2 Korẽntɩ 8:9 - ZE'ELEGO PAALEGA

⁹ Se'ere en sɔi la, yamam mi' pupeelum bo'olum sebo ti tu Daana Yezu Kiresta bo' doohe la en pun dɛna buntata la, gee yamam zuo ti a lebege naha, ti a nɔŋɔ la puan yamam wan dɛna buntateba.

Farefare Ninkaré

⁹ Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

2 Korẽntɩ 8:9 ပူးပေါင်းရင်းမြစ်များ

Amatie 17:27

Gee tumam en ka boti tu zeem ba la zuo, kiŋɛ mɔgeren ta lobe zim baŋa, zim sebo ti fum nyɔkɛ yia la, fum han ya'ɛ bu nuurɛ, fum wan nyɛ lagekɔberɛ. Dikɛ bumɔ ta bo' ba, ti la dɛna fum la mam en bala.”

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Amatie 8:20

Yezu lebehe en yeti, “Piini tari yogero mɛ kɛ̃'ɛ̃ra, ti niihe tara tugerɔ me kɛ̃'ɛ̃ra, gee Asaala Dayua wa ka tari zi'an ti a wan dikɛ a zuo kugelɛ.”

Amarkɩ 6:3

Dagi kpa'ara la en bala, dagi Mɛɛri bia en bala, a yibehi dagi Yemesi, Yosi, Yudasi, la Simɔn. Dagi a tapa en bala boi la tu ka'lam wa?” Ti ba suure nyiie la en.

Aluki 16:11

Fum han ka tara yelemɛŋerɛ ŋmɛlema lɔgerɔ puan, ani en wan sakɛ dikɛ yelemɛŋerɛ lɔgerɔ iŋɛ fum nu'uhen?

Aluki 2:7

Ti Mɛɛri dɔgɛ a saresare bia en de budibela, pɔbɛ bia la la futo, dikɛ ka gã'arɛ duhi dia dɔɔ puan, se'ere en sɔi la, zi'an ka boi bo' ba ga'aregɔ yire la puan.

Aluki 8:3

Yowana, se'em sira en de Hɛrɔd tuntuna ti a yu'urɛ yi'ira Kuza la, la Suzaana, la pɔgehi sise'ehi kekeko n lagum tara ba lɔgerɔ suŋera Yezu la a zahereba la.

Aluki 9:58

Ti Yezu yele en yeti, “Piini tari yogero mɛ, ti niihe en ɛgeri saazuo, tara tugerɔ kɛ̃'ɛ̃ra, gee Asaala Dayua wa ka tari zi'an ti a wan dikɛ a zuo biŋe.”

Azã 1:10

A pun bɔna timpaberɛ wa zuo mɛ na, ti timpaberɛ wa naam doohe la eŋa puan. Gee la bala za'a, timpaberɛ wa zuo nɛreba ka mi' en.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:17

La de asira ti Ze'elego la doohe la Moose puan na, gee zu'uhegɔ, la yelemɛŋerɛ ze'eti la Yezu Kiresta puan na.

Azã 12:30

Ti Yezu lerege ba yeti, “Kua la wa'an la yamam zuo na gee dagi mam.

Azã 16:15

Sɛla woo ti Sɔ la tara dela mam dinɛ. Bala zuo ti mam yeti, a wan dikɛ la sɛla n de mam dinɛ, muulɛ bo' ya la.

Azã 17:19

Bama zuo ti mam pee n mɛŋa, ti bamam me nyɛ peere yelemɛŋerɛ puan.

Aromduma 11:12

Bala, ba gɛrega la han bahɛ ti tarega paaɛ tiŋa wa zuo, ti ba tɔregɔ la bahɛ tarega paaɛ sɛba en dagi Yuuduma la, gee ba nyaa han lebehe ze'ele suŋa suŋa la nyaa wan ana la ŋwani?

Aromduma 15:3

Se'ere en sɔi la, Kiresta daa ka biheri la a mɛŋa nini tika ma'a yele; Gee wuu lan gulehɛ se'em yeti, “Tuurɛ sɛ'a taaba ti sɛba tuura ya la, sigera la mam zuo.”

Aromduma 5:8

Gee Yinɛ pa'alɛ tumam la a nɔŋerɛ, la tumam en daa kelum bɔna tu be'em puan la, ti Kiresta ki bo' tu.

Aromduma 8:32

Yinɛ se'ere en daa ka bahɛ a mɛŋa dayua, gee dikɛ ka tihɛ tumam za'a zuo la, a kan doohe a dayua mɛa puan bo' tu sɛla woo ti tu bɔta me yoi?

1 Korẽntɩ 1:4

Mam bo'ori n Yinɛ fara mɛ saŋa woo ya zuo, la Yinɛ zu'uhegɔ kãtɛ se'ere ti a ka'ɛ bahɛ ya zuo yoo Kiresta Yezu puan la,

1 Korẽntɩ 15:47

Yia buraa la dela la timpaberɛ wa zuo dinɛ, a dela tintɔnɔ nɛra. Yi'i buraa la dela saazuo nɛra.

2 Korẽntɩ 13:14

Tu Daana Yezu Kiresta zu'uhegɔ, Yinɛ nɔŋelum, Fa'a Sia suunuurɛ bɔna la ya za'a.

2 Korẽntɩ 6:10

Tu ani wuu tu suya n sagum la, gee tu nyɛɛni mɛ saŋa woo. Tu ani mɛ wuu naheduma la, gee me iŋɛ nɛreba zo'e zo'e ti ba dɛna buntateba, tu ani wuu tu ka tari la sɛla la, gee me tara sɛla woo.

Efɛɛzɩ 2:7

Bala ti saŋa la han ta paaɛ, a wan pa'alɛ a zu'uhegɔ la n ka tari makerɛ la, la a sum sebo ti a tara bɔ'ɔra tɔ Kiresta Yezu puan la.

Efɛɛzɩ 3:19

gee me mina Kiresta nɔŋerɛ la n gani mi'ilum woo la, la ya ta'am pirɛ la Yinɛ naanɛ paaɛ paaɛ.

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Kolɔsɩ 1:24

Nananawa, mam nyɛɛni mɛ n namehegɔ la puan yamam zuo, mam inganɛ wa puan, bahɛ ya ti n yele de ŋwana yeti, mam ba'aheri la namehegɔ seko en gee Kiresta namehegɔ la puan, a iŋa la en de lageŋɔ la zuo.

1 Timoti 6:18

Ba dela ba ita itesuŋɔ, ba dɛna buntateba itesuŋɔ puan, ba bɔ'ɔra, ba dɛna sɛba en maahum ti ba tɔta,

Hiburuduma 1:2

gee ba'ahegɔ dabeha wa puan, a tɔgɛ bo' tu doohe la a dayua puan, sɛka ti a looe ti ka sooe sɔna sɛla woo, se'em puan ti Yinɛ doohe naam sɛla woo en boi wa.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.

Lilegere 21:7

Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.

Lilegere 3:18

Bala zuo, mam ka'ani ya mɛ ti, ya wa'am na da' salema sɛ'a ti bugum bi'ihɛ a paaɛ la mam zi'an, la ya dɛna buntateba. Da' ya futo pɛɛla mam zi'an bagɛ pi' ya nyanɛ la, ti nɛreba da nyɛta ya beele la, gee da' tisumɔ mam zi'an tigɛ ya nini, la ya nyɛta suŋa.