2 Korẽntɩ 5:14 - ZE'ELEGO PAALEGA

¹⁴ Kiresta nɔŋerɛ la en bo'ori tɔ paŋa, se'ere zuo, tu za'a sakɛ ya ti nɛra ayima n ki bo' nɛrawoo, bala la, nɛrawoo ki mɛ.

Farefare Ninkaré

¹⁴ La de la Krisi nõŋlʋm n soe tõma la ĩyã. Tõma bãŋɛ mɛ tɩ nẽra ayɩla n ki nẽrba wuu ĩyã, tɩ la pa'alɛ tɩ nẽrba wuu po lagɩm na ẽ ki mɛ.

2 Korẽntɩ 5:14 ပူးပေါင်းရင်းမြစ်များ

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Aluki 15:24

Se'ere en sɔi la, mam dayua wa daa ki mɛ gee le vo'e, ka daa bɔregɛ mɛ, gee lebe na!’ Bala ti ba pɔhɛ de'eŋo.

Aluki 15:32

Gee la dela tu de'em gee nyɛɛm, se'ere en sɔi la, fum suuɔ wa daa ki mɛ gee vo'e. A daa bɔregɛ mɛ gee ti tu nyɛ en.’ ”

Aluki 24:29

Ti ba belum en ninmu'urɛ yeti, “Yee la tu ka'lam, gee la ye' la zaanuurɛ n bala, ti yinɛ me yɛ'a lua.” Bala ti a yee bilam la ba.

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Azã 11:25

Ti Yezu yele en yeti, “Mam n de ihigere la, la vom la. Se'em n nam mam, la han pun ki, gee ba wan vo'e,

Azã 5:25

“N yeti ya la yelemɛŋerɛ yelemɛŋerɛ wa ti, saŋa kini na, ka pun paaɛ, ti ki'induma wan wum Yinɛ dayua wa kua, ti sɛba n wum wan vɔna

Tõoma 18:5

Silase la Timoti n ta ze'ele Masedoniya paaɛ en na la, ti Pɔɔl boi la yelehum la muulegɔ puan mimi, yɛta Yuuduma la ti Kiresta la dela Yezu.

Aromduma 2:2

Gee tu mi' ti, “Yinɛ en gakeri nɛre sɛba en iti yele aŋa la, dole la yelemɛŋerɛ suŋa suŋa.”

Aromduma 5:15

Gee se'em ti Yinɛ dikɛ bo' tu zaŋa la ka ani wuu se'em en tari tuure la. Se'ere en sɔi la, nɛreba kekeko la han ki doohe la nɛre yinɛ tuure la zuo, yelemɛŋerɛ, Yinɛ zu'uhegɔ la, la a bo'olum ti a bo' zaŋa la, doohe la zu'uhegɔ seko ti a zu'uhɛ buraa kayima Yezu Kiresta wa la, zu'uhegɔ kuna wan bɔna zo'e zo'e bo' nɛreba zo'e zo'e.

Aromduma 6:13

Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

Aromduma 6:6

Tu mi' ti ba daa kpa' tu naanɛ kɛka la mɛ la Kiresta, ti tu be'em naanɛ la sagum, ti tu da le dɛna da'aba bo' be'em.

1 Korẽntɩ 16:22

Bahɛ ya ti ka'be'o dɔla se'em woo n ka nɔŋɛ Daana la. Maranata! (De vuurɛ dela, “Tu Daana, wa'am na.”)

1 Korẽntɩ 2:14

Sɛba ti Sia la ka bɔna la ba la, ka to'ore Yinɛ Sia bo'olum la, se'ere en sɔi la, ba ka tari vuurɛ bo' ba, ti ba me kan ta'am bɔkɛ ba, se'ere en sɔi la, ba dela Sia puan yɛla.

2 Korẽntɩ 3:7

Nananawa, kum tuuma yɛla la ba daa kɔrum a iŋɛ labelɛ kugelama puan la, han daa wa'am na na la niihum en kpigeri Iziraleduma la nini ti ba ka tana bihera Moose nɛŋa, kan daa ba' nyagera la zuo, dɛna niihum sebo en nyaa gbe'e biŋe pooren wa, nyaa bihɛ!

2 Korẽntɩ 3:9

Suŋa kana taaba daa han dɔla sageŋɔ tuuma yɛla la, suŋa kãtɛ en gani bala wan dɔla buurɔ tuuma yɛla.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Efɛɛzɩ 6:24

Yinɛ zu'uhegɔ bɔna la yamam sɛba woo n tara nɔŋese'ere n ka tari ba'ahegɔ la bɔ'ɔra tu Daana Yezu Kiresta la.

Kolɔsɩ 2:13

Yan daa ki ya tuure puan, ya ingɔŋɔ la en ka ŋma la puan la, Yinɛ bahɛ ti ya vo'e mɛ la en, eŋa en daa di tu za'a tuure sugeri bo' tu.

Kolɔsɩ 3:3

se'ere en sɔi la, ya ki mɛ, ti ya vom la sugɛ la Kiresta puan, Yinɛ puan.

1 Timoti 2:6

se'em en dikɛ a mɛŋa kaabɛ to'ore kaabegɔ bo' nɛra woo, ti la dɛna aze'nyɛ saŋa ti a pun maahum.

1 Timoti 5:6

Gee pɔkɔ-se'ere en diti nyɛlum pun ki mɛ gee vɔna la.

Taitusi 3:3

Se'ere en sɔi la, tumam mɛhi tabelɛ dɛna la geto, ka nana, bɔregɛ, dɛna da'aba bo' kɔrehi la nyɛlum yima yima, dikɛ tu dabeha tum pa'ahegɔ tuuma, nintɛrega, zɛregera nɛreba, yaaɛ taaba.

Hiburuduma 2:9

gee tu nyɛ Yezu, se'em ti saŋa fii wa, Yinɛ iŋɛ en ti a bɔna suŋereba la tiŋa, gee nananawa nyaa vuge suŋa la na'ahegɔ muŋa doohe a namehegɔ kum la zuo, ti Yinɛ zu'uhegɔ la zuo,Yezu wan lem kum bo' nɛra woo.

Hiburuduma 6:10

Yinɛ dagi se'em n ka bo'ori buurɔ. A kan mum a nini la ya tuuma la, la ya nɔŋerɛ la ti ya pa'alɛ a yu'urɛ zuo la, doohe la yan bihɛ nɛresunduma la se'em, wuu yan kelum ita se'em wa la.

1 Pita 1:8

La yan pun ka nyɛ en la, ya nɔŋɛ en mɛ. La yan pun ka nyɛ en nananawa la, ya nam en mɛ, gee nyɛɛna mɛ la nyɛɛma kãtɛ sɛ'a en ka tari tɛka pirɛ suŋa.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.