2 Korẽntɩ 6:6 - ZE'ELEGO PAALEGA

⁶ Zulaam, mi'ilum, sugeri, itesuŋɔ, Fa'a Sia puan tuntɔɔnɛ, yelemɛŋerɛ nɔŋerɛ,

Farefare Ninkaré

⁶ La tõma tõnnɩ na pʋpeelem, la bãŋrɛ, la sũ-mã'arɛ, la ɩr-sõŋɔ, la Nawẽnnɛ Sɩa, la nõŋlʋm sɩra sɩra.

2 Korẽntɩ 6:6 ပူးပေါင်းရင်းမြစ်များ

Aromduma 12:9

Tari ya yelemɛŋerɛ nɔŋerɛ. Yaaɛ ya sɛla en de be'em, gee gurɛ sɛla en de sum kankaŋi.

Aromduma 15:19

doohe paŋa kirehi, la nyalema, en tum doohe Yinɛ Sia paŋa la puan, pɔhɛ Yerusalɛm ta paaɛ Ilirikum, mam tɔgɛ Kiresta faarɛ yelehum la za'a za'a.

1 Korẽntɩ 12:8

Ayima, Sia la bo' en la yɛm tugum puan, ti ayima me, Sɛkaŋa mɛa n bo' en mi'ilum tugum puan,

1 Korẽntɩ 13:4

Nɔŋerɛ dela sugeri, nɔŋerɛ dela itesuŋɔ. Nɔŋerɛ ka tari nintɛrega bii pa'alɛ n mɛa, bii nyu'ɔ ŋmɛ'a,

1 Korẽntɩ 2:16

Se'ere en sɔi la, “Ani en mi' Daana la puti'irɛ, wan ta'am pa'alɛ en?” Gee tumam tari la Kiresta puti'irɛ.

1 Korẽntɩ 2:4

Mam tugum, la n muulegɔ la daa dagi pã'ahegɔ yetɔgum, gee Sia la tuuma, la paŋa,

2 Korẽntɩ 1:23

Gee mam yi' la Yinɛ ti a dɛna mam aze'nyɛ daana, ti ya da nyɛ susageŋɔ zuo, ti n daa ka le wa'am Korinti na la.

2 Korẽntɩ 11:11

Ti beni zuo? La dela mam ka nɔŋɛ ya mɛ bii? Yinɛ ma'a en mi'.

2 Korẽntɩ 11:4

Se'ere en sɔi la, se'em han wa'am na muulɛ Kiresta kayima n dagi sɛka ti tumam muulɛ bo' ya la, bii ya to'e la sia kayima n dagi sɛka ti ya pun to'e la, bii faarɛ yelehum sebo en dagi sebo ti ya pun to'e la, ya me ni sirum to'e a mɛ la ninmu'urɛ.

2 Korẽntɩ 11:6

Daanse'ere n ka mi' la tugum gee dagi mi'ilum. Yelemɛŋerɛ, sadɔɔ seko woo puan, la sɛla woo puan, tu tum pa'alɛ ti tu mi' mɛ.

2 Korẽntɩ 12:15

Mam wan yuregɛ n lɔgerɔ la pupeelum, gee bahɛ ti ba yuregɛ mam mɛŋa pa'ahɛ bo' ya. Mam han nɔŋɛ ya zo'e ŋwana, yamam dela ya nɔŋɛ mam fii yoi?

2 Korẽntɩ 13:10

Bala, mam gulehɛ gɔnkuna wa bɔ'ɔra ya ti n ka boi la ya, bala ti n han ta wa'am na, n kan dikɛ sukpe'ene dikɛ pansɛka ti Daana la dikɛ bo' mam ti n mɛ ya la, sagum ya.

2 Korẽntɩ 2:10

Se'em woo ti ya di sugeri bo' en, mam me di sugeri bo' en mɛ. Mam n di sugeri bo' sɛla la, wuu n han sirum tari se'em yele n suure wa puan gee di sugeri bo' en, la dela yamam sum zuo, Kiresta nɛŋan.

2 Korẽntɩ 2:4

Mam n gulehɛ gɔŋɔ wa la nimbaalega, la susageŋɔ, la nintam zo'e zo'e wa dagi la n bahɛ ti ya suya sagum, gee n bahɛ ti ya baŋɛ nɔŋerɛ kãtɛ se'ere ti mam tara bɔ'ɔra ya.

2 Korẽntɩ 3:3

Ya mɛhi la mɛ pa'alɛ ya ti ya dela Kiresta gɔŋɔ, ti tumam en de sɛba en maahum kɔ. Tu ka dikɛ zigemɔlegɔ gulehɛ, gee tu dikɛ la Yinɛ vua wa Fa'a Sia la gulehɛ ya. Tu ka gulehɛ iŋɛ la kugelama puan, gee tu gulehɛ iŋɛ la saaleba suya puan.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

2 Korẽntɩ 7:2

Bo' ya tu zi'an ya suya puan. Tumam ka tuue ya se'em, tu ka galum se'em, tu ka bihɛ ya se'em yoo.

Galatɩ 3:2

Yele yinɛ se'ere ma'a ti mam bɔta ti n baŋɛ ya zi'an dela, Yamam to'e Fa'a Sia la doohe la yan tuni ze'elego la yɛla se'em bii, yan nam sɛla ti ya wum la?

Galatɩ 3:5

La yi han dɛna bala, Yinɛ bo' ya Fa'a Sia la, gee tum kirehi ya puan la doohe la ze'elego la tuuma bii yan nam sɛla ti ya wum la zuo?

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Efɛɛzɩ 3:4

Ku wan dɛna gɔŋɔ ti ya han kãalɛ, ya wan baŋɛ mam n bɔkɛ Kiresta sugelum yele la se'em.

Efɛɛzɩ 4:2

Voni ya ya vom za'a la sirege n mɛŋa, zulaam, gee ŋmibera la taaba nɔŋerɛ puan.

Efɛɛzɩ 4:32

Gee iti ya sum bo'ori ya taaba, gee zoti ya taaba nimbu'ɔ, gee dita sugeri bɔ'ɔra taaba wuu Yinɛ n di ya be'em sugeri bo' ya se'em Kiresta zuo la.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 2:3

La dela Kiresta puan ti yɛm la mi'ilum tarega za'a bɔna.

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

1 Tesaloniki 2:10

Yamam dela aze'nyɛduma, la Yinɛ me, tumam en de tuulum, la tuuntɔɔ, ka tara tuure tu itegɔ puan se'em bɔ'ɔra yamam sɛba en nam la.

1 Timoti 4:12

Da bahɛ ti nɛra nɛra zeem fum bumbile paalum la zuo, gee tugum dɛna makerɛ bo' sakereba la, fum tugum, fum aŋa, nɔŋerɛ, sakerɛ, la fum filam vom.

1 Timoti 5:2

tɔgera bɔ'ɔra pɔgenya'ahi la me, ba wuu maduma la, pɔge sa'ara la me wuu, fum tapa la, la susunɛ.

2 Timoti 3:10

Nananawa, fum Timoti, mi' mam pa'alegɔ, la mam aŋa, mam puti'irɛ en de se'em vom puan, n sakerɛ, n sugeri, n nɔŋerɛ, mam n ze' kankaŋi se'em,

2 Timoti 4:2

Muula yelehum la, kɔ'ɔm zɛ'a mɛ kankaŋi, sum saŋa bii be'ero saŋa, tɔgera tɛɛra, tahɛ, kpɛmeha, la pa'alegɔ sugeri zo'e, zo'e.

Taitusi 2:7

Bahɛ ti naŋa bɔna fum puan zi'an woo, ti fum dɛna tuunsuma daana ti ba wan tɔgehɛ, fum pa'alegɔ puan, pa'ala la yɛm la paŋa,

Yemesi 3:17

Gee yɛm en ze'ele saazuo na, yia bu dela fa'a, tara suma'ahum, ma'ma, tara waŋa suboolum, pirɛ la nimbɔ'zɔrɛ, tara walesuma, ti fum kan nyɛ lugehego, bii birikɔgenɛ bu puan la fii me.

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Zã 3:18

Kɔmbibehi wa, da bahɛ ya ti tu nɔŋɛ taaba la nuurɛ bii tugum ma'a, gee tu nɔŋɛ ya taaba la, yelemɛŋerɛ la tuuma.