2 Pita 1:5 - ZE'ELEGO PAALEGA

⁵ Putɛ'dina zuo la, kpeŋe ya mɛŋa sadɔɔ seko woo puan, la ya tiregɛ ya sakerɛ la, la tunsuma. Ti tuunsuma la puan, mi'ilum pa'ahɛ bini,

Farefare Ninkaré

⁵ Bɛla, nargɛ-ya pãŋa, tɩ ya bɔ sɩra la pʋam, ɩr-sõŋɔ pa'asɛ, tɩ ɩr-sõŋɔ la pʋam, bãŋrɛ pa'asɛ,

2 Pita 1:5 ပူးပေါင်းရင်းမြစ်များ

Aluki 16:26

Gee pun dagena bala ma'a, gee tumam la fum tiŋasuka, boko kãtɛ en beŋe, ti sɛba en wan bɔta ti ba ze'ele ka'lam yakɛ bilam na kan ta'am iŋɛ bala, ti se'em me kan ta'am ze'ele bilam yakɛ tumam zi'an na.’

Aluki 24:21

Gee tumam me daa biheri la eŋa ti eŋa en de se'em en wan yɔ to'e Izirale bahɛ. Yele ana woo pooren, zina dela dabeha atã, ti yele ana wa iŋɛ.

Azã 6:27

Da tuni ya ɛɛra disɛka n wan ba'ahɛ, gee tuni ya ɛɛra disɛka n wan bɔna wuuha, bo' ya vom kamba'ahɛ, sebo ti mam Asaala Dayua wa wan bo' ya la. Se'ere en sɔi la, mam ma'a ti Yinɛ n de Sɔ la daalehum bɔna a puan.”

1 Korẽntɩ 14:20

N suurɔ, da deni ya kɔma ya ti'ihegɔ puan, gee tugum deni ya kɔmbilɛɛhi be'em tuuma puan, gee ti'ihegɔ puan deni ya bunkureba.

Efɛɛzɩ 5:17

Bala, da deni ya geto gee tugum bɔkeri ya Daana la sumboolum n de se'em.

Filipi 1:9

Mam pu'uhegɔ en de se'em en ŋwana, ti ya nɔŋerɛ wan zo'e yabera, ti ya mi'ilum malum pa'ahɛ, ti ya pirɛ la bɔkerɛ,

Filipi 2:12

Ŋwana zuo, n sunɔŋerɛ duma wa, wuu yamam en nane mam saŋa woo se'em la, ti la dagena la mam ni bɔna la ya la ma'a, gee nam ya mam gana bala nananawa, ti n ka bɔna la ya wa. Tuni ya mɛ la ninmu'urɛ pa'alɛ ti ya nyɛ faarɛ, la dabeem la gbi'a.

Filipi 4:8

Ba'ahegɔ za'a, n suurɔ, sɛla woo en de yelemɛŋerɛ, sɛla woo en tari na'ahegɔ, sɛla woo en de ma'a, sɛla woo en ka tari dɛgerɔ, sɛla woo en peere puurɛ, sɛla woo n nari. Sɛla han bɔna di mi'a, sɛla en boi nara pɛka, ti'iheri ya yele ana wa yele.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 2:3

La dela Kiresta puan ti yɛm la mi'ilum tarega za'a bɔna.

Hiburuduma 11:6

Bala, sakerɛ han ka bɔna, la kpe'em mɛ ti fum tigɛ Yinɛ nini, se'ere en sɔi la, se'em woo en wa'am a zi'an na, dela a mina ti Yinɛ boi mɛ, gee yɔɔra sɛba woo en eere en la ninmu'urɛ.

Hiburuduma 12:15

Bihɛ ya suŋa, ti ya se'em da koŋe Yinɛ zu'uhegɔ la. Da bahɛ ya ti too nyɛgerɛ yehe ya puan na, tari daaŋɔ wa'am na, ti ya doohe de puan galum nɛreba zo'e zo'e.

Hiburuduma 6:11

Tu boti ya ayima ayima woo me pa'alɛ la ninmu'urɛ dinɛ taaba, la ya ta'am nyɛ beere puti'irɛ za'a za'a, ta paaɛ de ba'ahegɔ.

1 Pita 3:7

Sireba, bala mɛa, me zu'uhi ya ya pɔgeba, yan boi la taaba la, na'ahera fum pɔga, la eŋa en pun dɛna tɔregɔ lɔkɔ la, se'ere en sɔi la, ba wan ta to'e Yinɛ vom bo'olum la mɛ. Iti ya bala ti sɛla da gu'ura ya pu'uhegɔ.

2 Pita 1:10

Ŋwana zuo, n suurɔ, kɔ'ɔm mu'ɛ ya nini ti ya pa'alɛ, ti Yinɛ en yi' ya gee looe ya. Se'ere en sɔi la, ya han ita yele ana, ya kan malum sɛregɛ.

2 Pita 1:11

Bala, ya han ita ŋwana, ya kɛ̃'a tu Daana, la tu Faara Yezu Kiresta sɔ'ɔlum la en ka tari ba'ahegɔ la puan, wan yu'ɛ yɔlaam bo' ya.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)