2 Korẽntɩ 7:11 - ZE'ELEGO PAALEGA

¹¹ Bihɛ ya yelemɛŋerɛ se'ere ti Yinɛ zoolum susageŋɔ wa iŋɛ ya puan. Beni ninmu'urɛ ti ya ka mu'ɛ ti ya yehe ya mɛhi, beni sigehe mɛŋa, beni pakerɛ, beni boolum, beni zika, beni namehegɔ. Sadɔɔ seko woo puan ya pa'alɛ mɛ ti ya ka tari tuure yele la puan.

Farefare Ninkaré

¹¹ Sũ-sã'aŋɔ sɛka n de Nawẽnnɛ n boorɩ se'em na n botɩ ya ɩta se'em n wãna: A botɩ ya mõ'ora la nini, a botɩ ya pa'ala tɩ ya ka tarɩ taalɛ yel-ẽŋa pʋam, a botɩ ya sũure n ka ãna yẽlʋm, a botɩ ya zɔta la dabeem, a botɩ ya bɔɔra mɛ la ya sũure wuu tɩ ya yẽ mam, a botɩ ya tara la yɛmleego tɩ ya ẽŋɛ sɛla n ãn sõŋa, dee wɩsgɛ ya mẽŋa tɩ ya sɩbgɛ sɛka n tõm be'em na. Yãma pa'alɛ mɛ sɛla woo pʋam tɩ yãma ka tarɩ taalɛ yel-ẽŋa pʋam.

2 Korẽntɩ 7:11 ပူးပေါင်းရင်းမြစ်များ

Amarkɩ 3:5

Ti Yezu bihɛ ba woo kaaɛ, ti a suure nyiie. La daam Yezu mɛ la ban tari sukãberɛ se'ere taaba la. Ti a yele buraa la yeti, “Tiɛ fum nu'o la.” Ti buraa wa tiɛ ka nu'o la, ti nu'o la iŋɛ sum.

Azã 2:17

Bilam ti a zahereba la tiɛ yeti, la gulehɛ bɔna ze'elego la puan yeti, “Fum yire wa nɔŋerɛ en kuuri mam.”

Tõoma 17:16

Pɔɔl n boi Atense gee gura Silase la Timoti la, a suure sagum mɛ paaɛ paaɛ, la tinkãtɛ la n pirɛ la baga la.

Aromduma 11:20

Bala dela asira. Gee yila la kɔ' doohe la ba bumbu'um zuo, gee yamam ze' doohe la sakerɛ zuo. Bala, da ŋmɛ'ɛra ya nyu'urɔ gee tum ze' ya la dabeem.

Aromduma 14:18

Se'em woo en tuni dɔla sadɔɔ kuna bɔ'ɔra Kiresta, Yinɛ nini tigɛ la a daana mɛ, ti saaleba me to'e en .

Aromduma 3:5

Gee tumam ŋmɛlema la han bahɛ ti Yinɛ tuntɔɔnɛ la niiɛ na, tu wan yeti bu? Yinɛ ka tari buurɔ a han taaɛ a sunsunyiim bahɛ tu zuo? (N tɔgeri la nɛre saala puti'irɛ en bala.)

1 Korẽntɩ 12:25

A iŋɛ ŋwana ti bɔgehegɔ da bɔna iŋa luga la puan, gee luga la tugum suŋera taaba.

1 Korẽntɩ 5:13

Yinɛ mɛŋa en wan gakɛ sɛba en ka dole Kiresta la. “Fooe ya be'em daana la ya puan bahɛ.”

1 Korẽntɩ 5:2

Gee ti ya tugum ukera. La dagi ni la ya tugum kɛla, gee ti se'em en tum tuun-dina wa la, ya fooe ni en ya puan bahɛ?

2 Korẽntɩ 13:7

Gee tu pu'uhi Yinɛ ti ya da tum se'ere tuue. Dagi la tu nyaŋɛ magehegɔ la mɛ, gee la dela ya ita sɛla n de ma'a, tu han pun koŋe magehegɔ la mɛ.

2 Korẽntɩ 2:6

Bala, tuberɛ dɔlegerɛ se'ere ti ya za'a naaɛ nuurɛ dɔlege nɛre-ina taaba tuberɛ wa la seke ya.

2 Korẽntɩ 6:4

Gee tumam en de Yinɛ yamehi la, tu nyɔkɛ tu mɛhi mɛ yɛla zo'e zo'e puan. Ŋmibega kãtɛ, namehegɔ, wuŋerɛ, nɔyalegerɛ,

2 Korẽntɩ 7:1

Tumam n diŋɛ tara nɔbiŋe-ana wa la, n suurɔ, bahɛ ya ti tu pee tu mɛhi ingɔŋɔ la sia puan galeŋɔ woo puan. Tu bahɛ ti tuulum vom pirɛ, doohe tu Yinɛ zoolum puan.

2 Korẽntɩ 7:7

Gee dagi Taitusi kinɛ la ma'a, gee subugehum sebo ti yamam daa bugelɛ a suure, ti a wa'am na yɛta tɔ yan boti ya nyɛ mam se'em, yan kele se'em, yan mu'ɛ nini se'em la. Ti la bahɛ ti mam me nyɛɛna, kɔ'ɔm kelum nyɛɛna yɛ'a ha.

2 Korẽntɩ 7:9

Nananawa, mam nyɛɛni mɛ, ti la dagena la ya suya n sagum la, gee ya susageŋɔ la bahɛ ti ya nyɛ la suteere. Ya nyɛ Yinɛ zoolum susageŋɔ, bala ti ya susageŋɔ la ka daam tɔ sadɔɔ seko puan.

2 Korẽntɩ 9:2

Se'ere en sɔi la, mam mi' ti ya ninmu'urɛ la n de mam nyu'ɔ ŋmɛ'a la ti mam tara ya ŋmɛ'ɛra bɔ'ɔra Masedoniya tiŋa nɛreba yeti, Akaiya pun maahum mɛ yuunɛ n tole ha la, ti yamam ninmu'urɛ la n gbirege nɛreba zo'e zo'e.

Efɛɛzɩ 4:26

Fum suure ta'am ihege gee da tum be'em. Da bahɛ ti yinɛ ma'a la fum sunsunyiihum la,

Efɛɛzɩ 5:11

Da lagum tuna ya lika puan tuunsɛ'a n ka tari walesuma la, gee tugum viie ya ba fihi.

Filipi 2:12

Ŋwana zuo, n sunɔŋerɛ duma wa, wuu yamam en nane mam saŋa woo se'em la, ti la dagena la mam ni bɔna la ya la ma'a, gee nam ya mam gana bala nananawa, ti n ka bɔna la ya wa. Tuni ya mɛ la ninmu'urɛ pa'alɛ ti ya nyɛ faarɛ, la dabeem la gbi'a.

1 Tesaloniki 4:6

Ti ya se'em da tuue, bii fã a suuɔ yele ana wa puan, beni zuo, Daana la mɛŋa en wan lerege yele ana woo puan, wuu tumam en pun te'ele yele ya gee ka'am ya la ninmu'urɛ se'em la.

1 Timoti 5:20

Han dɛna sɛba en kɔ'ɔm bɔna be'em puan la, tahɛ ba nɛreba nɛŋan, ti sɛba en gee la, dabeem wan kɛ̃ ba.

2 Timoti 2:15

Kpeŋe fum mɛŋa la fum kaabɛ fum mɛŋa suŋa bo' Yinɛ wuu se'em ti Yinɛ mɛŋa nam la. Tuntuna sɛka en ka de a zɔta valum, pa'ala yelemɛŋerɛ yelehum la tuuntɔɔ.

Taitusi 3:8

Yetɔge buna wa dela yelemɛŋerɛ. Mam suure boti fum tɔgera yele ana wa suŋa, ti sɛba en wa'am na nam Yinɛ la wan kaabɛ ba mɛhi bo' tuunsuma. Yele ana wa dela ma'a, gee tara nyuurɔ bɔ'ɔra nɛra woo.

Hiburuduma 4:1

Bala zuo, vo'ohego puan kɛ̃'a nɔbiŋere la en kelum bɔna la, bahɛ ya ti tu biha tu mɛhi suŋa, ti ya se'em da ta yaa koŋe a paaɛ vo'ohego la.

Yemesi 3:17

Gee yɛm en ze'ele saazuo na, yia bu dela fa'a, tara suma'ahum, ma'ma, tara waŋa suboolum, pirɛ la nimbɔ'zɔrɛ, tara walesuma, ti fum kan nyɛ lugehego, bii birikɔgenɛ bu puan la fii me.

1 Pita 1:17

Yamam han yi'ira en Sɔ, se'em en gakeri nɛra woo ka tara ninkɔɔra, gee nɛra woo la a tuuma en de se'em la, voni ya la dabeem ya nɔka saŋa wa puan.

1 Pita 2:2

Wuu yan de bilɛɛhi la, kɔ'ɔm leebere ya mɛ la Sia puan bi'ihum sumɔ la, bala ti bu wan bahɛ ti ya zɔ'ɔra ya faarɛ la puan,

Azudi 1:23

Faaɛ ya basɛba bahɛ wuu ya tum la bugum puan zɛ ba fooe na la. Gee me tari ya Yinɛ zoolum nimbɔ'zɔrɛ bɔ'ɔra sɛba. Gee kiha ba futo ti ba yaluntuuma la galum la.

Lilegere 3:19

Mam taheri gee dɔlegera la sɛba ti n nɔŋɛ la tuba. Bala, mu'ɛ ya nini gee tee.