nyaa dela se'em puan ti vomkan ba'ahɛ faarɛ bɔna bo' sɛba woo en nane en la.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 3:6

Bala ti Saara nam Aberaham, pun ta yi'ira en a daana.Ya me dela a poyɔɔhi, wuu ya han ita sɛla en ani suŋa, gee ka bahɛ ti dabeem sãɛ ya.

1 Pita 4:17

Saŋa la paaɛ mɛ ti gakerɛ la pɔhɛ Yinɛ yire la puan yia, ti la han pɔhera tumam, la wan ba'ahɛ la ŋwani la sɛba en ka nam Yinɛ faarɛ yelehum la?

2 Pita 3:7

Yelehum bumɔ mɛa en tɔgɛ biŋe, ti zina beere saazuo la timpaberɛ wa gura ba sige bugum puan la. Ba gã' gura la gakerɛ dabeherɛ la, la sɛba en ka zoti Yinɛ la sageŋɔ dabeherɛ la.

Azudi 1:7

Bala mɛa ti Sodom la Gomora, la timbibehi la za'a en kaaɛ ba la me en yuum ani wuu bamam la, kɛ̃ yaluntuuma puan, bɔta buraa en gã' la taaba ti pɔgehi me gã'a la taaba la, dela sɛla en pa'alɛ nɛreba en nyɛ namehegɔ se'em bugum en diti ka kiŋera la puan.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 6:10

Ti ba kaahɛ la kɔkɛ'ɛŋa yeti, “Gaŋeza'a Daana, Fa'a la Yelemɛŋerɛ Daana, la yeti la yuue la ŋwani gee ti fum gakɛ gee lerege timpaberɛ zuo duma wa en ka'ɛ tumam ziim wa se'em la?”