2 Korẽntɩ 5:11 - ZE'ELEGO PAALEGA

¹¹ Bala, tumam n mi' tu zɔta Daana la vuurɛ n de sɛla la, tu tiregerɛ mɛ ti tu bahɛ ti basɛba me baŋɛ en. Gee han dɛna tumam mɛhi, Yinɛ mi' tumam mɛ suŋa suŋa, n me tari puti'irɛ ti yamam me mi' tu suŋa suŋa ya suya puan.

Farefare Ninkaré

¹¹ Bɛla tõma n mi tɩ zɔta Zuudãana n de se'em na, tɩ tõma mõrgra tɩ tɩ tɔgɛ yãŋɛ nẽrba tɩ ba sakɛ ẽ. Wẽnnaam mi tõma sõŋa mɛ. La mam tarɩ pʋtẽ'erɛ tɩ yãma sũure pʋam ya mẽ mi mam mɛ.

2 Korẽntɩ 5:11 ပူးပေါင်းရင်းမြစ်များ

Amatie 10:28

Da zoti ya sɛba n wan ta'am ku inganɛ la ma'a gee kan ta'am ku sia la. Gee tugum zoti ya se'em en wan ta'am sagum inganɛ la sia la bugum tiŋa la puan.

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Aluki 12:5

Gee mam wan yele ya la ninmu'urɛ, se'em en de ya zɔta. Zoti ya se'em en wan ku ya inganɛ la, gee tara paŋa ti a dikɛ ya sia bahɛ bugum puan la. Ɛ̃ɛ, n yeti ya mɛ wa, zoti ya eŋa.

Aluki 16:31

Ti Aberaham lebehe en yeti, ‘Ba han kan kelehe Moose la nɔtɔgeheba la, bala mɛa ti se'em n ihege kum puan han pun lebe ta tɔgɛ bo' ba, ba pun kan tee ba puti'irɛ.’ ”

Tõoma 13:43

Ban ta ba'ahɛ lageŋɔ la zamehegɔ yire la puan la, Ti Yuda buuri la zo'e zo'e la sɛba n kaabɛ ba mɛhi bo' Yuda pu'uhegɔ la dɔla Pɔɔl la Banabase poore, ti ba tɔgera bɔ'ɔra ba gee kpɛmeha ti ba kelum bɔna Yinɛ zu'uhegɔ la puan.

Tõoma 18:13

Nyaa yeti, “Burakana wa dole pa'ala nɛreba paaɛ paaɛ ti ba pu'uha Yinɛ sadɔɔ seko n ka dole la ze'elego la.”

Tõoma 18:4

Vo'ohego dabeherɛ woo, Pɔɔl ni wan kɛ̃ zamehegɔ yire la puan, zigera ti a nyaŋɛ Yuda la Girikiduma la.

Tõoma 19:26

Ya me nyɛ ya, gee me wum ti, dagi Ɛfisu ma'a puan, gee la ŋwani ti Esiya wa puan za'a, Pɔɔl wa doohe pã'ahɛ mɛ gee vɛ' nɛrekuuŋɔ yehe, doohe la en tɔgeri yeti, yina sɛ'a ti ba dikɛ nu'uhi maalɛ la dagi yina.

Tõoma 26:26

Yelemɛŋerɛ la dela, Naba mi' yele ana mɛ bala ti mam tɔgera a bala fai bɔ'ɔra en la. Se'ere n sɔi la, mam mi ti a ka tamɛ yele ana wa la deyina me, se'ere n sɔi yele ana wa la deyina me daa ka boi iŋɛ yoko puan.

Tõoma 28:23

Ban daa ta ze'ele dabeherɛ ti ma le tu'uhɛ la ena la, ba wa'am la a ga'aregɔ zi'an na, ba nɛrekuuŋɔ. Ze'ele bulika tara tara la zaanuurɛ, ti a tu' yele la n ani se'em bo' ba, yɛta ba Yinɛ sɔ'ɔlum la n ani se'em, zigera ti a tee ba puti'ira la Yezu, ze'ele Moose ze'elego la, la nɔtɔgeheba la puan.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.

2 Korẽntɩ 5:20

Bala, tumam dikɛ la Kiresta na'arɛ, se'ere n sɔi la, Yinɛ beleni ba dɔla la tumam puan. Bala tu yeti ya mɛ la ninmu'urɛ Kiresta zuo, ti ya lebe naaɛ la Yinɛ

2 Korẽntɩ 6:1

Wuu tumam n lagum tuna la en la, ti beleni ya mɛ ti ya da to'e Yinɛ zu'uhegɔ la yoo.

Galatɩ 1:10

Nananawa, mam nyaa eere la saaleba sakɛ bo' mam yoi? Bii n eere la Yinɛ sakɛ bo' mam? Bii n tugum nyaa zigera ti n pee la saaleba puya? Mam han kelum dole ni la n pɛɛra saaleba puya, mam kan deni Kiresta yameŋa.

Efɛɛzɩ 5:21

Sigehe ya mɛhi bo' taaba, ti la dɛna ya na'ahegɔ n bala bɔ'ɔra Kiresta.

Hiburuduma 10:31

La dela dabeem yele ti fum lu Yinɛ vua wa nu'uhen.

Hiburuduma 12:29

Yelemɛŋerɛ, tu Yinɛ la dela bugum sebo en diti kãbera.

Azudi 1:23

Faaɛ ya basɛba bahɛ wuu ya tum la bugum puan zɛ ba fooe na la. Gee me tari ya Yinɛ zoolum nimbɔ'zɔrɛ bɔ'ɔra sɛba. Gee kiha ba futo ti ba yaluntuuma la galum la.

Lilegere 20:15

ti se'em woo yu'urɛ ti ba ka nyɛ ti de gulehɛ bɔna vom gɔŋɔ la puan la, ba lobe a daana bahɛ la bugum mɔgerɛ la puan.