2 Korẽntɩ 5:17 - ZE'ELEGO PAALEGA

¹⁷ Bala, se'em han bɔna Kiresta puan, a dela naanɛpaalega, sɛla woo n de kɛka tole ya, bihɛ, sɛla woo nyaa lebege la paalega.

Farefare Ninkaré

¹⁷ Nẽra sãn lagɩm na Krisi dɛna ayɩla, a lebge la nẽr-paalga, yel-kɛgsɩ la tole mɛ, tɩ sɛla woo lebge paalsɩ.

2 Korẽntɩ 5:17 ပူးပေါင်းရင်းမြစ်များ

Amatie 12:33

“Bihɛ tia suŋa gee ka wala me wan ani suŋa. Bii da bihɛ tia suŋa gee ka wala me ka ana suŋa. Se'ere en sɔi la, tia wala en pa'alɛ kan de tisɛka.

Amatie 24:35

Saazuo la tiŋa wa wan tole, gee mam yelefum wa kan malum tole.

Aluki 5:38

Gee daam n nan kele, dela bu su' daam laŋa paalega puan.

Azã 14:20

De daarɛ la, ya wan baŋɛ ti mam boi mɛ la n Sɔ la, ti yamam bɔna la mam, ti mam me bɔna la ya.

Azã 15:2

A ŋmati yile-se'ere woo n naaɛ la mam gee ka wuna baha mɛ. Gee yɔreha yile-se'ere woo n naaɛ la mam gee wuna wala ti de wam zo'e zo'e.

Azã 15:5

Mam n de ta'aŋa la, ti yamam dɛna yila. Sɛba n naaɛ la mam, ti mam me naaɛ la ba la wani zɔ'ɔra mɛ, se'ere zuo, la han dagena la mam puan, ya kan ta'am iŋɛ sɛla.

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Azã 3:3

Ti Yezu lerege en yeti, “Yelemɛŋerɛ yelemɛŋerɛ ti n yɛta fum wa, nɛra ka boi wan bɔna Yinɛ sɔ'ɔlum la puan han dagena ba dɔgɛ en la saazuo na.”

Azã 3:5

Ti Yezu lebehe en yeti, “Yelemɛŋerɛ yelemɛŋerɛ ti n yɛta hɔ wa, ti nɛra ka boi wan kɛ̃ Yinɛ sɔ'ɔlum la puan, han dagena ba malum dɔgɛ en mɛ doohe ko'om, la Sia la puan.

Aromduma 16:10

Pu'uhɛ ya Apeles, se'em tuuma n tigɛ Kiresta nini. Pu'uhɛ ya Aristabulus yire duma la.

Aromduma 16:11

Pu'uhɛ ya n buuri Hɛrɔdiyɔn. Pu'uhɛ ya sɛba en dole Daana la, dɛna Nasisu yire duma la.

Aromduma 16:3

Pu'uhɛ ya Pirisika la Akuila, sɛba en tuni la mam Kiresta Yezu puan la,

Aromduma 16:7

Pu'uhɛ ya Anduronikus la Yuniya en de mam buuri, ti ba daa lagum pagɛ ba la mam la. Bama en de sɛba ti ba ba' mina Yezu tuntuneba la puan. Bama pun dɔla Kiresta mɛ gee ti mam baŋɛ wa'am na.

Aromduma 16:9

Pu'uhɛ ya Yurebanuse mam tuntuna tadaana Kiresta puan, la Sitakise ti n nɔŋɛ la.

Aromduma 7:6

Gee nananawa, ba yehe tumam ze'elego la puan mɛ. Tumam ka le vɔna sɛla en yuum tari tumam ti tu dɛna yamehi la puan, ti tu da dɛna yamehi bo' diimen diimen gulehegɔ la, gee vom paalum la en de Sia puan vom la.

Aromduma 8:1

Bala zuo, nananawa, sageŋɔ ka boi sɛba en boi Kiresta Yezu puan la zuo.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 13:11

Mam n daa de bia la, n daa tɔgeri la biine, ti'iha wuu biine, bɔkera wuu biine, gee mam nyaa de bunkutɛ la, mam bahɛ biine mɛ.

2 Korẽntɩ 12:2

Mam mi' buraa kayima en wa dɔla Kiresta sore wa. Ti yuumpia la anaahi n tole ha, ti sɛla yuum zɛ en zom la tinsuŋan ha. La yuum dela sia puan, bii inganɛ puan, mam ka mi', Yinɛ ma'a n mi'.

2 Korẽntɩ 5:16

Yehe nananawa yɛ'ɛha ha, tu ka le bɛha nɛra inganɛ puan, la tumam n pun tabelɛ mina Kiresta inganɛ puan la, tu ka le malum mina n en sadɔkuŋɔ puan.

2 Korẽntɩ 5:19

Dina dela, Kiresta puan ti Yinɛ dɔla dikera tiŋa wa za'a naara a mɛa, ka dikera ba be'em taala pagela ba zuo, tum dikɛ naarɛ sɔɔleŋa wa iŋɛ tumam nu'uhen.

2 Korẽntɩ 5:21

Se'ere en sɔi la, tumam zuo ti Yinɛ iŋɛ en ti a ana wuu a dela be'em daana la, eŋa se'em en ka tabelɛ mina be'em, ti doohe eŋa puan tu wan tara Yinɛ tuuntɔɔ vom la.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Galatɩ 6:15

Se'ere en sɔi la, ŋmaa, la a ka ŋma, dagi sɛsɛla, gee dɔgum paalemɔ en de sɛla woo!

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 2:15

A saalum ze'elego la, la ku pa'alegɔ, la ku malema za'a bahɛ mɛ, ti a malum naam asaala paalega bo' a mɛŋa ti a tee ze'ele bo' bayi' la, ti suma'ahum bɔna.

Filipi 4:21

Pu'uhɛ nɛresunduma la za'a en boi Kiresta Yezu puan la. N suurɔ n boi la mam ka'lam pu'uheri ya na.