2 Korẽntɩ 8:2 - ZE'ELEGO PAALEGA

² La, ban daa pun nyɛ namehegɔ kãra, nyɛ nɔŋɔ pɛɛlega la, ba nyɛɛma kãtɛ la ti ba tara la bahɛ ti ba bo' mɛ zo'e zo'e

Farefare Ninkaré

² Ba yẽ toogo mɛ nãmsɛ zozo'e, la ba tarɩ sũ-yẽlga zo'oge mɛ, tɩ baa la ba nõŋɔ la n zo'oge la, ba bɔ sõŋrɛ zo'oge mɛ la ba sũure wuu.

2 Korẽntɩ 8:2 ပူးပေါင်းရင်းမြစ်များ

Amatie 20:15

N ka tari sore ti n iŋɛ mam boti se'em la n mɛŋa bunɔ? Bii ya yuunɛ mɛ la n bu'a la?’

Aromduma 12:8

Kpemehego, daana me dela a kpɛmeha, ti se'em en bo'ori, me bɔ'ɔra yabi yabi, Nɛŋadaana mu'ɛ nini, ti nimbɔ'zɔta me tuna la pupeelum.

Aromduma 2:4

Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee?

2 Korẽntɩ 1:12

Yelemɛŋerɛ, tumam ŋmɛ'ɛri tu nyu'urɔ mɛ, gee me tara yelemɛŋerɛ tu puti'ira puan ti Tumam tum timpaberɛ wa zuo mɛ la yelemɛŋerɛ, la Yinɛ zoolum, gee dagena tiŋa wa zuo yɛm, gee Yinɛ zu'uhegɔ la, ti ŋwana wa dɛna la yamam wa zuo.

2 Korẽntɩ 2:9

Mam n daa gulehɛ ya la yele dina wa zuo. N makɛ ya bihɛ, gee baŋɛ nyaa ya nane sɛla woo puan.

2 Korẽntɩ 6:10

Tu ani wuu tu suya n sagum la, gee tu nyɛɛni mɛ saŋa woo. Tu ani mɛ wuu naheduma la, gee me iŋɛ nɛreba zo'e zo'e ti ba dɛna buntateba, tu ani wuu tu ka tari la sɛla la, gee me tara sɛla woo.

2 Korẽntɩ 9:11

Yamam za'a wan pãrɛ mɛ sɛla woo puan, la ya pupeelum bo'olum kãtɛ wa n wan bahɛ ti tumam ze'ele tu nama zuo bo' Yinɛ fara fara.

2 Korẽntɩ 9:13

Doohe la tumam en makɛ ya bihɛ la tuun-dina wa taaba la, ya bo' Yinɛ yu'urɛ pɛka mɛ la yan nam gee sakɛ bo' Yezu faarɛ yelehum la se'em la, la ya pupeelum tɔrega la ti ya tɔrɛ la ba, la basɛba me se'em la.

1 Tesaloniki 1:6

Ti yamam me tɔgehɛ tumam, la tu Daana la, se'ere en sɔi la, la yan pun nyɛta namehegɔ la, ya to'e yelehum la mɛ la nyɛɛma sɛ'a ti Fa'a Sia bo' la mɛ.

1 Tesaloniki 2:14

Gee yamam n suurɔ wa, ya dela sɛba en tɔgehi Yinɛ lageŋɔ la en boi Kiresta Yezu puan bɔna Yudiya la. Se'ere en sɔi la, ya namehɛ la bala mɛa ya mɛhi nɛreba zi'an, wuu ban yuum iŋɛ Yuuduma puan se'em la.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.