2 Tesaloniki 1:7 - ZE'ELEGO PAALEGA

⁷ gee bo' sɛba ti ba pɔgelum la me fai, ta ta' la tumam me, Daana Yezu han ta ze'ele saazuo niiɛ na, la a suŋereba bumpahi la.

Farefare Ninkaré

⁷ dee basɛ tɩ yãma sɛba n nãmsrɩ la, lagɩm na tõma vo'ose wakat-sɛka tɩ Zuudãana Azezi wʋn ze'ele Nawẽnnɛ yire wa'am, la a malɛkadõma n tarɩ pãn-kãtɛ,

2 Tesaloniki 1:7 ပူးပေါင်းရင်းမြစ်များ

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 16:28

Yelemɛŋerɛ ti n yɛta ya wa, ti basɛba boi yan ze' wa puan kan lem kum, gee wan nyɛ Asaala Dayua la kinɛ a sɔ'ɔlum la puan na.”

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amatie 25:41

Gee nyaa wan yele sɛba n boi a gɔbega nu'o bɔba la yeti, ‘Yamam sɛba ti n nɔpɔrɛ bɔna ya zuo wa, fɔregɛ ya mam zi'an ta kɛ̃ bugum sebo n dita ka kiŋera, ti ba maahum biŋe Sagena la, la a suŋereba la.

Amatie 26:64

Ti Yezu lerege en yeti, “Fum yele la bala wa. Gee n yeti fum mɛ wa, Ti hankana yɛ'a ha, fum wan ta nyɛ Asaala Dayua la, ti a zi'a paŋa zuɔ nu'o ze'ele saazuo sagbama wa puan kina na.”

Amarkɩ 14:62

Yezu yeti, “Mam en bala, gee ‘ya wan nyɛ Asaala Dayua la ti a zi'a paŋadaana la zuɔ nu'o bɔna saazuo sagbama puan kina na.’ ”

Amarkɩ 8:38

Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Aluki 16:25

Gee Aberaham yele en yeti, ‘N bia, tɛra ti fum yuum boi vom puan tiŋa zuo la, fum yuum nyɛ fum sum mɛ za'a, gee ti Lazarus me bɔna mɛlehegɔ puan. Gee nananawa, a boi la sum zi'an ka'lam, gee ti fum me bɔna mɛlehegɔ puan.

Aluki 17:30

La ta yeti la ana la bala Asaala Dayua la niirɛ daarɛ la.

Azã 1:3

Sɛla woo en boi wa, naam doohe la eŋa puan. Han dagi eŋa puan, zugɔ la ayima me ka boi sɛla woo en boi wa puan, wan boni.

Azã 1:51

Gee yele en yeti, “N yeti fum la yelemɛŋerɛ wa, ti fum nini wan ta nyɛ ti saazuo ha yu'ɛ, ti Yinɛ suŋereba sigera mam Asaala Dayua wa zi'an na, gee lɛbera zɔna.”

Tõoma 1:11

Yele ba yeti, “Galilii buraahi wa, ŋwani ti ya zɛ'a gɔra biha saazuo bala? Yezu wa ti ba dikɛ ya zi'an en ze'ele ya zi'an zom saazuo ha wa, wan wa'am la bala mɛa na wuu yan nyɛ en ti a zɔna saazuo ha se'em wa la.”

Tõoma 3:19

Bala zuo la, tee ya, la ya ŋmɛregɛ ya mɛhi bo' Yinɛ, ti a piiɛ ya be'em woo bahɛ,

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

1 Korẽntɩ 3:13

mɛta woo tuunɛ wan ta niiɛ na, se'ere en sɔi la, dabeherɛ la daarɛ wan niiɛ dɛ na, beni zuo, bugum en wan ta bahɛ ti de niiɛ na, bugum la wan magehɛ tuunse'ere taaba ti nɛra woo tum la bihɛ.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

Efɛɛzɩ 1:2

Zu'uhegɔ la suma'ahum en ze'ele tu Sɔ Yinɛ, la tu Daana Yezu Kiresta zi'an bɔna la ya.

Kolɔsɩ 1:16

Se'ere en sɔi la, eŋa puan ti sɛla woo en boi saazuo la timpaberɛ wa zuo naam. Sɛla ti tu nyɛta, la sɛla ti tu ka nyɛta, ba dɛna na'am, pahi, bihereba bii kpe'eŋo, sɛla woo naam doohe la eŋa puan, gee dɛna eŋa dinɛ.

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

2 Timoti 2:12

Tu han ŋmibe, tu me wan di na'am la en, Tu han zagehɛ en, a mɛ wan zagehɛ tɔ,

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 10:27

gee sɛla en wan wa'am na dela dabeem gakerɛ, la sunsunyiim bugum la en wan di dinduma la.

Hiburuduma 12:29

Yelemɛŋerɛ, tu Yinɛ la dela bugum sebo en diti kãbera.

Hiburuduma 4:1

Bala zuo, vo'ohego puan kɛ̃'a nɔbiŋere la en kelum bɔna la, bahɛ ya ti tu biha tu mɛhi suŋa, ti ya se'em da ta yaa koŋe a paaɛ vo'ohego la.

Hiburuduma 4:11

Bala, bahɛ ya ti tu tiregɛ ya suŋa suŋa la tu ta'am kɛ̃ vo'ohego wa puan, ti se'em da bɔna ya puan lu doohe ka nam wuu bamam en yuum ka nam se'em la.

Hiburuduma 4:9

Bala, vo'ohego dabeherɛ kelum bɔna mɛ bo' Yinɛ nɛreba.

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 3:22

Kiresta, en bala zom saazuo ha, ta bɔna Yinɛ zuɔ nu'o bɔba, la suŋereba, kpɛ'ɛnduma, la pahi se'ehi ti ba dikɛ biŋe a nama timpaberɛ.

2 Pita 3:7

Yelehum bumɔ mɛa en tɔgɛ biŋe, ti zina beere saazuo la timpaberɛ wa gura ba sige bugum puan la. Ba gã' gura la gakerɛ dabeherɛ la, la sɛba en ka zoti Yinɛ la sageŋɔ dabeherɛ la.

Azudi 1:7

Bala mɛa ti Sodom la Gomora, la timbibehi la za'a en kaaɛ ba la me en yuum ani wuu bamam la, kɛ̃ yaluntuuma puan, bɔta buraa en gã' la taaba ti pɔgehi me gã'a la taaba la, dela sɛla en pa'alɛ nɛreba en nyɛ namehegɔ se'em bugum en diti ka kiŋera la puan.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 14:10

ba me wan nyu Yinɛ sunsunyiim daam la en ka'ɛ iŋɛ Yinɛ sunsunyiim wula puan, ti sɛla ka gɛregɛ bɔ la. Ba wan nyɛ namehegɔ bugum puan, la tahi bugum puan, Fa'a suŋereba la nɛŋan, la Pebila la nɛŋan.

Lilegere 14:13

Ti mam wum kua tinsuŋan la, ti ka yeti, “Gulehɛ dina wa biŋe yeti, Yehe zina yɛ'a ha, Sum wan bɔna la sɛba woo en ki Daana la sore dɔlega puan.” Sia la yeti, “Ɛ̃ɛ, Ba wan vo'ohe ba namehegɔ la puan, se'ere en sɔi la, ba tuuma la wan dɔla ba.”

Lilegere 20:11

Ti mam nyɛ ti na'am kuka kãtɛ pɛɛlega en ze', ti se'em en zi' ka zuo la, timpaberɛ wa la saazuo wa mɛlum mɛ a nɛŋan ti zi'an ka bɔna bo' ba.

Lilegere 21:4

A wan duuhe nintahɔ woo ba ninin bahɛ.” Kum kan le bɔna. Si'iŋɔ la kɛlega, la too kan le bɔna, Se'ere en sɔi la, yia yɛla la tole ya.

Lilegere 22:16

“La dela mam Yezu en tum n suŋera fum zi'an na, ti a yele fum, lageŋɔ zi'ihi la yɛla. Mam en de nyɛgerɛ la, gee dɛna Deviti yaaŋa la. Mam en de bulika beŋma'arɛ la.”

Lilegere 22:6

Ti suŋera la yele mam yeti, “Yelehum buna wa dela sakerɛ gee dɛna sira, se'ere en sɔi la, Daana la, Yinɛ se'ere en sɔi nɔtɔgeheba la sɛɛhi la, en tum a suŋera wa na, ti a pa'alɛ a yamehi wa sɛla en yeti la iŋɛ nananawa.”

Lilegere 22:9

Gee a yele mam yeti, “Fum dagi fum na'ahɛ mam, mam me dela fum tuntuna tadaana, la fum taaba la, la nɔtɔgeheba la, la sɛba woo en dole gɔnkuna wa yelehum la. Bala na'ahɛ Yinɛ ma'a.”

Lilegere 6:11

Ti ba bo' ba za'a fupɛɛlega fupɛɛlega, gee yele ba yeti, ba lebe ta gã'arɛ fii wa, gura ti kãlɛ se'ere ti ba yeti ba kɔrum ba tuntuneba tadaanduma la, la ba suurɔ la ti ba yeti ba ku ba nananawa la paaɛ.