2 Korẽntɩ 6:1 - ZE'ELEGO PAALEGA

¹ Wuu tumam n lagum tuna la en la, ti beleni ya mɛ ti ya da to'e Yinɛ zu'uhegɔ la yoo.

Farefare Ninkaré

¹ Tõma n lagɩm na Nawẽnnɛ tõnna la ĩyã, tõma sosrɩ ya mɛ tɩ ya da basɛ tɩ yel-sõnnɛ na tɩ ya to'oge Nawẽnnɛ zẽ'am na dɛna zãŋa.

2 Korẽntɩ 6:1 ပူးပေါင်းရင်းမြစ်များ

Amatie 23:37

“Yerusalɛm, Yerusalɛm, tinsɛka en kuuri ka nɔtɔgeheba gee lɔbera sɛba ti ba tum a zi'an na la kuga. Saŋa zo'e zo'e ti mam zigera ti n lagehɛ ni fum kɔma wa bɔbeyinɛ wuu nua n kã'ahɛ ka kɔma iŋɛ ka kelumpagehi puan se'em la, gee fum ka boti.

Tõoma 11:23

Banabase n wa'am na paaɛ nyɛ Yinɛ zu'uhegɔ la n sige nɛreba la zuo se'em la, a puurɛ n pee, ti a kpemehe ba za'a yeti, ba bɔna ba sakerɛ la puan la Daana la, la ba kaabɛ ba mɛhi bo' en saŋa woo;

Tõoma 14:3

Ŋwana zuo, ti Pɔɔl la Banabase yee tiŋa la puan yuue, tɔgera Daana la yelehum la ninmu'urɛ, ti Daana la mɛŋa bahɛ ti a tuntuneba la tuna daalehum la nyalema la ba nu'uhi ti la pa'alɛ ti zu'uhegɔ yelehum la dela eŋa yelehum.

Aromduma 12:1

Bala zuo, n yeti ya mɛ n suurɔ, ti Yinɛ nimbɔ'zɔrɛ la zuo, ya dikɛ ya ihi la bo' wuu kaabɛ vua la, dɛna tuulum kaabegɔ, gee tigɛ Yinɛ nini, dina en de ya sia puan na'ahegɔ.

1 Korẽntɩ 3:9

Tumam dela Yinɛ yamehi, tuna la taaba; Yamam en de Yinɛ va'am, dɛna Yinɛ yire.

2 Korẽntɩ 10:1

Mam mɛŋa Pɔɔl, mam beleni ya mɛ doohe la Kiresta ma'ma' la a uhega la puan, mam se'em n ni sigehe n mɛŋa n han ni zɛ'a ya nɛŋan, gee kpe'em bo' ya n han ni zaaɛ la ya.

Galatɩ 2:21

Mam ka zagehɛ Yinɛ zu'uhegɔ la. Se'ere en sɔi la, nɛra han ka tara tuure doohe ze'elego la puan, Kiresta kum la yi dela yoo.

Galatɩ 3:4

Yamam en nyɛ yɛla wa zo'e se'em wa dela yoo? Wuu la han sirum dɛna la yoo.

1 Tesaloniki 3:5

Yele dina wa zuo, mam daa kan le ta'am ŋmibe la zuo, ti n tum na, ti n baŋɛ ya sakerɛ la en ze' se'em. Mam zoti la dabeem ti daan se'ere mageha la magehɛ ya bihɛ mɛ, ti tu namehegɔ tuuma la bahɛ yoo.

Taitusi 2:11

Se'ere en sɔi la, Yinɛ zu'uhegɔ la wa'am na tari la faarɛ na bo' nɛra woo,

Hiburuduma 12:15

Bihɛ ya suŋa, ti ya se'em da koŋe Yinɛ zu'uhegɔ la. Da bahɛ ya ti too nyɛgerɛ yehe ya puan na, tari daaŋɔ wa'am na, ti ya doohe de puan galum nɛreba zo'e zo'e.

Hiburuduma 12:25

Bihɛ ya suŋa la ya da zagehɛ se'em en kageri ya wa. Nɛreba daa han ka piiɛ ban da zagehɛ se'em en daa kagɛ ba tiŋa wa zuo la, tumam yeti tu iŋɛ la ŋwani piiɛ la fii me, tu ha zagehɛ se'em en kageri tɔ saazuo na wa.

Hiburuduma 4:1

Bala zuo, vo'ohego puan kɛ̃'a nɔbiŋere la en kelum bɔna la, bahɛ ya ti tu biha tu mɛhi suŋa, ti ya se'em da ta yaa koŋe a paaɛ vo'ohego la.

1 Pita 4:10

Wuu yan de tuntuneba suma, ti Yinɛ zu'uhegɔ pirɛ ya la, tuni ya bɔ'ɔra taaba, la bo'olum sebo woo ti yamam ayima ayima to'e la.