2 Pita 2:1 - ZE'ELEGO PAALEGA

¹ Gee nɔtɔgeheba pumparenduma en yuum ihege na bɔna nɛreba la puan, wuu pumparenduma pa'aleba en wan bɔna ya puan se'em la, sɛba en wan li'ihɛ tari sageŋɔ puti'ira wa'am ya puan na. Ba wan pun ta zagehɛ ba Daana se'em en da' ba la, tari sageŋɔ wa'am ba mɛhi zuo na kalam.

Farefare Ninkaré

¹ Kʋrʋm kʋrʋm, nẽrba n yʋʋn boe Nawẽnnɛ nẽrba la pʋam parna tɩ bãma de la Nawẽnnɛ nõtɔ'ɔsrɩba. Bɛla, põmpɔrŋɔ karẽnsãandõma n mẽ wʋn bɔna ya pʋam. Ba wʋn ẽŋɛ la yɛm tarɩ zãsŋɔ n sẽm na sã'aŋɔ wa'am, dee wʋn sɩ'ɩsɛ Zuudãana n fãagɛ ba la, bɛla n wʋn basɛ tɩ sã'aŋɔ wa'am ba zuto tɔtɔ.

2 Pita 2:1 ပူးပေါင်းရင်းမြစ်များ

Amatie 10:33

Gee Se'em woo en ze'ele nɛreba tiŋasuka zagehɛ mam, mam me wan ta ze'ele n Sɔ en boi saazuo ha nɛŋan zagehɛ en.

Amatie 24:11

Ti nɔtɔgeheba pumparenduma zo'e zo'e wan wa'am na pa'ahɛ nɛreba zo'e zo'e ti ba.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 24:5

Se'ere en sɔi la, nɛreba zo'e zo'e wan wa'am na dikɛ mam yu'urɛ yɛta ti, ‘Mam n de Kiresta la.’ Ba wan bahɛ ti nɛrekuuŋɔ bɔregɛ.

Amatie 7:15

“Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha.

Amarkɩ 13:22

Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Aluki 12:9

Gee Se'em woo en zagehɛ mam nɛreba nɛŋan, mam me wan ta zagehɛ en Yinɛ suŋereba la nɛŋan.

Aluki 21:8

Ti a yele ba yeti, “Mini ya suŋa ti se'em da pã'ahɛ ya. Se'ere en sɔi la, nɛreba zo'e zo'e wan wa'am mam yu'urɛ puan na yeti, ‘Mam n de en.’ ‘Sankana wa pɔri mɛ.’ Da dole ya ba poore.

Aluki 6:26

“Yele boi fum se'em daana ti nɛra woo tɔgera fum sum yɛla ma'a, se'ere en sɔi la ba yaabeduma yuum iti pumpã'ahum nɔtɔgeheba la la bala.

Aromduma 16:18

Se'ere en sɔi la, nɛre bamam taaba ka tuni bɔ'ɔra tu Daana Kiresta, gee ba tuni bɔ'ɔra la ba mɛhi puya. Ba tari la tɔgɛ malemale la belegere, pã'aha susɛ'a en ka mi' la.

1 Korẽntɩ 11:19

La de sira, yelehego wan ba'ahum bɔna ya puan. Se'ere en sɔi la, yele dina ma'a ti la wan niiɛ peelumen sɛba n de yelemɛŋerɛ Yinɛ pu'uheba ya puan.

1 Korẽntɩ 6:20

Se'ere en sɔi la, ba da' ya mɛ la da'alum, bala zuo, na'ahɛ ya Yinɛ la ya inganɛ la.

1 Korẽntɩ 7:23

Ba da' ya mɛ la da'alum, da deni ya da'aba bo' saaleba kpɛ'ɛnduma.

Galatɩ 2:4

Gee doohe la pumpɔreŋɔ sakereba ti nɛreba li'ihɛ tari ba na la, sɛba en iŋɛ bããlam kɛ̃ ti ba bihɛ fai sɛka ti tumam tara Kiresta Yezu puan, la ba ta'am bahɛ ti tu lebege yamehi la,

Galatɩ 3:13

Kiresta yɔ to'e tɔ mɛ ze'elego pɔtɛ la puan bahɛ, doohe eŋa ti nɔpɔtɛ dɔla en tumam zuo la. Se'ere en sɔi la, la gulehɛ biŋe yeti, “Nɔpɔtɛ en dole se'em woo en yule tia zuo.”

Galatɩ 4:17

Ba yeen ita mɛ gee ba tari la puti'irɛ se'ere ha. Ba boti ba yelege ya mɛ, ti ya bɔna la ba.

Galatɩ 5:20

baga kaabegɔ, sɔ̃nini, diŋo, zaberɛ, nyuure, sunsunyiim, nɔkpe'ene, yelehego, Pa'alebe'ero,

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 4:14

Tu da le dɛna kɔma le yɛ'ɛha, kaara kina nɛŋa la pooren, ti pa'alegɔ en ani wuu sabeeo ziira ya ɛɛra zi'an woo, pa'ali seko n de nɛreba mɛhi nigeŋɔ la nyaleŋɔ la pã'ahegɔ pã'ahegɔ la.

Filipi 3:19

Ba ba'ahegɔ dela sageŋɔ. Ba yinɛ dela ba puya, ti ba suŋa bɔna ba vi la puan, ba puti'ira boi la timpaberɛ wa zuo lɔgerɔ puan.

Kolɔsɩ 2:18

Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

Kolɔsɩ 2:8

Bihɛ ya suŋa ti nɛra da dikɛ ya da'aba doohe gɔŋɔ wogerɔ la pã'aheyooro doohe asaala malema, la sɛse'ehi en sɔi timpaberɛ wa bihera la, gee dagi Kiresta en boti se'em la.

1 Timoti 5:8

Se'em woo en ka biheri a yire, yele yele wuu a yire duma, a zagehɛ sakerɛ la mɛ, a be'em gani se'em en ka sakɛ bo' Yezu.

2 Timoti 4:3

Gee saŋa la kini na, ti nɛreba kan bɔta yelemɛŋerɛ pa'alegɔ, gee ban tari tuba en zakeni la, ba wan kã'ahɛ pa'aleba bo' ba mɛhi, wuu ba kɔrehi la en boti se'em la.

Taitusi 1:11

Ba dela ba ŋmɛkɛ ba nɔya, la ban gbiregeri nɛreba yiya la ba pa'alegɔ la, doohe ban pa'ali pa'alegɔ seko en bo'ori bamam ma'a nyuurɔ, gee dagi na sɛla en dagena ba pa'ala.

Taitusi 3:10

Fum han diŋɛ ka'am nɛra yia, le pa'ahɛ yi'i, da le tara sɛla ita la se'em en welegere nɛreba,

Hiburuduma 10:29

Bala, namehɛ kãtɛ deni taaba ti yamam ti'iha ti ba en wan dikɛ bo' sɛba en ka dikɛ Yinɛ Dayua la yi' sɛla, tuura nɔpu'ulegɔ ziim la n dikɛ pee ba la, gee nyiiha zu'uhegɔ Sia la?

1 Pita 1:8

La yan pun ka nyɛ en la, ya nɔŋɛ en mɛ. La yan pun ka nyɛ en nananawa la, ya nam en mɛ, gee nyɛɛna mɛ la nyɛɛma kãtɛ sɛ'a en ka tari tɛka pirɛ suŋa.

2 Pita 2:3

Ba nyika la zuo, ba wan fa' ya la ba pã'ahegɔ yelehum la. Ba namehegɔ la en purɛ bahɛ ba zuo yuuman yuuman ha la, dagi yoo, ba sageŋɔ la kan gã'arɛ.

1 Zã 2:26

N gulehɛ yele ana wa bɔ'ɔra ya la sɛba en wan pã'ahɛ ya la zuo.

1 Zã 4:1

Sunɔŋerɛ duma wa, da nam ya sia woo, gee magehɛ sɛɛhi la bihera nyaa, ba ze'ele Yinɛ zi'an na, se'ere en sɔi la, nɔtɔgehe pumparenduma zo'e zo'e en kɛ̃ tiŋa wa zuo.

Azudi 1:18

Ba daa yele ya yeti, “Ba'ahegɔ saŋa, nɛre kɛhereba wan bɔna, dɔla ba mɛhi en ka zoti Yinɛ la kunkoma'ahum.”

Azudi 1:4

Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.

Lilegere 3:8

“N mi' ya tuuma. Bihɛ yaa, N yu'ɛ la kuleŋa biŋe ya, ti se'em ka bɔna wan yu' ka. Mam mi' ti ya tari paŋa fii wa, gee la bala za'a, ya tari mam yelehum la mɛ suŋa suŋa, ka zagehɛ mam yu'urɛ la.

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.

Lilegere 6:10

Ti ba kaahɛ la kɔkɛ'ɛŋa yeti, “Gaŋeza'a Daana, Fa'a la Yelemɛŋerɛ Daana, la yeti la yuue la ŋwani gee ti fum gakɛ gee lerege timpaberɛ zuo duma wa en ka'ɛ tumam ziim wa se'em la?”